Phaladeepika · Chapter p1

lagne'rke'lpakacaḥ kriyālasatamaḥ krodhī pracaṇḍonnato
mānī locanarūkṣacaḥ kṛśatanuḥ śūro'kṣamo nirghṛṇaḥ/
sphoṭākṣaḥ śaśibhe kriye satimiraḥ siṃhe niśāndhaḥ puman
daridryopahato vinaṣṭatanayo jāṃtastulāyaṃ bhavet

vigatavidyā vinayavittaṃ skhalitavācaṃ dhanagataḥ
sabalaśaurya śriyamudāraṃ svajanaśatruṃ sahajagaḥ/
janayatīmaṃ suhṛdi sūryo visukhabandhukṣitisuhṛd
bhavanasuktaṃ nṛpatisevā janakasaṃpadvyayakaram

sukhadhanāyustanayahīnaṃ sumatimātmanyaṭavigaṃ
prathitamurvīpatimaristhaḥ suguṇasaṃpadvijayagam/
nṛpaviruddhaṃ kutanumaste'dhvagamadāraṃ hyavamataṃ
hatadhanāyuḥ suhṛdamarko vigatadṛṣṭi nidhanagaḥ

vijanako'rke sautabandhustapasi devadvijamanāḥ
sasutayānastutimatiśrībalayaśāḥ khe kṣitipatiḥ/
bhavagate'rke bahudhanāyurvigataśoko janapatiḥ
pituramitraṃ vikalanetro vidhanaputro vyayagate

site candre lagne dṛḍhatanuradabhrāyurabhayo
baliṣṭho lakṣmīvān bhavati viparītaṃ kṣayagate/
dhanāḍhayo'ntarvāṇirviṣayasukhavān vāci vikalaḥ
sahotye sabhrātṛpramadabalaśauryo'tikṛpaṇaḥ

sukhī bhogī tyāgī suhṛdi sasuhṛdvāhanayaśāḥ
suputro medhāvī mṛdugatiramātyaḥ sutagate/
kṣate'lpāyuścandre'matirudararogī paribhavī
smare dṛṣṭeḥ saumyo varayuvatikānto'tisubhagaḥ

mṛtau rogyalpāyustapasi śubhadharmātmasutavān
jayī siddārambho nabhasi śubhakṛtsatpriyakaraḥ/
manasvī bahvāyurdhanatanayabhṛtyaiḥ saha bhave
vyaye dveṣyo duhkhī śaśini paribhūto'lasatamaḥ

kṣatatanuratikrūro'lpāyustanau dhanasāhasī
vacasi vimukho nirvidyārthaḥ kuje kujanāśritaḥ/
suguṇadhanavāñchūro'dhṛṣyaḥ sukhī vyanujo'nuje
suhṛdi visuhṛnmatṛkṣoṇīsukhālayavāhanaḥ

visukhatanayo'narthaprāyaḥ sute piśuno'lpadhīḥ
prabalamadanaḥ śrīmān khyāto ripau vijayī nṛpaḥ/
anucitakaro rogārto'stedhvago nṛtadāravān
kutanuradhano'lpāyuśchidre kuje jananinditaḥ

nṛpasuhṛdapi dveṣyo'tātaḥ śubha janaghatako
nabhasi nṛpati krūro dātā pradhānajanastutaḥ/
dhanasukhayuto'śokaḥ śūro bhave suśīlaḥ kuje
nayanavikṛtaḥ krūro'dāro vyaye piśuno'dhamaḥ

dīrghayurjanmani jñe madhuracaturavāk sarvaśāstrārthabodhaḥ
syādbuddhyopārjitasvaḥ kaviramalavacā vāci miṣṭānnabhoktā
śaurye śūraḥ samāyuḥ susahajasahinaḥ saśramo dainyayuktaḥ
saṃkhyāvaṇ cāṭuvākyaḥ suhṛdi sukrasuhṛtkṣetradhānyārthabhogī

vidyāsaukhyapratāpaḥ pracurasutayuto māntrikaḥ pañcamasthe
jātakrodho vivādirdvīṣi ripubalahantālaso niṣṭhuroktiḥ/
prājño'ste cāruveṣaḥ sasakalamahimā yāti bhāryāṃ savittāṃ
vikhyātākhyaścirāyuḥ kulabhṛdadhipatirjñe'ṣṭama daṇdanetā

vidyārthācāradharmaiḥ saha tapasi budhe syātpravīṇo'tivāgmī
siddhārambhaḥ suvidyābalamatisukhasatkarmasatyānvitaḥ khe/
bahvāyuḥ satyasandho vipuladhanasukhī lābhage bhṛtyayukto
dīno vidyāvihīnaḥ paribhava sahito'ntye nṛśaṃso'lasaśca

śobhāvān sukṛtī cirāyurabhayo lagne surau sātmajo
vāgmī bhojanasāravāṃśca sumukho vite dhanī kovidaḥ
sāvajñaḥ kṛpaṇaḥ pratītasahajaḥ śaurye'ghakṛdduṣṭadhī-
rbandhau matṛsuhṛtparicchadasutastrīsaukhyadhānyānvitaḥ

putraiḥ kleśayuto mahīśasacivo dhīmān sutasthe gurau
ṣaṣṭhe syādalaso'rihā paribhavī mantrābhicāre paduḥ/
satpatnīsutavānmade'tisubhagastātādudāro'dhiko
dīno jīvati sevayā kaluṣabhagdīrghayurijye'ṣṭame

khyātaḥ san sacivaḥ śubhe'rthasutavān syāddharmakāryotsukaḥ
svācāraḥ suyaśā nabhasyatidhanī jive mahīśapriyaḥ/
āyasthe dhaniko'bhayo'lpatanayo jaivātṛko yānago
dveṣyo dhikkṛtavāgvyaye vitanayaḥ sādho'lasaḥ sevakaḥ

tanau sutanudṛkpriyaṃ sukhinameva dīrghayuṣaṃ
karoti kavirarthagaḥ kavimanekavittānvitam/
vidārasukhasampadaṃ kṛpaṇamapriyaṃ vikrame
suvāhanasumandirābharaṇa vastragandhaṃ sukhe

akhaṇḍitadhanaṃ nṛpaṃ sumatimātmaje sātmajaṃ
viśatrumadhanaṃ kṣete yuvatidūṣitaṃ viklavaṃ/
subhāryamasatīrataṃ nṛtakalatramāḍhyaṃ made
cirāyuṣamilādhipaṃ dhaninamaṣṭame saṃsthitaḥ

sadārasuhṛdātmajaṃ kṣitipalabdhabhāgyaṃ śubhe
nabhasyatiyaśaḥ suhṛtsukhitavṛttiyuktaṃ prabhum
dhanāḍhyamitarāṅganāratamanekasaukhyā bhave
bhṛgurjanayati vyaye saratisaukhyavittadyutim

svocce svakīyabhavane kṣitipālatulyo
lagne'rkaje bhavati deśapurādhināthaḥ/
śeṣeṣu dukhaparipīḍita eva bālye
dāridryaduḥkhavaśago malino'lasaśca

vimukhamadhanamarthe'nyāyavantaṃ ca paścā
ditarajanapadasthaṃ yānabhogārthayuktam/
vipulamatimudāraṃ dārasaukhyaṃ ca śaurye
janayati raviputraścālasaṃ viklavaṃ ca

duḥkhī syādgṛhayānamātṛviyuto bālye sarugbandhubhe
bhrānto jñānasutārthaharṣarahito dhīsthe śaṭo durmatiḥ/
bahvāśī draviṇānvito ripuhato dhṛṣṭaśca mānī ripo
kāmasthe ravije kudāranirato niḥsbo'dhvago vihvalaḥ

śravaiścare mṛtisthite malīmaso'śaṃso'vasuḥ/
karāladhīrbubhukṣitaḥ suhṛñjanavamānitaḥ

bhāgyārthatmajatātadharmarahito mande śubhe durjano
mantrī vā nṛpatirdhanī kṛṣiparaḥ śūraḥ prasiddho'mbare
bahvāyuḥ sthirasaṃpadāyasahitaḥ śūro virogo dhanī
nirlajjārthasuto vyaye'ṅgavikalo mūrkho ripūtsāritaḥ

lagne'hāvacirāyurarthabalāvānūrdhvaṅgarogānvita-
śchannoktirmukharugghṛṇī nṛpadhanī vitte saroṣaḥ sukhī/
mānī bhrātṛvirodhako dṛḍhamatiḥ śaurye cirāyurdhanī
mūrkho veśmani duḥkhakṛtsasuhṛdalpāyuḥ kadācitsukhī

nāsodyadvacano'sutaḥ kaṭhinahṛdrāhau sute kukṣiru-
gdviṭkrūragrahapīḍitaḥ sagudarupachrīmāṃścirāyuḥ kṣate/
strīsaṃgādadhano made'tha vidhuro'vīryaḥ svatantro'lpadhī-
randhre'lpāyuraśuddhikṛcca vikalo vātāmayo'lpātmajaḥ

dharmasthe pratikūlavāggaṇapuragrāmādhipo'puṇyavān
khyātaḥ khe'lpasuto'nyakāryanirataḥ satkarmahīno'bhayaḥ/
śrīmānnātisutaścirāyurasure labhe sakarṇāmayaḥ
pracchannāgharato bahuvyayakaro riḥphe'mburukpīḍitaḥ

lagne kṛtaghnamasukhaṃ piśunaṃ vivaṇaṃ
sthānacyutaṃ vikaladehamasatsamājam/
vidyārthahīnamadhamoktiyutaṃ kudṛṣṭiṃ
pātaḥ parānnanirataṃ kurute dhanasthaḥ

āyurbalaṃ dhanayaśā pramadānnasaukhyaṃ
ketau tṛtiyabhavane sahajapraṇāśam
bhūkṣetrayānajananīsukhajanmabhūmi-
nāśaṃ sukhe paragṛhasthitimeva datte

putrakṣayaṃ jaṭhararogapiśācapīḍāṃ
durbuddhimātmani khalaprakṛtiṃ ca pātaḥ/
audāryamuttamaguṇaṃ dṛḍhatāṃ prasiddhiṃ
ṣaṣṭhe prabhutvamarimadarnamiṣṭasiddhim

dyūne'vamānamasatīratimāntrarogaṃ
pātaḥ svadāraviyutiṃ madadhātuhānim
svalpāyuriṣṭavirahaṃ kalahaṃ ca randhre
śastrakṣataṃ sakalakāryavirodhameva

pāpapravṛttamaśubhaṃ pitṛbhāgyahīnaṃ
dāridrayamāryajanadūṣaṇamāha dharme/
satkarmavighnamaśucitvamavadyakṛtyaṃ
tejasvinaṃ nabhasi śauryamatiprasiddhim

lābhe'rthasaṃcayamanekaguṇaṃ subhogaṃ
saddravyasopakaraṇaṃ sakalārthasiddhim/
pracchannapāpamadhamavyayamarthanāśaṃ
riḥphe viruddhagatimakṣirujaṃ ca pātaḥ

udayarkṣaśasphuṭatulyāṃśe nivasan pūrṇaṃ phalamādhatte
śanivadrāhuḥ kujavatketuḥ phaladātā syādiha saṃproktaḥ

bhāvasamāṃśakasaṃsthā bhāvaphalaṃ pūrṇameva kalayanti/
nyūnādhikāṃśavaśataḥ phalavṛddhihlasitā vācyā