Ṛgvedasaṃhitā, Padapāṭha · Chapter 7.93

//14//.
-RV_5:6/15-
(RV_7,93)
śucim | nu | stomam | nava-jātam | adya | indrāgnī iti | vṛtra-hanā | juṣethām | ubhā | hi | vām | su-havā | johavīmi | tā | vājam | sadyaḥ | uśate | dheṣṭhā

tā | sānasī iti | śavasānā | hi | bhūtam | sākam-vṛdhā | śavasā | śūśu-vāṃsā | kṣayantau | rāyaḥ | yavasasya | bhūreḥ | pṛṅktam | vājasya | sthavirasya | ghṛṣveḥ

upo iti | ha | yat | vidatham | vājinaḥ | guḥ | dhībhiḥ | viprāḥ | pra-matim | icchamānāḥ | arvantaḥ | na | kāṣṭhām | nakṣamāṇāḥ | indrāgnī iti | johuvataḥ | naraḥ | te

gīḥ-bhiḥ | vipraḥ | pra-matim | icchamānaḥ | īṭe | rayim | yaśasam | pūrva-bhājam | indrāgnī iti | vṛtra-hanā | su-vajrā | pra | naḥ | navyebhiḥ | tiratam | deṣṇaiḥ

sam | yat | mahī iti | mithatī
iti | spardhamāneiti | tanū-rucā | śūra-sātā | yataite | adeva-yum | vidathe | devayu-bhiḥ | satrā | hatam | soma-sutā | janena

//15//.
-RV_5:6/16-
imām | oṃ iti | su | soma-sutim | upa | naḥ | ā | indrāgnī
iti | saumanasāya | yātam | nu | cit | hi | parimamnātheitipari-mamnāthe | asmān | ā | vām | śaśvat-bhiḥ | vavṛtīya | vājaiḥ

saḥ | agne | enā | namasā | sam-iddhaḥ | accha | mitram | varuṇam | indram | voceḥ | yat | sīm | āgaḥ | cakṛma | tat | su | mṛḷa | tat | aryamā | aditiḥ | śiśrathantu

etāḥ | agne | āśuṣāṇāsaḥ | iṣṭīḥ | yuvoḥ | sacā | abhi | aśyāma | vājān | mā | indraḥ | naḥ | viṣṇuḥ | marutaḥ | pari | khyan | yūyam | pāta | svasti-bhiḥ | sadā | naḥ