Rig Veda · Chapter 10.166

ṛṣabham mā samānānāṁ sapatnānāṁ viṣāsahim |
hantāraṁ śatrūṇāṁ kṛdhi virājaṁ gopatiṁ gavām ||

aham asmi sapatnahendra ivāriṣṭo akṣataḥ |
adhaḥ sapatnā me pador ime sarve abhiṣṭhitāḥ ||

atraiva vo 'pi nahyāmy ubhe ārtnī iva jyayā |
vācas pate ni ṣedhemān yathā mad adharaṁ vadān ||

abhibhūr aham āgamaṁ viśvakarmeṇa dhāmnā |
ā vaś cittam ā vo vratam ā vo 'haṁ samitiṁ dade ||

yogakṣemaṁ va ādāyāham bhūyāsam uttama ā vo mūrdhānam akramīm |
adhaspadān ma ud vadata maṇḍūkā ivodakān maṇḍūkā udakād iva ||