ઋગ્વેદ · અધ્યાય 5.038

ઉરોષ્ ટ ઇન્દ્ર રાધસો વિભ્વી રાતિઃ શતક્રતો ।
અધા નો વિશ્વચર્ષણે દ્યુમ્ના સુક્ષત્ર મંહય ॥

યદ્ ઈમ્ ઇન્દ્ર શ્રવાય્યમ્ ઇષં શવિષ્ઠ દધિષે ।
પપ્રથે દીર્ઘશ્રુત્તમં હિરણ્યવર્ણ દુષ્ટરમ્ ॥

શુષ્માસો યે તે અદ્રિવો મેહના કેતસાપઃ ।
ઉભા દેવાવ્ અભિષ્ટયે દિવશ્ ચ ગ્મશ્ ચ રાજથઃ ॥

ઉતો નો અસ્ય કસ્ય ચિદ્ દક્ષસ્ય તવ વૃત્રહન્ ।
અસ્મભ્યં નૃમ્ણમ્ આ ભરાસ્મભ્યં નૃમણસ્યસે ॥

નૂ ત આભિર્ અભિષ્ટિભિસ્ તવ શર્મઞ્ છતક્રતો ।
ઇન્દ્ર સ્યામ સુગોપાઃ શૂર સ્યામ સુગોપાઃ ॥