Revākhāṇḍa (revised text) · Chapter 81
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe nandikeśvaratīrthamāhātmyavarṇanaṃ nāmāśītitamo 'dhyāyaḥ ||
RKV adhyāya 81
śrīmārkaṇḍeya uvāca:
tato gacchenmahārāja varuṇeśvaramuttamam /
yatra siddho mahādevo varuṇo nṛpasattama
piṇyākaśākaparṇaiśca kṛcchracāndrāyaṇādibhiḥ /
ārādhya girijānāthaṃ tataḥ siddhiṃ parāṃ gataḥ
tatra tīrthe tu yaḥ snātvā saṃtarpya pitṛdevatāḥ /
pūjayecchaṅkaraṃ bhaktyā sa yāti paramāṃ gatim
kuṇḍikāṃ vardhanīṃ vāpi mahadvā jalabhājanam /
annena sahitaṃ pārtha tasya puṇyaphalaṃ śṛṇu
yatphalaṃ labhate martyaḥ satre dvādaśavārṣike /
tatphalaṃ samavāpnoti nātra kāryā vicāraṇā
sarveṣāmeva dānānāmannadānaṃ paraṃ smṛtam /
sadyaḥ prītikaraṃ toyamannaṃ ca nṛpasattama
tatratīrthe mṛtānāṃ tu narāṇāṃ bhāvitātmanām /
varuṇasya pure vāso yāvad ābhūtasaṃplavam
paścātpūrṇe tataḥ kāle martyaloke prajāyate /
annadānaprado nityaṃ jīved varṣaśataṃ naraḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0