Rig Veda · Chapter 3.023

nirmathitaḥ sudhita ā sadhasthe yuvā kavir adhvarasya praṇetā |
jūryatsv agnir ajaro vaneṣv atrā dadhe amṛtaṁ jātavedāḥ ||

amanthiṣṭām bhāratā revad agniṁ devaśravā devavātaḥ sudakṣam |
agne vi paśya bṛhatābhi rāyeṣāṁ no netā bhavatād anu dyūn ||

daśa kṣipaḥ pūrvyaṁ sīm ajījanan sujātam mātṛṣu priyam |
agniṁ stuhi daivavātaṁ devaśravo yo janānām asad vaśī ||

ni tvā dadhe vara ā pṛthivyā iḻāyās pade sudinatve ahnām |
dṛṣadvatyām mānuṣa āpayāyāṁ sarasvatyāṁ revad agne didīhi ||

iḻām agne purudaṁsaṁ saniṁ goḥ śaśvattamaṁ havamānāya sādha |
syān naḥ sūnus tanayo vijāvāgne sā te sumatir bhūtv asme ||