Revākhāṇḍa (revised text) · Chapter 94
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe kalhoḍītīrthamāhātmyavarṇanaṃ nāma trinavatitamo 'dhyāyaḥ ||
RKV adhyāya 94
śrīmārkaṇḍeya uvāca:
tasyaivānantaraṃ rājannanditīrthaṃ vrajecchubham /
sarvapāpaharaṃ puṃsāṃ nandinā nirmitaṃ purā
pāpaughahatajantūnāṃ mokṣadaṃ narmadātaṭe /
ahorātroṣito bhūtvā nandināthe yudhiṣṭhira
pañcopacārapūjāyām arcayen nandikeśvaram /
ratnāni caiva viprebhyo yo dadyād dharmanandana
sa yāti paramaṃ sthānaṃ yatra vāsaḥ pinākinaḥ /
sarvasaukhyasamāyukto 'psarobhiḥ saha modate
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0