Revākhāṇḍa (revised text) · Chapter 162
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe sarpatīrthamāhātmyavarṇanaṃ nāmaikaṣaṣṭyuttaraśatatamo 'dhyāyaḥ ||
RKV adhyāya 162
śrīmārkaṇḍeya uvāca:
gopeśvaraṃ tato gacchet sarpakṣetrādanantaram /
yatra snānena caikena mucyante pātakairnarāḥ
tatra tīrthe tu yaḥ snātvā kurute prāṇasaṃkṣayam /
sa gacchedyadi yukto 'pi pāpena śivamandiram
tatra tīrthe tu yaḥ snātvā pūjayeddevamīśvaram /
mucyate sarvapāpaiśca rudralokaṃ sa gacchati
krīḍitvā ca yathākāmaṃ rudraloke mahātapāḥ /
iha mānuṣyatāṃ prāpya rājā bhavati dhārmikaḥ
hastyaśvarathasampanno dāsīdāsasamanvitaḥ /
pūjyamāno narendraiśca jīvedvarṣaśataṃ sukhī
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0