Scripture Library

Prasannapada · Chapter 1

nāgārjunīyaṃ
madhyamakaśāstram |
ācāryacandrakīrtiviracitayā prasannapadākhyavyākhyayā saṃvalitam | 1
1
pratyayaparīkṣā nāma prathamaṃ prakaraṇam |
āryamañjuśriye kumārabhūtāya namaḥ |
yo 'ntadvayāvāsavidhūtavāsaḥ saṃbuddhadhīsāgaralabdhajanmā |
saddharmatoyasya gabhīrabhāvaṃ yathānubuddhaṃ kṛpayā jagāda

1.2

yasya darśanatejāṃsi paravādimatendhanam |
dahantyadyāpi lokasya mānasāni tamāṃsi ca

1.3

yasyāsamajñānavacaḥśaraughā nighnanti niḥśeṣabhavārisenām |
tridhāturājyaśriyamādadhānā vineyalokasya sadevakasya

1.4

nāgārjunāya praṇipatya tasmai tatkārikāṇāṃ vivṛtiṃ kariṣye |
uttānasatprakriyavākyanaddhāṃ tarkānilāvyākulitāṃ prasannām

Original text: Prasannapada · Edition: P.L. Vaidya: Madhyamakaśāstra of Nāgārjuna, with the Commentary: Prasannapadā by Candrakīrti. Darbhaga 1960 (Buddhist Sanskrit Texts, 10). · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0