Pāśupatasūtra · Chapter 1

athātaḥ paśupateḥ pāśupataṃ yogavidhiṃ vyākhyāsyāmaḥ //

bhasmanā triṣavaṇaṃ snāyīta //

bhasmani śayīta //

anusnānaṃ //

nirmālyaṃ //

liṅgadhārī //

āyatanavāsī //

hasitagītanṛttaduṃduṃkāranamaskārajapyopahāreṇopatiṣṭhet //

mahādevasya dakṣiṇāmūrteḥ //

ekavāsāḥ //

avāsā vā //

mūtrapurīṣaṃ nāvekṣet //

strīśūdraṃ nābhibhāṣet //

yady avekṣed yady abhibhāṣet //

upaspṛśya //

prāṇāyāmaṃ kṛtvā //

raudrīṃ gāyatrīṃ bahurūpīṃ vā japet //

akaluṣamateḥ //

carataḥ //

tato 'sya yogaḥ pravartate //

dūradarśanaśravaṇamananavijñānāni cāsya pravartante //

sarvajñātā //

manojavitvam //

kāmarūpitvam //

vikaraṇaḥ //

dharmitvaṃ ca //

sarve cāsya vaśyā bhavanti //

sarveṣāṃ cāvaśyo bhavati //

sarvāṃś cāviśati //

sarveṣāṃ cānāveśyo bhavati //

sarve cāsya vadhyā bhavanti //

sarveṣāṃ cāvadhyo bhavati //

abhītaḥ //

akṣayaḥ //

ajaraḥ //

amaraḥ //

sarvatra cāpratihatagatir bhavati //

ity etair guṇayukto [guṇair yukto] bhagavato mahādevasya mahāgaṇapatir bhavati //

atredaṃ brahma japet //

sadyojātaṃ prapadyāmi //

sadyojātāya vai namaḥ //

bhave bhave nātibhave //

bhajasva mām //

bhavodbhavaḥ //