ઋગ્વેદ · અધ્યાય 10.167

તુભ્યેદમ્ ઇન્દ્ર પરિ ષિચ્યતે મધુ ત્વં સુતસ્ય કલશસ્ય રાજસિ ।
ત્વં રયિમ્ પુરુવીરામ્ ઉ નસ્ કૃધિ ત્વં તપઃ પરિતપ્યાજયઃ સ્વઃ ॥

સ્વર્જિતમ્ મહિ મન્દાનમ્ અન્ધસો હવામહે પરિ શક્રં સુતાઁ ઉપ ।
ઇમં નો યજ્ઞમ્ ઇહ બોધ્ય્ આ ગહિ સ્પૃધો જયન્તમ્ મઘવાનમ્ ઈમહે ॥

સોમસ્ય રાજ્ઞો વરુણસ્ય ધર્મણિ બૃહસ્પતેર્ અનુમત્યા ઉ શર્મણિ ।
તવાહમ્ અદ્ય મઘવન્ન્ ઉપસ્તુતૌ ધાતર્ વિધાતઃ કલશાઁ અભક્ષયમ્ ॥

પ્રસૂતો ભક્ષમ્ અકરં ચરાવ્ અપિ સ્તોમં ચેમમ્ પ્રથમઃ સૂરિર્ ઉન્ મૃજે ।
સુતે સાતેન યદ્ય્ આગમં વામ્ પ્રતિ વિશ્વામિત્રજમદગ્ની દમે ॥