Ṛgvedasaṃhitā, Padapāṭha · Chapter 7.94

//16//.
-RV_5:6/17-
(RV_7,94)
iyam | vāmasya | manmanaḥ | indrāgnī iti | pūrvya-stutiḥ | abhrāt | vṛṣṭiḥ-iva | ajani

śṛṇutam | jarituḥ | havam | indrāgnī iti | vanatam | giraḥ | īśānā | pipyatam | dhiyaḥ

mā | pāpa-tvāya | naḥ | narā | indrāgnī iti | mā | abhi-śastaye | mā | naḥ | rīradhatam | nide

indre | agnā | namaḥ | bṛhat | su-vṛktim | ā | īrayāmahe | dhiyā | dhenāḥ | avasyavaḥ

tā | hi | śaśvantaḥ | īḷate | itthā | viprāsaḥ | ūtaye | sa-bādhaḥ | vāja-sātaye

tā | vām | gīḥ-bhiḥ | vipanyavaḥ | prayasvantaḥ | havāmahe | medha-sātā | saniṣyavaḥ

//17//.
-RV_5:6/18-
indrāgnī iti | avasā | ā | gatam | asmabhyam | carṣaṇi-sahā | mā | naḥ | duḥ-śaṃsaḥ | īśata

mā | kasya | naḥ | araruṣaḥ | dhūrtiḥ | praṇak | martyasya | indrāgnī iti | śarma | yacchatam

go--mat | hiraṇya-vat | vasu | yat | vām | aśva-vat | īmahe | indrāgniiti | tat | vanemahi

yat | some | ā | sute | naraḥ | indrāgnī iti | ajohavuḥ | sapti-vantā | saparyavaḥ

ukthebhiḥ | vṛtra-hantamā | yā | mandānā | cit | ā | girā | āṅgūṣaiḥ | āvivāsataḥ

tau | it | duḥ-śaṃsam | martyam | duḥ-vidvāṃsam | rakṣasvinam | ābhogam | hanmanā | hatam | uda-dhim | hamanā | hatam