Rig Veda · Chapter 5.016

bṛhad vayo hi bhānave 'rcā devāyāgnaye |
yam mitraṁ na praśastibhir martāso dadhire puraḥ ||

sa hi dyubhir janānāṁ hotā dakṣasya bāhvoḥ |
vi havyam agnir ānuṣag bhago na vāram ṛṇvati ||

asya stome maghonaḥ sakhye vṛddhaśociṣaḥ |
viśvā yasmin tuviṣvaṇi sam arye śuṣmam ādadhuḥ ||

adhā hy agna eṣāṁ suvīryasya maṁhanā |
tam id yahvaṁ na rodasī pari śravo babhūvatuḥ ||

nū na ehi vāryam agne gṛṇāna ā bhara |
ye vayaṁ ye ca sūrayaḥ svasti dhāmahe sacotaidhi pṛtsu no vṛdhe ||