रेवाखाण्ड (संशोधित पाठ) · अध्याय 94

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे कल्होडीतीर्थमाहात्म्यवर्णनं नाम त्रिनवतितमो ऽध्यायः ॥
र्क्व् अध्याय 94
श्रीमार्कण्डेय उवाच:
तस्यैवानन्तरं राजन्नन्दितीर्थं व्रजेच्छुभम् ।
सर्वपापहरं पुंसां नन्दिना निर्मितं पुरा

पापौघहतजन्तूनां मोक्षदं नर्मदातटे ।
अहोरात्रोषितो भूत्वा नन्दिनाथे युधिष्ठिर

पञ्चोपचारपूजायाम् अर्चयेन् नन्दिकेश्वरम् ।
रत्नानि चैव विप्रेभ्यो यो दद्याद् धर्मनन्दन

स याति परमं स्थानं यत्र वासः पिनाकिनः ।
सर्वसौख्यसमायुक्तो ऽप्सरोभिः सह मोदते