Parātriṃśikā with Abhinavagupta's Parātriṃśikāvivaraṇa (with commentary) · Verses 17-21

bahubhir api so 'ham eva bhramitas tattvopadeśakaṃmanyaiḥ /
tattvam iti varṇayugam api yeṣāṃ rasanā na pasparśa //

parameśvaraḥ prapanna-proddharaṇakṛpāprayuktaguruhṛdayaḥ /
śrīmān devaḥ śaṃbhur mām iyati niyuktavāṃs tattve //

tattattvanirmalasthiti vibhāgihṛdaye svayaṃ praviṣṭam iva /
śrīsomānandamataṃ vimṛśya mayā nibaddham idam //

haṃho hṛccakracārapravicaraṇalasannirbharānandapūrṇā devyo 'smatpāśakoṭipravighaṭanapaṭujñānaśūlordhvadhārāḥ /
cetovākkāyam etad vigatabhavabhayotpatti yuṣmāsu samyak protaṃ yat tena mahyaṃ vrajata kila hṛdi drāk prasādaṃ prasahya //

vyākhyādikarmaparipāṭipade niyukto yuṣmābhir asmi gurubhāvam anupraviśya /
vākcittacāpalam idaṃ mama tena devyās taccakracāracaturasthitayaḥ kṣamadhvam //