Ṛgvedasaṃhitā, Padapāṭha · Chapter 8.19

//28//.
-RV_6:1/29-
(RV_8,19)
tam | gūrdhaya | svaḥ-naram | devāsaḥ | devam | aratim | dadhanvire | deva-trā | havyam | ā | ūhire

vibhūta-rātim | vipra | citra-śociṣam | agnim | īḷiṣva | yanturam | asya | meghasya | somyasya | sobhare | pra | īm | adhvarāya | pūrvyam

yajiṣṭham | tvā | vavṛmahe | devam | deva-trā | hotāram | amartyam | asya | yajñasya | su-kratum

ūrjaḥ | napātam | su-bhagam | su-dīditim | agnim | śreṣṭha-śociṣam | saḥ | naḥ | mitrasya | varuṇasya | saḥ | apām | ā | sumnam | yakṣate | divi

yaḥ | sam-idhā | yaḥ | āhutī | yaḥ | vedena | dadāśa | martaḥ | agnaye | yaḥ | namasā | su-adhvaraḥ

//29//.
-RV_6:1/30-
tasya | it | arvantaḥ | raṃhayante | āśavaḥ | tasya | dyumni-tamam | yaśaḥ | na | tam | aṃhaḥ | deva-kṛtam | kutaḥ | cana | na | martya-kṛtam | naśat

su-agnayaḥ | vaḥ | agni-bhiḥ | syāma | sūno iti | sahasaḥ | ūrjām | pate | su-vīraḥ | tvam | asma-yuḥ

pra-śaṃsamānaḥ | atithiḥ | na | mitriyaḥ | agniḥ | rathaḥ | na | vedyaḥ | tveit i | kṣemāsaḥ | api | santi | sādhavaḥ | tvam | rājā | rayīṇām

saḥ | addhā | dāśu-adhvaraḥ | agne | martaḥ | su-bhaga | saḥ | pra-śaṃsyaḥ | saḥ | dhībhiḥ | astu | sanitā

yasya | tvam | ūrdhvaḥ | adhvarāya | tiṣṭhasi | kṣayat-vīraḥ | saḥ | sādhate | saḥ | arvat-bhiḥ | sanitā | saḥ | vipanyu-bhiḥ | saḥ | śūraiḥ | sanitā | kṛtam

//30//.
-RV_6:1/31-
yasya | agniḥ | vapuḥ | gṛhe | stomam | canaḥ | dadhīta | viśva-vāryaḥ | havyā | vā | veviṣat | viṣaḥ

viprasya | vā | stuvataḥ | sahasaḥ | yaho iti | makṣu-tamasya | rātiṣu | avaḥ-devam | upari-martyam | kṛdhi | vaso iti | vividuṣaḥ | vacaḥ

yaḥ | agnim | havyadāti-bhiḥ | namaḥ-bhiḥ | vā | su-dakṣam | āvivāsati | girā | vā | ajira-śociṣam

sam-idhā | yaḥ | ni-śitī | dāśat | aditim | dhāma-bhiḥ | asya | martyaḥ | viśvā | it | saḥ | dhībhiḥ | su-bhagaḥ | janān | ati | dyumnaiḥ | udgaḥ-iva | tāriṣat

tat | agne | dyumnam | ā | bhara | yat | sasahat | sadane | kam | cit | atriṇam | manyum | janasya | duḥ-dhyaḥ

//31//.
-RV_6:1/32-
yena | caṣṭe | varuṇaḥ | mitraḥ | aryamā | yena | nāsatyā | bhagaḥ | vayam | tat | te | śavasā | gātuvit-tamāḥ | indratvāūtāḥ | vidhemahi

te | gha | agne | su-ādhyaḥ | ye | tvā | vipra | ni-dadhire | nṛ-cakṣasam | viprāsaḥ | deva | su-kratum

te | it | vedim | su-bhaga | te | āhutim | te | sotum | cakrire | divi | t e | it | vājebhiḥ | jigyuḥ | mahat | dhanam | ye | tve iti | kāmam | ni- erire

bhadraḥ | naḥ | agniḥ | āhutaḥ | bhadrā | rātiḥ | su-bhaga | bhadraḥ | adhvaraḥ | bhadrāḥ | uta | pra-śaśtayaḥ

bhadram | manaḥ | kṛṇuṣva | vṛtra-tūrye | yena | samat-su | sasahaḥ | ava | sth irā | tanuhi | bhūri | śardhatām | vanema | te | abhiṣṭi-bhiḥ

//32//.
-RV_6:1/33-
iḷe | girā | manuḥ-hitam | yam | devāḥ | dūtam | aratim | ni-erire | yajiṣṭham | havya-vāhanam

tigma-jambhāya | taruṇāya | rājate | prayaḥ | gāyasi | agnaye | yaḥ | piṃśate | sūnṛtābhiḥ | su-vīryam | agniḥ | ghṛtebhiḥ | āhutaḥ

yadi | ghṛtebhiḥ | āhutaḥ | vāśīm | agniḥ | bharate | ut | ca | ava | ca | asuraḥ-iva | niḥ-nijam

yaḥ | havyāni | airayata | manuḥ-hitaḥ | devaḥ | āsā | su-gandhinā | vivāsate | vāryāṇi | su-adhvaraḥ | hotā | devaḥ | amartyaḥ

yat | agne | martyaḥ | tvam | syām | aham | mitra-mahaḥ | amartyaḥ | sahasaḥ | sūno iti | āhuta

//33//.
-RV_6:1/34-
na | tvā | rāsīya | abhi-śastaye | vaso iti | na | pāpa-tvāya | santya | na | me | stotā | amati-vā | na | duḥ-hitaḥ | syāt | agne | na | pāpayā

pituḥ | na | putraḥ | su-bhṛtaḥ | duroṇe | ā | devān | etu | pra | naḥ | haviḥ

tava | aham | agne | ūti-bhiḥ | nediṣṭhābhiḥ | saceya | joṣam | ā | vaso iti | sadā | devasya | martyaḥ

tava | kratvā | saneyam | tava | rāti-bhiḥ | agne | tava | praśaśti-bhiḥ | tvām | it | āhuḥ | pra-matim | vaso iti | mama | agne | harṣasva | dātave

pra | saḥ | agne | tava | ūti-bhiḥ | su-vīrābhiḥ | tirate | vājabharma-bhiḥ | yasya | tvam | sakhyam | āvaraḥ

//34//.
-RV_6:1/35-
tava | drapsaḥ | nīla-vān | vāśaḥ | ṛtviyaḥ | indhānaḥ | siṣṇo iti | ā | dade | tvam | mahīnām | uṣasām | asi | priyaḥ | kṣapaḥ | vastuṣu | rājasi

tam | ā | aganma | sobharayaḥ | sahasra-muṣkam | su-abhiṣṭim | avase | sam-rājan | trāsadasyavam

yasya | te | agne | anye | agnayaḥ | upa-kṣitaḥ | vayāḥ-iva | vipaḥ | na | dyumnā | ni | yuve | janānām | tava | kṣatrāṇi | vardhayan

yam | ādityāsaḥ | adruhaḥ | pāram | nayatha | martyam | maghonām | viśveṣām | su-dānavaḥ

yūyam | rājānaḥ | kam | cit | carṣaṇi-sahaḥ | kṣayantam | mānuṣān | anu | vayam | te | vaḥ | varuṇa | mitra | aryaman | syāma | it | ṛtasya | rathyaḥ

adāt | me | pauru-kutsyaḥ | pañcāśatam | trasadasyuḥ | vadhūnām | maṃhiṣṭhaḥ | aryaḥ | sat-patiḥ

uta | me | prayiyoḥ | vayiyoḥ | su-vāstvāḥ | adhi | tugvani | tisṝṇām | saptatīnām | śyāvaḥ | pra-netā | bhuvat | vasuḥ | diyānām | patiḥ