Revākhāṇḍa (revised text) · Chapter 104
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe eraṇḍīsaṅgamatīrthaphalamāhātmyavarṇanaṃ nāma tryadhikaśatatamo 'dhyāyaḥ ||
RKV adhyāya 104
śrīmārkaṇḍeya uvāca:
tato gacchenmahīpālaṃ sauvarṇaśilamuttamam /
prakhyātamuttare kūle sarvapāpakṣayaṃkaram
samantācchatapātena munisaṅghaiḥ purā kṛtam /
revāyāṃ durlabhaṃ sthānaṃ saṅgamasya samīpataḥ
vibhaktaṃ hastamātraṃ ca puṇyakṣetraṃ narādhipa /
suvarṇaśilake snātvā pūjayitvā maheśvaram
natvā tu bhāskaraṃ devaṃ hotavyaṃ ca hutāśane /
bilvenājyavimiśreṇa bilvapatrairathāpi vā
prīyatāṃ me jagannātho vyādhir naśyatu me dhruvam /
dvijāya kāñcane datte yatphalaṃ tacchṛṇuṣva me
bahusvarṇasya yatproktaṃ yāgasya phalamuttamam /
tathāsau labhate sarvaṃ kāñcanaṃ yaḥ prayacchati
tena dānena pūtātmā mṛtaḥ svargamavāpnuyāt /
rudrasyānucaras tāvad yāvad indrāścaturdaśa
tataḥ svargāvatīrṇastu jāyate viśade kule /
dhanadhānyasamopetaḥ punaḥ smarati tajjalam
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0