ફલદીપિકા · અધ્યાય p27

પ્રવ્રજ્યા યોગ
ગ્રહૈશ્ચતુર્ભિઃ સહિતે ખનોથે
ત્રિકોણગૈઃ કેન્દ્રગતૈસ્તુ મુક્તઃ ।
લગ્ને ગૃહાન્તે સતિ સૌમ્યભાગે
કેન્દ્રે ગુરૌ કોણગતે ચ મુક્તઃ

એકર્ક્ષસંસ્થૈશ્ચતુરાદિકૈસ્તુ
ગ્રહૈર્વદેત્તત્ર બલાન્વિતેન ।
પ્રવ્રજ્યકાં તત્ર વદન્તિ કેચિત્
કર્મેશતુલ્યાં સહિતે ખનાથે

શશી દૃગાણે રવિજસ્ય સંસ્થિતઃ
કુજાર્કિદૃષ્ટઃ પ્રકરોતિ તાપસમ્ ।
કુજાંશકે વા રવિજેન દૃષ્તો
નવાંશતુલ્યાં કથયન્તિ તાં પુનઃ

જન્માધિપઃ સૂર્યસુતેન દૃષ્ટઃ
શેષૈરદૃષ્તઃ પુરુષસ્ય સૂતૌ ।
આત્મીયદીક્ષાં કુરુતે હ્યવશ્યં
પૂર્વોક્તમત્રાપિ વિચારણીયમ્

યોગીશં દીક્ષિત વા કલયતિ તરણિસ્તીર્થપાન્થં હિમાંશુ-
ર્દુર્મન્ત્રજ્ઞં ચ બૌધાશ્ર્યમવનીસુતો જ્ઞો મતાન્યપ્રવિષ્ટમ્ ।
વેદાન્તજ્ઞાનિનં વા યતિવરમમરેડ્યો ભૃગુલિઙ્ગવૃત્ત
વ્રાત્ય શૈલૂષવૃત્તિં શનિરિહ પતિતં વાઽથ પાષણ્ડિનં વા

અતિશયબલયુક્તઃ શીતગુઃ શુક્લપક્ષે
બલવિરહિતમેન પ્રેક્ષતે લગ્નનાથઃ ।
યદિ ભવતિ તપસ્વી દુઃખિતઃ શોકતપ્તો
ધનજનપરિહીનઃ કૃચ્છ્રલબ્ધાન્નપાનઃ

પ્રકથિતમુનિયોગે રાજયોગો યદિ સ્યા-
દશુભફલવિપાકં સર્વમુન્મૂલ્ય પશ્ચાત્ ।
જનયતિ પૃથિવીશં દીક્ષિતં સાધુશીલં
પ્રણતનૃપહિરોભિઃ સ્પૃષ્ટપાદાબ્જયુગ્મમ્

ચત્વારો દ્યુચરાઃ ખનાથસહિતાઃ કેન્દ્રે ત્રિકોણેઽથવા
સુસ્થાને બલિનસ્ત્રયો યદિ તદા સન્યાસસિદ્ધિર્ભવેત્
સબ્દ્બાહુલ્યવશાચ્ચ તત્ર સુશુભસ્થાનસ્થિતૈસ્તૈર્વદેત્
પ્રવ્રજ્યાં મહિતાં સતામ્ભિમતાં ચેદન્યથા નિન્દિતામ્