Pramāṇavārttikaṭīkā · Chapter 33

/ ty āha / tathā cetyādi / liṅgasya dhūmāder avyabhicāras tu sādhyadharmeṇa / anyatreti viśiṣṭadharmisaṃbandhatyāgenānyasminn aparāmṛṣṭādhāraviśeṣe dharmimātre / anye tu sādhyadharmiṇo 'nyatra dṛṣṭāntadharmiṇīti vyācakṣate / ta ///
R Pramāṇavārttikaṭīkā
r1 /// .. na darśitaṃ liṅgaṃ tatra vivādāśraye dharmiṇi / prasiddhaṃ niścitaṃ tadyuktaṃ tena vyāpakena dharmeṇa yuktaṃ sādhyadharmiṇaṃ gamayiṣyatīti / tasmād ityādinopasaṃhāraḥ / yat tūktaṃ yathā sattāyāṃ sādhyāyāṃ ananvayo doṣaḥ / tathā hetāv apīti tatrottaraṃ aparāmṛṣṭetyādi / aparāmṛ .. /

/ sattāmātrasya hetor anvayo dṛṣṭyāntadharmiṇi vṛttir na vihanyate / kiṃbhūtasya sādhyasya vastumātre sādhane kriyamāṇe ity āha tanmātravyāpinaḥ sattāmātravyāpinaḥ sādhanetyādinā vyācaṣṭe / vastumātravyāpini sādhyadharme svabhāvaviśeṣāparigraheṇa sādhane punaḥ satve kriyamāṇe nānvayavyāghātaḥ na sādhanaśūnyo dṛṣṭā /

/ .. tvamātrasya hetutvenāśrayaṇe 'pīty arthaḥ / na punaḥ sādhyatve sattāyā viśeṣānāśrayaḥ kasmāt sattāmātre sādhye sādhanavaiphalyāt* / sattāyāṃ sādhyamukhena doṣam uktvā sādhanamukhenāha / api cetyādi / sattāyāṃ sādhyāyāṃ hetur bhāvadharmo vā upādīyeta / bhāvābhāvadharmo vā ekāntenaiva dhar. .. .. tatrāsiddhe pradhānā .. /

/ .. sya sa satve sādhye vyabhicārī anaikāntikaḥ / yo 'py abhāvasya dharmaḥ sa satve sādhye viruddho satvasyaiva sādhanāt* / yasyāś ca sattāyāṃ sādhyāyām asiddhādidoṣād dhetur eva nāsti sā sattā sādhyate kathaṃ taddhetur iti sattāsādhanahetuḥ traya avayavā yasyā doṣajāter doṣaprakṛteḥ sā trayi tāṃ yathāsaṃbhavaṃ nāti /

/ .. dinaitad eva vibhajate / bhāvadharmo hi hetur upādīyamānas tatkāryātmako vā syāt tatsvabhāvabhūto vā na tāvad ādyaḥ pakṣaḥ kāryakāraṇabhāvasyaivāsiddheḥ / kāraṇaviśeṣeṇa hi kāryakāraṇabhāvaḥ pratyakṣānupalaṃbhasādhanaḥ sa ca pradhāne nāsti kāryavyatirekalakṣaṇo 'pi kāryakāraṇabhāvaḥ kāraṇam. /

/ .. svabhāvatayā bhāvadharmo hetur ucyate / sa katham asidhasattāke pradhānādau syāt* / yasmād yo hi vādī bhāvadharmaṃ hetuṃ tatra pradhānādāv icchati sa kathaṃ pradhānādikaṃ bhāvaṃ necchet* / bhāvasvabhāvasyaiva taddharmatvāt* / kathaṃ tarhi svabhāvasyāyaṃ dharma iti vyatirekeṇa kathyata iti ced āha / svabhāva eva hītyādi / kayā /

/ .. kṣiptabhedāntaratvena dharmiṇaṃ vyavasthāpya punas tam eva pratikṣiptabhedāntaratayā dharmatvena vyvasthāpya tathākṛtasaṃketena śabdena vyatirekīva bhinnarūpa iva dharmiṇaḥ / sakāśāt* jñātṛvāñcheturodhena nirdiśyate / etac ca prāg eva niññītam ity āha / na hītyādi / uktam etad bhedāntarapratikṣepāpratikṣepau tayor dvayor ityādinā /