Ṛgvedasaṃhitā, Padapāṭha · Chapter 8.20

//35//.
-RV_6:1/36-
(RV_8,20)
ā | gantā | mā | riṣaṇyata | pra-sthāvānaḥ | mā | apa | sthāta | sa-manyavaḥ | sthi rā | cit | namayiṣṇavaḥ

vīḷupavi-bhiḥ | marutaḥ | ṛbhukṣaṇaḥ | ā | rudrāsaḥ | sudīti-bhiḥ | iṣā | naḥ | adya | ā | gat a | puru-spṛhaḥ | yajñam | ā | sobharī-yavaḥ

vidma | hi | rudriyāṇām | śuṣmam | ugram | marutām | śamī-vatām | viṣṇoḥ | eṣasya | mīḷhuṣām

vi | dvīpāni | pāpatan | tiṣṭhat | ducchunā | ubhe iti | yujanta | rodasī iti | pra | dhanvāni | airata | śubhra-khādayaḥ | yat | ejatha | sva-bhānavaḥ

acyutā | cit | vaḥ | ajman | ā | nānadati | parvatāsaḥ | vancaspatiḥ | bhūmiḥ | yāmeṣu | rejate

//36//.
-RV_6:1/37-
amāya | vaḥ | marutaḥ | yātave | dyauḥ | jihīte | ut-tarā | bṛhat | yatra | naraḥ | dediśate | tanūṣu | ā | tvakṣāṃsi bahu-ojasaḥ

svadhām | anu | śriyam | naraḥ | mahi | tveṣāḥ | ama-vantaḥ | vṛṣa-psavaḥ | vahante | ahruta-psavaḥ

gobhiḥ | vāṇaḥ | ajyate | sobharīṇām | rathe | kośe | hiraṇyaye | go--bandhavaḥ | su-jātāsaḥ | iṣe | bhuje | mahāntaḥ | naḥ | sparase | nu

prati | vaḥ | vṛṣat-añjayaḥ | vṛṣṇe | śardhāya | mārutāya | bharadhvam | havyā | vṛṣa-prayāvṇe

vṛṣaṇaśvena | marutaḥ | vṛṣa-psunā | rathena | vṛṣa-nābhinā | ā | śyenāsaḥ | na | pakṣiṇaḥ | vṛthā | naraḥ | havyā | naḥ | vītayegata

//37//.
-RV_6:1/38-
samānam | añji | eṣām | vi | bhrājante | rukmāsaḥ | adhi | bāhuṣu | davidyutati | ṛṣṭayaḥ

te | ugrāsaḥ | vṛṣaṇaḥ | ugra-bāhavaḥ | nakiḥ | tanūṣu | yetire | sthirā | dhanvān i | āyudhā | ratheṣu | vaḥ | anīkeṣu | adhi | śriyaḥ

yeṣām | arṇaḥ | na | sa-prathaḥ | nāma | tveṣam | śaśvatām | ekam | it | bhuje | vayaḥ | na | pitryam | sahaḥ

tān | vandasva | marutaḥ | tān | upa | stuhi | teṣām | hi | dhunīnām | arāṇām | na | caramaḥ | tat | eṣām | dānā | mahnā | tat | eṣām

su-bhagaḥ | saḥ | vaḥ | ūtiṣu | āsa | pūrvāsu | marutaḥ | vi-uṣṭiṣu | yaḥ | vā | nūnam | uta | asati

//38//.
-RV_6:1/39-
yasya | vā | yūyam | prati | vājinaḥ | naraḥ | ā | havyā | vītaye | gatha | abhi | saḥ | dyumnaiḥ | uta | vājasāti-bhiḥ | sumnā | vaḥ | dhūtayaḥ | naśat

yathā | rudrasya | sūnavaḥ | divaḥ | vaśanti | asurasya | vedhasaḥ | yuvānaḥ | tathā | it | asat

ye | ca | arhanti | marutaḥ | su-dānavaḥ | smat | mīḷhuṣaḥ | caranti | ye | ataḥ | cit | ā | naḥ | upa | vasyasā | hṛdā | yuvānaḥ | ā | vavṛdhvam

yūnaḥ | oṃ iti | su | naviṣṭhayā | vṛṣṇaḥ | pāvakān | abhi | sobhare | girā | gāya | gāḥ-iva | cakṛrṣat

sahāḥ | ye | santi | muṣṭihāiva | havyaḥ | viśvāsu | pṛt-su | hotṛṣu | vṛṣṇaḥ | candrān | na | suśravaḥ-tamān | girā | vandasva | marutaḥ | aha

//39//.
-RV_6:1/40-
gāvaḥ | cit | gha | sa-manyavaḥ | sa-jātyena | marutaḥ | sa-bandhavaḥ | rihate | kakubhaḥ | mithaḥ

martaḥ | cit | vaḥ | nṛtavaḥ | rukma-vakṣasaḥ | upa | bhrātṛ-tvam | ā | ayati | adhi | naḥ | gāta | marutaḥ | sadā | hi | vaḥ | āpi-tvam | asti | ni-dhruvi

marutaḥ | mārutasya | naḥ | ā | bheṣajasya | vahata | su-dānavaḥ | yūyam | sakhāyaḥ | saptayaḥ

yābhiḥ | sindhum | avatha | yābhiḥ | tūrvatha | yābhiḥ | daśasyatha | krivim | mayaḥ | naḥ | bhūta | ūti-bhiḥ | mayaḥ-bhuvaḥ | śivābhiḥ | asaca-dviṣaḥ

yat | sindhau | yat | asiknyām | yat | samudreṣu | marutaḥ | su-barhiṣaḥ | yat | parvateṣu | bheṣajam

viśvam | paśyantaḥ | vibhṛtha | tanūṣu | ā | tena | naḥ | adhi | vocata | kṣamā | rapaḥ | marutaḥ | āturasya | naḥ | iṣkarta | vi-hrutam | punariti