Rig Veda · Chapter 4.026

aham manur abhavaṁ sūryaś cāhaṁ kakṣīvām̐ ṛṣir asmi vipraḥ |
ahaṁ kutsam ārjuneyaṁ ny ṛñje 'haṁ kavir uśanā paśyatā mā ||

aham bhūmim adadām āryāyāhaṁ vṛṣṭiṁ dāśuṣe martyāya |
aham apo anayaṁ vāvaśānā mama devāso anu ketam āyan ||

aham puro mandasāno vy airaṁ nava sākaṁ navatīḥ śambarasya |
śatatamaṁ veśyaṁ sarvatātā divodāsam atithigvaṁ yad āvam ||

pra su ṣa vibhyo maruto vir astu pra śyenaḥ śyenebhya āśupatvā |
acakrayā yat svadhayā suparṇo havyam bharan manave devajuṣṭam ||

bharad yadi vir ato vevijānaḥ pathoruṇā manojavā asarji |
tūyaṁ yayau madhunā somyenota śravo vivide śyeno atra ||

ṛjīpī śyeno dadamāno aṁśum parāvataḥ śakuno mandram madam |
somam bharad dādṛhāṇo devāvān divo amuṣmād uttarād ādāya ||

ādāya śyeno abharat somaṁ sahasraṁ savām̐ ayutaṁ ca sākam |
atrā puraṁdhir ajahād arātīr made somasya mūrā amūraḥ ||