Rig Veda · Chapter 5.064

varuṇaṁ vo riśādasam ṛcā mitraṁ havāmahe |
pari vrajeva bāhvor jaganvāṁsā svarṇaram ||

tā bāhavā sucetunā pra yantam asmā arcate |
śevaṁ hi jāryaṁ vāṁ viśvāsu kṣāsu joguve ||

yan nūnam aśyāṁ gatim mitrasya yāyām pathā |
asya priyasya śarmaṇy ahiṁsānasya saścire ||

yuvābhyām mitrāvaruṇopamaṁ dheyām ṛcā |
yad dha kṣaye maghonāṁ stotṝṇāṁ ca spūrdhase ||

ā no mitra sudītibhir varuṇaś ca sadhastha ā |
sve kṣaye maghonāṁ sakhīnāṁ ca vṛdhase ||

yuvaṁ no yeṣu varuṇa kṣatram bṛhac ca bibhṛthaḥ |
uru ṇo vājasātaye kṛtaṁ rāye svastaye ||

ucchantyām me yajatā devakṣatre ruśadgavi |
sutaṁ somaṁ na hastibhir ā paḍbhir dhāvataṁ narā bibhratāv arcanānasam ||