Phaladeepika · Chapter p2

dvigrahayoga
tigmāṃśurjanayatyuṣeśasahito yantrāśmakāraṃ naraṃ
bhaumenāgharataṃ budhena nipuṇaṃ dhīkīrtisaukhyānvitam |
krūraṃ vākpatinānyakāryanirataṃ śukreṇa raṅgāyudhair-
labdhasvaṃ ravijena dhānukuśalaṃ bhāṇḍuprakāreṣu vā

kūṭstryāsavakuṃbhapaṇyamaśivaṃ mātuḥ savakraḥ śaśī
sajñaḥ praścitavākyamarthanipuṇaṃ saubhāgyakīrtyanvitam |
vikrantaṃ kulamukhyamasthiramatiṃ citteśvaraṃ sāṅgirā
vastrāṇāṃ sasitaḥ kriyādikuśalaṃ sārkiḥ punarbhūsutam

mūlādisnehakūṭaivaharati vaṇigbāhuyoddhā sasaumye
puryadhyakṣaḥ sajīve bhavati narapatiḥ prāptavitto dvijo vā |
gopo mallo'tha dakṣaḥ parayuvatirato dyūtakṛtsāsurejye
duḥkhārto'satyasandhaḥ sasavitṛtanaye bhūmije ninditaśca

saumye raṅgacaro bṛhaspatiyute gītapriyo nṛtyavid
vāgmī bhūgaṇapaḥ sitena mṛdunā māyāpaṭurlampaṭaḥ |
sadvidyo dhanadāravān bahuguṇaḥ śukreṇa ukte gurau
jñeyaḥ śmaścukaro'sitena ghaṭakṛjjāto'nnakāro'pi

asitasitasamāgame'lpacakṣu-
ryuvatisamāścayasampravṛddhavittaḥ |
bhavati ca likhipustakacitravettā
kathitaphalaiḥ parato vikalpanīyāḥ

bhūpo vidvān bhūpatirbhūpatulya-
ścandre meṣe moṣako nirdhanaśca |
nissvaḥ steno lokamānyo mahīśaḥ
svāḍhyaḥ preṣyaścāpi dṛṣṭe kujādyaiḥ

yugmasthe'yojīvibhūpajñadhṛṣṭā-
ścandre dṛṣṭe tantuvāyo'dhanī ca |
svarkṣe yodhaprājñasūrikṣitīśā
lohājīvo netrarogī krameṇa

rājā jyotirviddhanāḍhyo narendraḥ
siṃhe candre nāpitaḥ pārthivendraḥ |
dakṣo bhūpaḥ sainyapaḥ kanyakāyāṃ
niṣṇātaḥ syādbhūmināthaśca bhūpaḥ

śaṭho nṛpastaulini rukmakāra
ścandre vaṇik syātpiṣunaḥ khalaśca |
kīṭe nṛpo yugmapitā mahīśaḥ
syādvastrajīvī vikṛtāṅgavittaḥ

dhūrto hayāṅge svajanaṃ janeśaṃ
naraughamāśritya śaṭhaḥ sadambhaḥ |
bhūpo nareśaḥ kṣitipo vipaści-
ddhanī daridro makare himāṃśau

kuṃbhe'nyadāranirataḥ kṣitipo narendro
veśyāpatirnṛvaparo himagau nṛmānyaḥ |
antye'ghakṛtpaṭumatirnṛpatiśca vidvān
doṣaikadṛgduratikṛcca kujādidṛṣte

candramā ke vibhinna navāṃśoṃ meṃ hone kā āura usa para
vividha grahoṃ kī dṛṣṭi kā phala
ārakṣako vadharuciḥ kuśalaśca yuddhe
bhūpo'rthavānkalahakṛtkṣitijāṃśasaṃsthe |
mūrkho'npadāranirataḥ sukviḥ sitāṃśe
satkāvyakṛtsukhaparo'nyakalatragaśca

baudhe hi raṅgacaracorakavindramantri-
geyajñāśilpanipuṇaḥ śahini sthite'ṃśe |
svāṃśe'lpagātradhanalubdhatapasvimukhyaḥ
strīpreśyakṛtyanirataśca nirīkṣyamāṇe

sakrodho narapatisaṃmato nidhīśaḥ
siṃhāṃśe prabhurasuto'tirhiṃsrakarmā |
jīvāṃśe prathitabalo raṇopadeṣṭā
hāsyajñaḥ sacivavikāmavṛddhaśīlaḥ

alpāpatyo duḥkhitaḥ satyapi sve
mānāsatkaḥ karmaṇi sve'nuraktaḥ |
duṣṭastrīṣṭaḥ kopanaścārkibhāge
candre bhānau tadvadindvādidṛṣṭe

sūryādito'trāṃśaphalaṃ pradiṣṭaṃ
jñeyaṃ navāṃśasya phalaṃ tadeva |
rāśīkṣaṇe yatphalamuktamindo-
staddvādaśāṃśasya phalaṃ hi vācyam

vargottamasvaparageṣu śubhaṃ yaduktaṃ
tatpuṣṭamadhyalaghutā'śubhamutkrameṇa |
vīryānvitoṃ'ṃśakapartinaruṇaddhi pūrvaṃ
rāśīkṣaṇasya phalamaṃśaphalaṃ dadāti