Prasannapada · અધ્યાય 1

નાગાર્જુનીયં
મધ્યમકશાસ્ત્રમ્ ।
આચાર્યચન્દ્રકીર્તિવિરચિતયા પ્રસન્નપદાખ્યવ્યાખ્યયા સંવલિતમ્ । 1
1
પ્રત્યયપરીક્ષા નામ પ્રથમં પ્રકરણમ્ ।
આર્યમઞ્જુશ્રિયે કુમારભૂતાય નમઃ ।
યો ઽન્તદ્વયાવાસવિધૂતવાસઃ સંબુદ્ધધીસાગરલબ્ધજન્મા ।
સદ્ધર્મતોયસ્ય ગભીરભાવં યથાનુબુદ્ધં કૃપયા જગાદ

યસ્ય દર્શનતેજાંસિ પરવાદિમતેન્ધનમ્ ।
દહન્ત્યદ્યાપિ લોકસ્ય માનસાનિ તમાંસિ ચ

યસ્યાસમજ્ઞાનવચઃશરૌઘા નિઘ્નન્તિ નિઃશેષભવારિસેનામ્ ।
ત્રિધાતુરાજ્યશ્રિયમાદધાના વિનેયલોકસ્ય સદેવકસ્ય

નાગાર્જુનાય પ્રણિપત્ય તસ્મૈ તત્કારિકાણાં વિવૃતિં કરિષ્યે ।
ઉત્તાનસત્પ્રક્રિયવાક્યનદ્ધાં તર્કાનિલાવ્યાકુલિતાં પ્રસન્નામ્