Ramcharitmanas · Chapter 3

dharma tem̐ birati joga tem̐ jñānā / jñāna moccha-prada beda bakhānā //
jā tem̐ begi dravaum̐ maim̐ bhāī / so mama bhagati bhagata-sukhadāī //१//

sutantra avalamba na ānā / tehi ādhīna jñāna bijñānā //
bhagati tāta anupama sukhamūlā / milai jo santa hohim̐ anukūlā //२//

bhagati ka sādhana kahaum̐ bakhānī / sugama-pantha mohi pāvahim̐ prānī //
prathamahim̐ bipra carana ati prītī / nija nija dharama nirata sruti rītī//३//

ehi kara phala mana biṣaya birāgā / taba mama dharama upaja anurāgā//
sravanādika nava bhagati dṛḍhāhīṃm̐/ mama līlā rati ati mana māhīm̐ //४//

santa-carana-paṅkaja ati premā / mana krama bacana bhajana dṛḍhanemā /
guru pitu mātu bandhu pati devā / saba meāhi kaha jānai dṛḍha sevā //५//

mama guna-gāvata pulaka sarīrā / gadagada-girā nayana baha nīrā //
kāma ādi mada dambha na jākeṃ / tāta nirantara basa maiṃ tākeṃ //६//

bacana karama mana mori gati, bhajana karahiṃ ni:kāma !
tinha ke hṛdaya-kamala maham̐, karaum̐ sadā biśrāma //१६//

bhagati-joga suni ati sukha pāvā/ lachimana prabhu carananhi siru nāvā //
ehi bidhi gaye kachuka dina bītī / kahata birāga jñāna guna nītī//१//

sūpanakhā rāvana ke bahinī / duṣṭa hṛdaya dāruna jasi ahinī//
paṃcavaṭī so gai eka bārā / dekhi bikala bhai jugala kumārā //२//

bhrātā pitā putra uragārī / puruṣa manohara nirakhata nārī/
hoibikala saka manahiṃ na rokī/ jimi ravi-mani drava racihi bilokī//३//

rucira rūpa dhari prabhu pahim̐ jāī / bolī bacana bahuta musukāī //
tumha sama puruṣa na mo sama nārī / yaha saṃjoga vidhi raco bicāro//४//

mama anurūpa puruṣa jaga māhīm̐ / dekheum̐ khoji loka tihum̐ nāhīm̐ //
tā tem̐ aba lagi rahium̐ kumārī/ mana mānā kachu tumhahim̐ nihārī //३//

sītahi citai kahī prabhu bātā/ ahai kumāra mora laghu bhrātā /
gai lachimana ripu bhaginī jānī / prabhu biloki bole mṛdu bānī //६//

sundari sunu maiṃ unha kara dāsā / parādhīna nahim̐ tora supāsā/
prabhu samaratha kosalapura rājā /jo kucha karahim̐ unhahim̐ saba chājā //७//

sevaka sukha caha māna bhikhārī / vyasanī dhana subha-gati bibhicārī//
lobhī jasa caha cāra gumānī/ nama duhi dūdha cahata ye prānī
puni phiri rāma nikaṭa so āī / prabhu lachimana pahiṃ bahuri paṭhāī //
lachimana kahā tohi so baraī / jo tṛna tori lāja pariharaī //६//

taba khisiāni rāma pahim̐ gaī / rūpa bhayaṅkara pragaṭata bhaī //
sītahi samaya dekhi raghurāī / kahā anuja sana saina bujhāī //१०//

lachimana atilāghava som̐, nāka kāna binu kīnhi /
tā ke kara rāvana kaham̐, manahum̐ cunautī dīnhi //१७//

nāka kāna binu bhai bikarārā / janu srava saila geru kai dhārā //
khara dūṣana pahim̐ gai bilapātā/ dhiga dhiga tava pauruṣa bala bhrātā //१//

tehi pūchā saba kahesi bujhāī/ jātudhāna suni sena banāī //
dhāye nisicara-nikara barūthā / janu sapaccha kajjala-giri jūthā //२//

nānā bāhana nānākārā/ nānāyudha-dhara ghora apārā //
sūpanakhā āgeṃ kari līnī / asubha-rūpa śruti nāsā hīnī //३//

asaguna amita hohim̐ bhayakārī/ ganahim̐ na mṛtyu bibasa saba jhārī//
gahim̐ tarjahi gagana uḍāhī/ dekhi bikaṭa para ati haraṣāhīṃ//३//

kou kaha jiyata gharahu dou bhāī / ghari mārahu tiya lehu chuḍāī //
dhūri pūri lama-maṃḍala rahā / rāma bolāi anuja sana kahā //५//

lei jānakihi jāhu giri-kandara / āvā nisicara kaṭaka 'bhayaṅkara /
rahehu sajaga suni prabhu kai bānī / cale sahita śrī sara dhanu pānī //६//

dekhi rāma ripu-dala caḍhi āvā / biham̐si kaṭhina kodaṃḍa caḍhāvā //
kodaṃḍa kaṭhina caḍhāi sira jaṭajūṭa bām̐dhata soha kyoṃ/
marakata saila para larata dāmini koṭi som̐ juga bhujaga jyom̐ //
kaṭi kasi niṣaṅga bisāla bhuja gahi, cāpa bisikha sudhāri kai/
citavata manahum̐ mṛgarāja prabhu gajarāja-ghaṭā nihāri kai //२//

āi gaye bagamela, dharahu dharahu dhāvata subhaṭa /
jathā biloki akela, bāla rabihi gherata danuja //१८//

prabhu biloki sara sakahim̐ na ḍārī/ thakita bhaī rajanīcara-dhārī //
saciva boli bole khara dūṣana / yaha kou nṛpabālaka nara-bhūṣana//१//

nāga asura sura nara muni jete / dekhe jite hata hama kete //
hama mari janama sunahu saba bhāī / dekhī nahim̐ asi sundaratāī //२//

jadapi bhaginī kīnhi kurūpā / badha lāyaka nahim̐ puruṣa anūpā /
dehu turata nija nāri durāī / jīvata bhavana jāhu dou bhāī //३//

mora kahā tumha tāhi sunāvahu/ tāsu bacana suni ātura āvahu //
dūtanha kahā rāma sana jāī/ sunata rāma bole musukāī //४//

hama chatrī mṛgayā bana karahīṃ/ tumha se khala-mṛga khojata-phirahīṃ/
ripu balavanta dekhi nahim̐ ḍarahīm̐/ eka bāra kālahu sana larahīṃ //५//

jadyapi manuja danuja-kula-ghālaka / muni-pālaka khala-sālaka bālaka /
jaum̐ na hoi bala ghara phiri jāhū / samara bimukha maiṃ hataum̐ na kāhū ४६//
rana caḍhi kariya kapaṭa caturāī / ripu para kṛpā parama kadarāī /
dūtanha jāi turata saba kaheū / suni khara-dūṣana ura ati daheū //
ura daheu kaheu ki dharahu dhāye, bikaṭa bhaṭa rajanīcarā /
sara cāpa tomara sakti sūla kṛpāna parigha parasu dharā //
prabhu kīnha dhanuṣa ṭakora prathama kaṭhora ghora bhayāvahā /
bhaye badhira byākula jātudhāna na jñāna tehi avasara rahā //३//

sāvadhāna hoi dhāye, jāni sabala ārāti /
lāge baraṣana rāma para, astra sastra bahubhām̐tti
tinha ke āyudha tila sama, kari kāṭe raghubīra/
tāni sarāsana sravana lagi, puni chāḍe nija tīra //१९//

taba cale bāna karāla / phuṅkarata janu bahu byāla /
kopeu samara śrīrāma / cale bisikha nisita nikāma //१//

avaloki khara tara tīra / muri cale nisicara bīra /
bhaye kruddha tīnium̐ bhāi / jo bhāgi una ta jāi //२//

tehi badhaba hama nija pāni/ phire marana mana mahum̐ ṭhāni /
āyudha aneka prakāra / sanamukha te karahiṃ prahāra //३//

ripu parama kope jāni / prabhu dhanuṣa sara sandhāni /
ām̐ḍe bipula nārāca / lage kaṭana bikaṭa pisāca //
ura sīsa bhuja kara carana / jaham̐ taham̐ lage mahi parana //
cikkarata lāgata bāna / ghara parata kudhara samāna //५//

bhaṭa kaṭata tana sata-khaṃḍa / puni uṭhata kari pākhaṃḍa /
nabha uḍata bahu bhuja muṃḍa / binu mauli dhāvata ruṃḍa //६//

khaga kaṅka kāka śrṛgāla / kaṭakaṭahim̐ kaṭhina karāla //७//

kaṭakaṭahim̐ jambuka bhūta preta pisāca khappara sañcahīm̐ /
betāla bīra kapāla tāla bajāi jogini nañcahīm̐/
raghubīra bāna pracaṃḍa khaṃḍahim̐, bhaṭanha ke ura bhuja sirā /
jaham̐ taha parahim̐ uṭhi larahim̐ dharu dharū-dharu karahim̐ bhayakara girā //४//

antāvarī gahi uḍata gīdha pisāca kara gahi dhāvahīṃ/
saṃgrāma-pura-bāsī manahum̐ bahu, bāla guḍī uḍāvahīm̐ /
māre pachāre ura bidāre, bipula bhaṭa kaharata pare /
avaloki nija dala bikala bhaṭa trisirādi kharadūṣana phire //5//

sara sakti tomara parasu sūla kṛpāna ekahi bārahīm̐/
kari kopa śrīraghubīra para aganita nisācara ḍārahīm̐ /
prabhu nimiṣa mahum̐ ripu sara nivāri pacāri ḍāre sāyakā /
dasa dasa bisikha ura mām̐jha māre sakala nisicara-nāyakā //६//

mahi parata uṭhi bhaṭa bhirata marata na, karata māyā ati ghanī/
sura ḍarata caudaha sahasa preta viloki eka avadha-dhanī //
sura muni samaya prabhu dekhi māyānātha, ati kautuka karyo/
dekhahiṃ paraspara rāma kari saṃgrāma ripu-dala lari maryo //७//

rāma rāma kahi tanu tajahim̐ / pāvahim̐ pada nirbāna /
kari upāya ripu māre, chana mahum̐ kṛpānidhāna /
haraṣita baraṣahim̐ sumana sura, bājahim̐ gagana nisāna /
astuti kari kari saba cale, sobhita vividha bimāna //२०//

o-jaba raghunātha samara ripu jīte / sura nara muni saba ke bhaya bīte//
taba lachimana sītahi lei āye/ prabhu pada parata haraṣi ura lāye //१//

sītā citava syāma mṛdu gātā/ parama prema locana na aghātā/
paṃcabaṭī basi śrīraghunāyaka / karata carita sura-muni sukhadāyaka //२//

dhuām̐ dekhi kharadūṣana kerā/ jāi supanakhām̐ rāvana prerā
bolī bacana krodha kari bhārī / desa kosa ke surati bisārī //३//

karasi pāna sovasi dina rātī / sudhi nahiṃ tava sira para ārātī /
rājanīti binu dhana binu dharmā / harihi samarpe binu saṃta-karmā //४//

vidyā binu vibeka upajāye / strama-phala paḍhe kiye aru pāyeṃ /
saṅga tem̐ jatī kumantra te rājā/ māna tem̐ jñāna pāna tem̐ lājā //५//

prīti pnanaya binu mada te gunī / nāsahiṃ begi nīti asa sunī //६//

ripu ruja pāvaka pāpa, prabhu ahi ganiya na choṭa kari /
asa kahi bibidha bilāpa, kari lāgī rodana karana /
sabhā mām̐jha pari vyākula, bahu prakāra kaha roi /
tohi jiyata dasakandhara, mori ki asi gati hoi //२१//

sunata sabhāsada uṭhe akulāī / samujhāī gahi bām̐ha uṭhāī //
kaha laṅkesa kahasi kina bātā/ kei taba nāsā kāna nipātā //१//

avadha-nṛpati-dasaratha ke jāye / puruṣasiṃha bana khelana āye //
samujhi parī mohi unha kai karanī / rahita nisācara karihahim̐ dharanī//२//

jinha kara bhuja-bala pāi dasānana / abhaya bhaye vicarata muni kānana //
dekhata bālaka kāla samānā / parama dhīra dhanvī guna nānā //३//

atulita balapratāpa dou bhrātā / khala-badha rata sura-muni-sukha-dātā /
bhā-dhāma rāma asa nāmā / tinha ke saṃga nāri eka syāmā //४//

rūpa-rāsi bidhi nāri sam̐vārī / rati satakoṭi tāsu balihārī//
tāsu anuja kāṭe śruti nāsā / suni tava bhagini karahi parihāsā //५//

khara-dūṣana suni lage pukārā / chana maham̐ sakala kaṭaka, unha mārā /
khara-dūṣana-trisirā kara ghātā/ suni dasasīsa jare saba gātā //६//

sūpanakhahi samujhāi kari, ala bālesi bahu bhām̐ti /
gayau bhavana ati soca basa, nīṃda parai nahim̐ rāti //२२//

sura nara asura nāga khaga māhīṃ/ more anucara kaham̐ kou nāhīm̐ /
khara dūṣana mohi samabalavantā/ tinhahim̐ komāraibinu bhagavantā
sura- raṃjana bhaṃjana-mahi bhārā / jaum̐ bhagavanta līnha avatārā //
taum̐ maiṃ jāi bairu haṭhi karaūm̐ / prabhu sara prāna tajeṃ bhava taraūm̐ //२//

hoihi bhajana na tāsasa-dehā / mana krama bacana mantra dṛḍha ehā //
jaum̐ nara-rūpa bhūpa- suta koū / harihaum̐ nāri jīti rana doū ||३||
calā akela jāna caḍhi tahavām̐ / basa mārīca sindhu-taṭa jahavām̐ //
ihām̐ rāma jasi juguti banāī/ sunahu umā so kathā suhāī //४//

lachimana gaye banahiṃ jaba,lena-mūla-phala- kaṃnda /
janaka- sutā sana bole, biham̐si kṛpā-sukha-vṛndaṃ // २३ //

sunahu priyā vrata rucira susīlā / maiṃ kachu karaba lalita nara līlā//
tumha pāvaka maham̐ karahu nivāsā / jaum̐ lagi karaum̐ nisācara nāsā// १ //

jabahim̐ rāma saba kahā bakhānī / prabhu pada dhari hiya anala samānī //
nija pratibimba rākhi taham̐ sītā / taisai sīla rūpa subinītā //२//

lachimanahūm̐ yaha marama na jānā / jo kachu carita raceu bhagavānā //
dasamukha gayau jahām̐ mārīcā / nāi mātha svāratha rata nīcā //३//

navani nīca ke ati dukhadāī / jimi aṅkusa dhanu uraga bilāī //
bhaya-dāyaka khala ke priya bānī / jimi akāla ke kusuma bhavānī //४//

kari pūjā mārīca taba, sādara pūchī bāta /
kavana hetu mana vyagna ati, akasara āyahu tāta //२४//

dasamukha sakala kathā tehi āge/ kahī sahita abhimāna abhāge /
hohu kapaṭa-mṛga tumha chalakārī / jehi bidhi hari ānaum̐ nṛpa nārī//१//

tehi puni kahā sunahu dasasīsā / te carācara-īsā//
tā som̐ tāta bayara nahim̐ kījai / māre mariya jiāye jījai //२//

muni makha rākhana gayau kumārā/ binu phara sara raghupati mohi mārā //
sata jojana āyaum̐ chana māhīṃ / tinha sana bayara kiye bhala nāhīm̐ //३//

bhai mama kīṭa bhṛṅga kī nāī/ jaham̐ taham̐ maim̐ dekhaum̐ dou moī//
jaum̐ nara tāta tadapi ati sūrā/ tinhahim̐ birodhi na āihi pūrā //४//

jehi tāḍakā subāhu hati, khaṃḍeu hara-ko daṃḍa/
khara-dūṣana-trisirā-badheu, manuja ki asa barivaṃḍa //२५//

jāhu bhavana kulakusala bicārī/ sunata jarā dīnhesi bahu gārī/
guru jimi mūḍha karasi mama bodhā/ kahu jaga mohi samāna ko jodhā //१//

taba mārīca hṛdaya anumānā/ navahi birodhe nahim̐ kalyānā//
sastrī marmī prabhu saṭha dhanī/ baida bandi kavi mānakha-gunī //२//

ubhaya bhām̐ti dekhā nija maranā/ taba tākesi raghunāyaka saranā/
uttara deta mohi vaghaba abhāge/ kasa na saraum̐ raghupati-sara lāge //३//