Rig Veda · Chapter 10.167
tubhyedam indra pari ṣicyate madhu tvaṁ sutasya kalaśasya rājasi |
tvaṁ rayim puruvīrām u nas kṛdhi tvaṁ tapaḥ paritapyājayaḥ svaḥ ||
svarjitam mahi mandānam andhaso havāmahe pari śakraṁ sutām̐ upa |
imaṁ no yajñam iha bodhy ā gahi spṛdho jayantam maghavānam īmahe ||
somasya rājño varuṇasya dharmaṇi bṛhaspater anumatyā u śarmaṇi |
tavāham adya maghavann upastutau dhātar vidhātaḥ kalaśām̐ abhakṣayam ||
prasūto bhakṣam akaraṁ carāv api stomaṁ cemam prathamaḥ sūrir un mṛje |
sute sātena yady āgamaṁ vām prati viśvāmitrajamadagnī dame ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0