પાશુપતસૂત્ર · અધ્યાય 1

અથાતઃ પશુપતેઃ પાશુપતં યોગવિધિં વ્યાખ્યાસ્યામઃ ॥

ભસ્મના ત્રિષવણં સ્નાયીત ॥

ભસ્મનિ શયીત ॥

અનુસ્નાનં ॥

નિર્માલ્યં ॥

લિઙ્ગધારી ॥

આયતનવાસી ॥

હસિતગીતનૃત્તદુંદુંકારનમસ્કારજપ્યોપહારેણોપતિષ્ઠેત્ ॥

મહાદેવસ્ય દક્ષિણામૂર્તેઃ ॥

એકવાસાઃ ॥

અવાસા વા ॥

મૂત્રપુરીષં નાવેક્ષેત્ ॥

સ્ત્રીશૂદ્રં નાભિભાષેત્ ॥

યદ્ય્ અવેક્ષેદ્ યદ્ય્ અભિભાષેત્ ॥

ઉપસ્પૃશ્ય ॥

પ્રાણાયામં કૃત્વા ॥

રૌદ્રીં ગાયત્રીં બહુરૂપીં વા જપેત્ ॥

અકલુષમતેઃ ॥

ચરતઃ ॥

તતો ઽસ્ય યોગઃ પ્રવર્તતે ॥

દૂરદર્શનશ્રવણમનનવિજ્ઞાનાનિ ચાસ્ય પ્રવર્તન્તે ॥

સર્વજ્ઞાતા ॥

મનોજવિત્વમ્ ॥

કામરૂપિત્વમ્ ॥

વિકરણઃ ॥

ધર્મિત્વં ચ ॥

સર્વે ચાસ્ય વશ્યા ભવન્તિ ॥

સર્વેષાં ચાવશ્યો ભવતિ ॥

સર્વાંશ્ ચાવિશતિ ॥

સર્વેષાં ચાનાવેશ્યો ભવતિ ॥

સર્વે ચાસ્ય વધ્યા ભવન્તિ ॥

સર્વેષાં ચાવધ્યો ભવતિ ॥

અભીતઃ ॥

અક્ષયઃ ॥

અજરઃ ॥

અમરઃ ॥

સર્વત્ર ચાપ્રતિહતગતિર્ ભવતિ ॥

ઇત્ય્ એતૈર્ ગુણયુક્તો [ગુણૈર્ યુક્તો] ભગવતો મહાદેવસ્ય મહાગણપતિર્ ભવતિ ॥

અત્રેદં બ્રહ્મ જપેત્ ॥

સદ્યોજાતં પ્રપદ્યામિ ॥

સદ્યોજાતાય વૈ નમઃ ॥

ભવે ભવે નાતિભવે ॥

ભજસ્વ મામ્ ॥

ભવોદ્ભવઃ ॥