પરાત્રિંશિકા (ટીકા સહિત) · શ્લોક 17-21

બહુભિર્ અપિ સો ઽહમ્ એવ ભ્રમિતસ્ તત્ત્વોપદેશકંમન્યૈઃ ।
તત્ત્વમ્ ઇતિ વર્ણયુગમ્ અપિ યેષાં રસના ન પસ્પર્શ ॥

પરમેશ્વરઃ પ્રપન્ન-પ્રોદ્ધરણકૃપાપ્રયુક્તગુરુહૃદયઃ ।
શ્રીમાન્ દેવઃ શંભુર્ મામ્ ઇયતિ નિયુક્તવાંસ્ તત્ત્વે ॥

તત્તત્ત્વનિર્મલસ્થિતિ વિભાગિહૃદયે સ્વયં પ્રવિષ્ટમ્ ઇવ ।
શ્રીસોમાનન્દમતં વિમૃશ્ય મયા નિબદ્ધમ્ ઇદમ્ ॥

હંહો હૃચ્ચક્રચારપ્રવિચરણલસન્નિર્ભરાનન્દપૂર્ણા દેવ્યો ઽસ્મત્પાશકોટિપ્રવિઘટનપટુજ્ઞાનશૂલોર્ધ્વધારાઃ ।
ચેતોવાક્કાયમ્ એતદ્ વિગતભવભયોત્પત્તિ યુષ્માસુ સમ્યક્ પ્રોતં યત્ તેન મહ્યં વ્રજત કિલ હૃદિ દ્રાક્ પ્રસાદં પ્રસહ્ય ॥

વ્યાખ્યાદિકર્મપરિપાટિપદે નિયુક્તો યુષ્માભિર્ અસ્મિ ગુરુભાવમ્ અનુપ્રવિશ્ય ।
વાક્ચિત્તચાપલમ્ ઇદં મમ તેન દેવ્યાસ્ તચ્ચક્રચારચતુરસ્થિતયઃ ક્ષમધ્વમ્ ॥