Rig Veda · Chapter 5.038

uroṣ ṭa indra rādhaso vibhvī rātiḥ śatakrato |
adhā no viśvacarṣaṇe dyumnā sukṣatra maṁhaya ||

yad īm indra śravāyyam iṣaṁ śaviṣṭha dadhiṣe |
paprathe dīrghaśruttamaṁ hiraṇyavarṇa duṣṭaram ||

śuṣmāso ye te adrivo mehanā ketasāpaḥ |
ubhā devāv abhiṣṭaye divaś ca gmaś ca rājathaḥ ||

uto no asya kasya cid dakṣasya tava vṛtrahan |
asmabhyaṁ nṛmṇam ā bharāsmabhyaṁ nṛmaṇasyase ||

nū ta ābhir abhiṣṭibhis tava śarmañ chatakrato |
indra syāma sugopāḥ śūra syāma sugopāḥ ||