Scripture Library

Revākhāṇḍa (revised text) · Chapter 66

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe ānandeśvaratīrthamāhātmyavarṇanaṃ nāma pañcaṣaṣṭitamo 'dhyāyaḥ ||
RKV adhyāya 66
śrīmārkaṇḍeya uvāca:
tato gacchettu rājendra mātṛtīrthamanuttamam /
saṅgamasya samīpasthaṃ narmadādakṣiṇe taṭe

66.2

mātarastatra rājendra saṃjātā narmadātaṭe /
umārdhanārir deveśo vyālayajñopavītadhṛk

66.3

uvāca yoginīvṛndaṃ kaṣṭaṃkaṣṭamaho hara /
ajeyāḥ sarvadevānāṃ tvatprasādānmaheśvara

66.4

tīrthamatra vidhānena prakhyātaṃ vasudhātale /
evaṃ bhavatu yoginya ityuktvāntaradhācchivaḥ

66.5

śrīmārkaṇḍeya uvāca:
tatra tīrthe tu yo bhaktyā navamyāṃ niyataḥ śuciḥ /
upoṣya parayā bhaktyā pūjayenmātṛgocaram

66.6

tasya syurmātaraḥ prītāḥ prīto 'yaṃ vṛṣavāhanaḥ /
vandhyāyā mṛtavatsāyā aputrāyā yudhiṣṭhira

66.7

snāpanaṃ cārabhettatra mantraśāstraviduttamaḥ /
sahiraṇyena kumbhena pañcaratnaphalānvitaḥ

66.8

snāpayet putrakāmāyāḥ kāṃsyapātreṇa deśikaḥ /
putraṃ sā labhate nārī vīryavantaṃ guṇānvitam

66.9

yo yaṃ kāmamabhidhyāyettataḥ sa labhate nṛpa /
mātṛtīrthātparaṃ tīrthaṃ na bhūtaṃ na bhaviṣyati

Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0