Rig Veda · Chapter 10.074

vasūnāṁ vā carkṛṣa iyakṣan dhiyā vā yajñair vā rodasyoḥ |
arvanto vā ye rayimantaḥ sātau vanuṁ vā ye suśruṇaṁ suśruto dhuḥ ||

hava eṣām asuro nakṣata dyāṁ śravasyatā manasā niṁsata kṣām |
cakṣāṇā yatra suvitāya devā dyaur na vārebhiḥ kṛṇavanta svaiḥ ||

iyam eṣām amṛtānāṁ gīḥ sarvatātā ye kṛpaṇanta ratnam |
dhiyaṁ ca yajñaṁ ca sādhantas te no dhāntu vasavya1m asāmi ||

ā tat ta indrāyavaḥ panantābhi ya ūrvaṁ gomantaṁ titṛtsān |
sakṛtsva1ṁ ye puruputrām mahīṁ sahasradhārām bṛhatīṁ dudukṣan ||

śacīva indram avase kṛṇudhvam anānataṁ damayantam pṛtanyūn |
ṛbhukṣaṇam maghavānaṁ suvṛktim bhartā yo vajraṁ naryam purukṣuḥ ||

yad vāvāna purutamam purāṣāḻ ā vṛtrahendro nāmāny aprāḥ |
aceti prāsahas patis tuviṣmān yad īm uśmasi kartave karat tat ||