ઋગ્વેદ · અધ્યાય 3.023

નિર્મથિતઃ સુધિત આ સધસ્થે યુવા કવિર્ અધ્વરસ્ય પ્રણેતા ।
જૂર્યત્સ્વ્ અગ્નિર્ અજરો વનેષ્વ્ અત્રા દધે અમૃતં જાતવેદાઃ ॥

અમન્થિષ્ટામ્ ભારતા રેવદ્ અગ્નિં દેવશ્રવા દેવવાતઃ સુદક્ષમ્ ।
અગ્ને વિ પશ્ય બૃહતાભિ રાયેષાં નો નેતા ભવતાદ્ અનુ દ્યૂન્ ॥

દશ ક્ષિપઃ પૂર્વ્યં સીમ્ અજીજનન્ સુજાતમ્ માતૃષુ પ્રિયમ્ ।
અગ્નિં સ્તુહિ દૈવવાતં દેવશ્રવો યો જનાનામ્ અસદ્ વશી ॥

નિ ત્વા દધે વર આ પૃથિવ્યા ઇળાયાસ્ પદે સુદિનત્વે અહ્નામ્ ।
દૃષદ્વત્યામ્ માનુષ આપયાયાં સરસ્વત્યાં રેવદ્ અગ્ને દિદીહિ ॥

ઇળામ્ અગ્ને પુરુદંસં સનિં ગોઃ શશ્વત્તમં હવમાનાય સાધ ।
સ્યાન્ નઃ સૂનુસ્ તનયો વિજાવાગ્ને સા તે સુમતિર્ ભૂત્વ્ અસ્મે ॥