ऋग्वेद · अध्याय 10.166

ऋषभम् मा समानानां सपत्नानां विषासहिम् ।
हन्तारं शत्रूणां कृधि विराजं गोपतिं गवाम् ॥

अहम् अस्मि सपत्नहेन्द्र इवारिष्टो अक्षतः ।
अधः सपत्ना मे पदोर् इमे सर्वे अभिष्ठिताः ॥

अत्रैव वो ऽपि नह्याम्य् उभे आर्त्नी इव ज्यया ।
वाचस् पते नि षेधेमान् यथा मद् अधरं वदान् ॥

अभिभूर् अहम् आगमं विश्वकर्मेण धाम्ना ।
आ वश् चित्तम् आ वो व्रतम् आ वो ऽहं समितिं ददे ॥

योगक्षेमं व आदायाहम् भूयासम् उत्तम आ वो मूर्धानम् अक्रमीम् ।
अधस्पदान् म उद् वदत मण्डूका इवोदकान् मण्डूका उदकाद् इव ॥