parātantram · Chapter 1

----
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00062
Uniform title: parātantra
Main title: parātantram
Description:
Notes:
Data entered by the staff of Muktabodha under the supervision of Mark S. G. Dyczkowski.
Publisher :
Publication year : Pre-1900
Publication city :
Publication country : India
----
parātantram
lephṭineṇṭa karnala
śrī dhana śamśera jaṅga bahādura rāṇā
prakāśaka
caṇḍī kāryālaya prayāga-६
prathama saṃskaraṇa saṃvat २०१६
śrīlalitātripurasundaryai namaḥ
prathamaḥ paṭalaḥ
bahusiddhisamākīrṇe śmaśāne karavīrake /
tatra vīragaṇāḥ sarve mahāhallālahu/kṛte

nivartitamahācakre yoge tridaśamaṇḍale /
mahāvṛnda mahāsphāla raṇaḍākinī yācite

brāhmyādyā mātaraścāṣṭau kṣetreśabhairavādayaḥ /
gaṇeśa vaṭukā siddhā mātṛcakre tu melake

śrīnāthādigaṇāḥ sarve vīranāthāvatārike /
siddhināthāvakāsena santoṣitakuleśvaram

sarvabhūṣāṃ parityajya sānandollāsamānasam /
sāmarasyasthitaṃ devaṃ pṛcchate kulasundarī

śrī devyuvāca
sarvaśāstroditaṃ jñānaṃ tvatprasādāt śrutaṃ mayā /
yāmalāṣṭakapūrvaṃ tu tantrānekavidhāni ca

śiraśchedaśca bahudhā mahāmanthānaṣaṭkakam /
mālātantre ca vītkāre sāgarāmvā mahāmate

p. २) caturviṃśati vai lakṣāḥ śrutā sarve tathoditāḥ /
idānīṃ saṃśayo jātastavaiva vacanātprabho

ekā sā paramā śaktiradvitīyā pareśvari /
ekā śaktirmahāmāyā viśvaṃvyāpyāvatiṣṭhatā

nādimadhyā na vāntāstu yayā sarvaṃ pravartate /
tvayoktā na dvitīyā sā tantre kulamahārṇave

eṣā saṃdhāryate viśvamekā trailokyapūjitā /
etadeva vaco brāhmī ṣaḍāmnāya kathaṃ prabho

ṣaṭsiṃhāsanagā proktā devyaḥ ṣaṇṇāyikāḥ smṛtāḥ /
ṣaḍāmnāyavibhinnaiva ekā sa paramā katham

abhinnā vātha bhinnā vā vada deva jagatpate /
kathamekā parāśaktirvibhinnā parameśvarī

ṣaṭsiṃhāsanagā devi nāyikā ṣaṭprakīrtitāḥ /
ṣaḍāmnāyavibhinnāścetkiṃ saṃjñābhedanāmataḥ

pūrvasiṃhāsanā devī yāmyasiṃhāsanāśritā /
siṃhāsanaṃ paścimagā saumyasiṃhāsanā parā

siṃhāsanamūrdhvagatā hyadhaḥ siṃhāsanasthitā /
ṣaṭsiṃhāsanasaṃsthā sā ṣaḍāmnāyetikīrtitā

kathaṃ siṃhāsanaṃ saṃjñāsthitā hyāmnāyadevatā /
tantre vā yāmale vāpi caturviṃśatilakṣake

p. ३) graṃthe tvayā sūcitā vai ṣaḍāmnāyaviśeṣataḥ /
ekā parā vibhinnā kiṃ ṣaṭsiṃhāsanamāśritā

ādyāśaktiḥ parā hyekā kathaṃ ṣaṭśaktitāṃ gatā /
yā ādyā prakṛtiḥ sūkṣmā bhinnarūpeṇa saṃsthitā

bindumālinīrūpā sā sarvathādyavyavasthitā /
etanme mahatīṃ śaṃkāṃ nirṇītuṃ parameśvara

udaye granthisudṛḍhaṃ sarvajñaparameśvara /
yadyekā paramā śaktirādyā prakṛtīrīśvarī

kimarthaṃ kasya rakṣārthaṃ ṣaḍāmnāyaprakīrtitāḥ /
trailokyarakṣaṇārthāya samayā pālanāya ca

sādhakaprārthanāyaiva vadasva parameśvara //
śrīsadāśiva uvāca
api priyatame devi niśāmaya vadāmi te /
guhyādguhyatamaṃ divyamakathyaṃ kathayāmi te

tava snehātpravakṣyāmi rahasyaṃ kaulikānvayaṃ /
oṃ iti namaskṛtya pravakṣyāmi viṣṇumāyāṃ jaganmayīṃ

nārāyaṇīṃ mahāmāyāṃ prakṛtiṃ viśvarūpiṇīm /
ekā parāparā śaktiḥ prakṛtirviśvamohinī

viśvasaṃmohanātsā ca vaiṣṇavīti prakīrtitā /
dhāraṇāddhātrimityāhaḥ pālanātparameśvarī

p. ४) trailokyamohanātmāyā bhāvanātprakṛti smṛtā /
viśvasaṃdhāraṇātsā tu vaiṣṇavīti prakīrtitā

kaivalyamokṣadā bhūtā māyā nārāyaṇī smṛtā /
īśvaropi vaśe yasyā sūtre bahuśakuntavat

yāṃ vinā parameśopi śava ityabhidhīyate /
jīvituṃ naiva śaknoti vinā tāṃ parameśvaraḥ

īśopyanīśatāṃ yāti prakṛtyālokanaṃ vinā /
dāruṣveva yathā vahnirmathanātsaṃprakāśate

māyāsaṃpragṛhīto vai sṛṣṭisthityantakṛdbhavet /
jīvahīno yathā dehaścalituṃ naiva śakyate

śavavatkarmahīnatvātsamādhiṃ saṃsthitaḥ priye /
māyāvirahito yāvanniśākāle tu gīyate

śavaiva niścalo devo bindumālinyasaṃgrahāt /
māyayā kavalīkṛtvā śiva ityabhidhīyate

śivaśaktisamāyogātsarvaṃ jagadidaṃ bhavet /
citirūpeṇa sā māyā viśvaṃ vyāpya vyavasthitā

ahaṃ sadāśivo devaḥ prakṛtirviṣṇurucyate /
ubhayormelanāddevi śivaśaktīti gīyate

pravartanāya sarveṣāṃ saṃsāracakravānbhavet /
tvaṃ tu devī viṣṇumāyā nārāyaṇajaganmaye

p. ५) devasyānandarūpohaṃ jāne deva sadāśivaḥ /
evaṃ pravartaye devi devau hariharāvubhau

sṛṣṭisthitiśca saṃhārakalpe kalpe kathaṃ bhavet /
śivaśaktyātmakaṃ viśvaṃ paśya divyena cakṣuṣā

na padmāṅkī na vajrāṅkī na cakrāṅkī yataḥ prajāḥ /
liṅgāṅkī ca bhagāṅkī ca tena māheśvarī prajāḥ

yayā sṛṣṭaṃ sṛjedvedhā sāṣṭadhā pālyate hariḥ /
saṃhartā harate rudraḥ sarve tadanugāḥ surāḥ

ekā sā paramā devī viśvaṃ vyāpya vyavasthitā /
caturviṃśatitatvena brahmāṇḍaṃ cetayanti ca

pṛthivī vāyurākāśajalavahnimayaṃ vapuḥ /
dhṛtvā saṃsṛjyate viśvaṃ kalpe kalpe yathecchayā

brahmā viṣṇuśca rudraśca īśvaraśca sadāśivaḥ /
pañcabhūtātmakaṃ caiva śarīraṃ pañcasaṃkṛtam

ekīkṛtya tathā pañcabhūtarūpeṇa saṃsthitāḥ /
nirjīvo jīvarūpeṇa pañcabhūtatvamāgataḥ

siṃhāsanamahāmnāyapañcabhūtāni saṅgamaḥ /
ādyā sā paramā śaktirvyomasthā kularakṣiṇī

brahmāṇḍavyāpinī nityā parabrahmasvarūpiṇī /
caturviṃśatibhistatvaiḥ sarvabījasvarūpiṇī

p. ६) brahmasvarūpiṇī sākṣātstrīpuṃbhedena bhidyate /
līlayā krīḍate nityā lalitārūpadhāriṇī

arūpā rūpavānbhūtvā puṃrūpaṃ dhāryate śive /
kadācillīlayā devī māyārūpeṇa krīḍati

kadāciddharirūpeṇa śivarūpeṇa svecchayā /
brahmarūpadharā māyā hyecchārūpadharā parā

eṣā parāparā devī prakṛtirviśvamohinī /
pravartayati saṃsāraṃ samayā pālanāya ca

śrīnāthakramasidhyarthaṃ ṣaḍāmnāyatvamāgatā /
ṣaṭsiṃhāsanagā devī samāsa kathayāmi te

purānandavane devi nirjane paśuvarjite /
sadāśivohaṃ ṣaṭcakrasamādhidhyānamāśritaḥ

tvaṃ tu kāpālinī bhūtvā māmapṛcchatṣaḍanvayam /
prathamaṃ pūrvavaktreṇa rūpaṃ tatpuruṣeṇa ca

kathayāmāsa prācī tu siṃhāsanamahodgatam /
nāyikā rudraśaktiryā śivaṃ tatpuruṣaṃ param

pūrṇeśvarī mahogrāsā pūrvāmnāayaprakīrtitā /
cakreśvaryāṃ tu vakṣyāmi sādhakānāṃ hitāya vai

dhyānaṃ tu cittedhiṣṭhāya dhyātavyā parameśvarī /
indranīlasamaprakhyaṃ daśadordaṇḍadhāriṇīm

p. ७) varābhayakaraṃ ramyaṃ satriśūlaṃ kapālakam /
ḍamaruṃ cākṣamālāṃ ca śaktīṃ caiva karāmbuje

ikṣucāpaṃ śaraṃ caiva khaḍgahastaṃ suśobhinīm /
mahāpretopari tatra candrasūryāsanāsthitāṃ

pratyālīḍhāṃ trinetrāṃ ca muṃḍamālāvibhūṣitāṃ /
vāsukīśaṅkhapālau tau karṇabhūṣaṇatāṃ gatau

anantahāramālā ca hārā'laṃkārabhūṣitāṃ /
viśālatrayanetrāṃ ca candrārddhakṛtaśekharām

eṣā pūrṇeśvarī devī hāhārāva ravapriyām /
pūrṇeśvarīti vikhyātā sāhaṃkārā rajoyutā

girau pūrṇālaye pīṭhe lakṣmīvanaśmaśānake /
indreṇārādhitā nityā bahurūpāvatāriṇī

pūrvāmnāyeti vikhyātā pūrvadevarṣipūjitā /
īśvarī sarvavidyānāṃ mahābhāgyabharāvahā

nānārūpadharā nityā bahurūpāvatāriṇī /
jayā jayaṃtī vijayā ajitā nārasiṃhikā

vyāghreśvarī karālā ca rājeśī bhuvaneśvarī /
raktadaṃtā viśālākṣī kāmeśī caṇḍamālinī

vidyujjihvā ḍāmareśī nāṭeśī nṛtyanāyikā /
nandī caiva mahākālabhṛṃgiṇī ca kulālikā

p. ८) navanāṭeśvarī tatra catuḥpañcarasānvitā /
bahubhedā devadevī bhairavāṣṭakamātṛkāḥ

nāṭeśvarīti vikhyātā bhairavī cakrapālikā /
kṣetravighneśavaṭukayoginīmātṛkāṣṭakāḥ

brahmāṇyādyāḥ prapūjyante kumārī kāmadā sadā /
nṛtyamāne purā deva bhairavā mātṛbhirvṛtaḥ

nṛtyabhairavanāmā tu pūrvacakre vyavasthitā /
gaṇeśakṣetraḍākinyo gaṇāstatpuruṣāśritāḥ

vāmamārge samārādhya na tu dakṣiṇataḥ kriyā /
plakṣadvīpe kuśadvīpe bahudhā ca tadanvagāḥ

vaśyākarṣaṇastaṃbhaṃ ca siddhayastvaṇimādayaḥ /
marīcinā samārādhya śakrāya ca pradattavān

ityeṣa pūrva cāmnāya prācisiṃhāsanasthitā

// iti śrī parātantre pūrṇeśī pūrvāmnāyakramaḥ paṭalaḥ prathamaḥ

dvitīyaḥ paṭalaḥ
dakṣiṇāmnāya vakṣyāmi mahāvīryā maholvaṇā /
aghorabhairavoddiṣṭā niśyeśī ca niraṅgalā

nirālambeśvarī nityā aghoraṃ tacchiraṃ viduḥ /
siṃhāsanagatā nityā niśeśī raktacarcikā

caitanyabhairavī kecidraktakālīti kecana /
sundarī kālikā kecidaghoreśvarī kecana

dhyānarūpaṃ tu vakṣyāmi bhairavyā yāmyadiksthitā /
nityā niraṃśaniratā niśeśī nirguṇāśrayā

kratunārādhitā devi dharmarājāya vai purā /
sampradāyakareṇaiva devī caitanyabhairavī

caturvedāsanā devī mahāphetkārasaṃsthitā /
prajvalantī citāmadhye dakṣiṇyadakṣadā parā

alātacakravadyasyā bhramanti śiramālikā /
snāyurakṣā kṛśāṅgī ca asthicarmāvaśeṣitā

vyāghracarmā kaṭivṛtā naracarmottarīyakā /
sahasrādityasaṃkāśā taptakāñcanasuprabhā

p. १०) pañcavaktrā cātibhīmā tripañcanayanairyutā /
īṣaddhāsyalalajjihvā nimnanābhikṛśodarī

vikarālāsanasthātā cakravaktrāsanasthitā /
raudrī bhayāpahā ghorā candrārddhakṛtaketanā

varbarārddhamuktakeśī nāgarājavirājitā /
kabandha-uṣṇīyayutā brahmāśīrṣaśikhāmaṇiḥ

sadyaśchinnajagadraktaḥ śiromālāvibhūṣitā /
bhujāṣoḍaśasaṃyuktā gajakañcukakiṅkiṇī

pāśāṃkuśakapālañca khaṭvāṅgaṃ muṇḍaḍiṇḍimaṃ /
khaḍgakheṭavāṇadhanuścakradaṇḍakamaṇḍalum

abhayaṃ varadaṃ caiva tarjanī vidhṛtā karaiḥ /
muditā siddhimadhunā śaktibhiḥ parivāritā

hūṃhūṃhūṃkāranādena trāsayandevatāgaṇān /
ṛgyajuḥsāmātharvākhyā vedasyopari pari

śavarūpī mahādeva hṛdayoparisaṃsthitā /
niśeśī ca mahogrā ca dakṣiṇācāravarjitā

jyeṣṭhānujyeṣṭhabhedāsti yāmyasiṃhāsanāśritāṃ /
tasyāṅgadevatāḥ sarve bahubhedā maholvaṇā

jaṃbhinī staṃbhinī nārāmohinī aṃdhinī śivā /
mṛtyuñjayā carcikā ca siṃhī dakṣiṇakālikā

p. ११) pracaṇḍā ugracaṇḍā ca ugratārā kapālinī /
tvaritā chinnaśīrṣā ca vagalā vākpradāyinī

nīlā sarasvatī bhīmā trailokyaḍāmareśvarī /
trailokyavijayā caṇḍī raktacāmuṇḍī bhairavī

dakṣiṇāmnāyadeveśī nānābhedavisāriṇī /
brahmādyāṣṭabhairavāṣṭakṣetrapālāṣṭameva ca

svakṣetranāthaṃ vaṭukaṃ gaṇeśaṃ yoginīgaṇāḥ /
ekā vibhinnarūpā sā samayī pālanāya ca

aghorasya gaṇāḥ sarve nānāpāriṣadāvṛtā /
mahācaṇḍāṭṭasaṃrāva pūrayantī digantarāḥ

vetālā bahulā tatra ḍākinīgaṇasaṃvṛtāḥ /
bālalīlāsamāpannā niśācaragaṇāvṛtaḥ

daṇḍapāśodyatakarāḥ sarvasādhakasiddhidā /
śākapuṣkaradvīpeṣu sādhakābhedadarśinī

cauhāre gahvare pīṭhe yonimaṇḍalamārgagā /
vāmācāraratā pūjyā hyaṇimādyaṣṭasiddhidā

sūtrīyatā mayā proktā dakṣiṇāmnāyasaṅgatam

// iti śrīparātantre niśeśvarī dakṣiṇāmnāyo dvitīyaḥ paṭalaḥ

tṛtīyaḥ paṭalaḥ
siṃhāsanapratīcyāṃ tu saṃkṣepaṃ śṛṇu pārvati /
anekaśatasāhasraśrīnāthenāvatāritam

mantranānārahasyañca yāmalaṃ lakṣasaṃmitam /
svanābhimathanāddevi svakīyarasanā purā

brahmāṇḍaṃ garbhatastasyā jātidivyena yoninā /
tadārabhya maheśāni kujādevīti viśrutā

jyeṣṭhabālaprabhedena kubjikā lokapūjitā /
sadyojātamukhodgītā paścimāmnāyadevatā

kubjikā jagatāmādyā mahāsaṃhārarūpiṇī /
anantadeśikaḥ sevyā nityā śivasamāgatā

jyeṣṭhabālaprabhedena bahumārgapravāhinī /
dvātriṃśatābhedayuktā kubjikā bhairavāśritā

vṛṣabhe saṃsthitaṃ devaṃ khavarṇarūpaśobhinam /
ekavaktrī trinetrañca mujāṣṭādaśadhāriṇam

p. १३) ḍamaruṃ paraśuṃ vāṇaṃ khaḍgamakuṃśavajrakam /
śaṃkhaṃ ca veṇuvādyañca varadābhayadakṣiṇe

vāme khaṭvāṅgaśūlañca dhanuḥ phalakapāśakam /
ghaṇṭākapālaveṇuñca abhayaṃ bhayanāśanam

paṭṭena bandhitaṃ jānuvāmerutthā ca kubjikā /
ekavaktrā trinetrā ca aruṇā varṇavarṇitā

dvibhujā varadā devī siṃhasthābhayadāyinī /
nāgābharaṇabhūṣāṅgī khaṇḍendukṛtamastakā

sarvalokeśapāśena cārupīnaghanastanī /
sarvābharaṇasaṃśobhā lakṣaṇaiśca suśobhitā

evaṃ dhyāye kujāmātā paścimāmnāyabhairavī /
tatraiva bahubhedāsti kubjikā kulamārgagā

vibhinnā siddhināthena śrīnāthenāvatāritā /
kujeśanāthavīreṇa kujāmnāyaprakāśitā

navātmā śrīśikhānātha svacchandaḥ śrīlaliteśvaraḥ /
krameśī ca trikhaṇḍā ca mahattāri trikhaṇḍikā

triśuddhi ugracaṇḍā ca caṇḍā caṇḍakapālikā /
annapūrṇā kapālī ca jvālāmālinī kāminī

p. १४) brāhmyādyā mātaragaṇā asitāṅgādibhairavāḥ /
brāhmī māheśvarī caiva kaumārī vaiṣṇavī tathā

vārāhī caiva māhendrī cāmuṇḍā saptamī smṛtāḥ /
aṣṭamī ca mahālakṣmī etāḥ sarvatra pūjitāḥ

asitāṅgo ruruścaṇḍa krodhīśonmattakastathā /
kapālo bhīṣaṇākhyaśca saṃhāro cāṣṭamastathā

ṣaḍāmnāyaprapūjyā vai mātṛkā saha bhairavī /
gaṇeśo vaṭukaḥ kṣetrayoginīsaṅghakā smṛtā

ḍākinī bhūtavetālaceṭikāgaṇasaṃvṛtā /
ḍākinyādimahārāvā ṣaḍyoginyaḥ prakīrtitāḥ

ḍākinī rākinī ghorā lākinī kākinī tathā /
sākinī hākinī proktā yākiṇyaḥ saptadhāravaḥ

saṃsthitā devatāḥ pūjyā ca rurūpeṇa bhairavaḥ /
sadyojātaḥ sādhitā sā kubjikā cakranāyikā

aṅgirā sādhitā vidyā dakṣāya pratipāditā /
nahuṣāya tato datvā tato candrānvayāya ca

pārthivānāñca saumyānāṃ kuladevīti kīrtitāḥ /
anekasiddhidā sarvakriyāstu bahava smṛtāḥ

p. १५) durvāsārādhitā vidyā nirācālākalāśritā /
vāmamārge ratā nityā dakṣiṇā phalavarjitā

makārapañcakaiḥ pūjyānāṃ yathāphaladā bhavet /
śaucācāranirācāraniṣkalaṅkā nirāśrayā

aṇimādimahāsiddhisādhanācchīghra siddhidā /
mokṣadā bhogadā devī kubjikā kulamātṛkā

bahudhā varṇitā devī tavāgre śrīmatādiṣu /
manthānabhairavaścāsti caturviṃśamateṣu ca

// iti śrīparātantre paścimasiṃhāsanakubjikā paṭalastṛtīyaḥ

caturthaḥ paṭalaḥ
vāmadevāśritāmnāya kathayāmi tavāgrataḥ /
utrāmnāyamuttaraṃ tu kālīkulasamudbhavā

koṭikoṭiprabhedosti kālikā tīvranāyikā /
ājñāsiddhipradā devī viṣṇutejopavṛṃhitā

nārāyaṇī mahākālī jagadrakṣaṇatatparā /
kāli kālī mahākālī caṇḍayogeśvarīti ca

tiṣṭhan gacchansmarannityamucyate mahato bhayāt /
ābrahmasthā varāntā ca kālena kalayanti ca

taṃ kālaṃ kalayetkālī tataḥ sā kālikā smṛtā /
anekacakracakreśī nānābhedā mahāgamā

śakyate kālikā devyā devā brahmādayopi hi /
tathāpi leśamātraṃ tu kumārīkramataḥ śṛṇu

nīlavarṇā mahākālī trimukhā navalocanā /
pītaṃ tu dakṣiṇaṃ vaktramuttaraṃ pāvakopamam

maṇḍalānvitanetrā ca aṣṭa cāṅgī tanūdharā /
piṅgalordhvajaṭāṭopacandrārddhakṛtaśekharā

p. १७) saptaviṃśatimuṇḍaiśca raktavipluṣasaṃyutāḥ /
asthikuṃṭhalagoḍāḍhyā maulīkāpālamālinī

kiṅkiṇī naupurā rāva vīraghaṇṭāravottamā /
śivā pretasamārūḍhā mukhaśoṇitanirbharā

indrādyaḥ brahmaviṣṇuśca rudreśvarasadāśivaḥ /
pītaśyāmaraktadhūmraśvetābhā pañcakārakāḥ

vajradaṇḍaśaktiśūlakhaṣṭvāṅgāyudhadhārakāḥ /
tarjanī mukhanikṣiptā śivādhasthā trilocanā

baddhapadmāsanā devī pīnonnatapayodharā /
vāmahaste kapālañca raktapūrṇāni śobhane

dhārayantī triśūlañca saśavaṃ dakṣiṇe kare /
cakraṃ ca dakṣiṇe haste aṃkuśamudgaraṃ tathā

vāme pāśaṃ ca khaṭvāṅgamṛtavālañca dhāriṇam /
citkalā kalanātasthāṃ jyotirūpāśca kevalā

nirvāṇapadātītāṃ bhāvātītāmagocarā /
asminmūrtau mahādevyā navavaktrāṇi pūjayet

bahūni bhedarūpāṇi kālikāyā maheśvarī /
ājñāsiddhipradā nityā kaulamārgapravartakā

makākulālikāyātā viṣṇuḥ kālitvayā gatā /
yasyā prabhāvamatulaṃ varṇituṃ naiva śakyate

p. १८) durvāsā nārado vyāsavasiṣṭhaḥ kauśikastathā /
triścatuḥ pañcasaptābhādekābhātsiddhimāgatā

aṇimādyā mahāsiddhistasyāṅgasiddhayaḥ smṛtāḥ /
mokṣadā siddhidā kālī nirvāṇeśīśvarī śivā

kaivalyamekā siddhiḥ syātmahājñānaprakāśinī /
sādhakā bhairavaḥ sākṣājjarāmaraṇavarjitaḥ

dhanadasya na sā bhūti na śakrasya prajāyate /
yā bhūti sādhakasyaiva bhavettrailokyadurlabhā

pañcavaktrakramaṃ devi pañcakālyānuśāsitā /
guhyakālī mahādevī vaiṣṇavī brahmarūpiṇī

vāmadevāśritā sarvamahābhairavakoṭayaḥ /
gaṇeśavaṭuyoginyaḥ śatakoṭisahasrakā

bhūtavetālaḍākinyo ceṭakā rākṣasāḥ khagāḥ /
phenavā kākagṛdhrāśca ulūkā garuḍādakāḥ

śṛṅgālī kaṅkatī yugā nānārūpā mahābalāḥ /
āmnāyajñā vadantīha uttaraṃ tu niruttaram

// iti śrīparātantre uttarāmnāya guhyakāli paṭalaścaturthaḥ

pañcamaḥ paṭalaḥ
ūrdhvasiṃhāsanaṃ vakṣye trailokyaiśvaryasūcakam /
sarvacakreśvarī nityā sarvāmnāyaprapūjitā

sarvasiṃhāsanamayī īśānāsanasaṃsthitā /
parabrahmeśvarī māyā devī nārāyaṇī smṛtā

nidrā buddhiḥ kṣamā kṣāṃtiḥ kṣudhā lajjā smṛtirdhṛrtiḥ /
prajñā śāṃti prabhā jyoti tasyā pādāṃgulīnakhe

yasyā dṛgyānamātreṇa sākṣāllakṣmīpatirbhavet /
yasthārcākarmasuratā yasyā mārgānusāriṇī

rājarājasamo bhūtvā surarājasamopi vā /
bhuktvā tu vipulānbhogānnante nirvāṇamāpnuyāt

kadācidyoṣito bhūtvā kadācitpuruṣo bhavet /
viṣṇurūpeṇa sakalaṃ duṣṭānsarvānvināśayet

jagadvyāptāvanīmāyā mohayetsa surā'surān /
anūpārūpiṇī bhūtvā sundarī kathayāmi te

padmarāgapratīkāśaṃ kuṃkumodakasannibhām /
subhruvāṃ ca sunetrā ca sundarī cāruhāsinī

p. २०) kṛśamadhya caturbāhvī khaṇḍendukṛta śekharām /
trinetrā sarvabhūṣāṅgī cāruveśā manoramām

pāśāṃkuśekṣucāpañca pañcavāṇadhanurdharām /
brahmaviṣṇurudra-īśā pañcamaṇḍapapādukām

sadāśivākhya paryaṃṅkasaṃsthitā parameśvarī /
parāśaktī sundarīti tripureśīti gīyate

mahāmokṣapradā devī parabrahmasvarūpiṇī /
bahubhedā viśālākṣā bahurūpā prakāśinī

kāmeśvarī rudraśaktī pūrṇapīṭhāvatāriṇī /
vajreśī vaiṣṇavī nityā kāmarūpanivāsitā

śaktīśvarī bhageśī ca jālandhare pratiṣṭhitā /
brahmaśaktī samullāsapīṭhamahvaravigrahā

uḍyānapīṭhanilayā parabrahmātmikā śivā /
sarvacakreśvarī sarvapīṭheśī mantravigrahā

sarvamantreśvarī sarvadeveśi divyavigrahā /
ṣaḍāmnāyeśvarī nityā niraṃsā niḥparigrahā

nityā ṣoḍaśavidyāyā navacakre vyavasthitā /
navacakreśvarī nityā navakoṇāgratasthitāḥ

trailokyamohanaṃ cakraṃ sarvāśāparipūrakam /
sarvasaṃkṣobhaṇaṃ cakraṃ sarvasaubhagyadāyakam

p. २१) sarvārthasādhakaṃ cakraṃ sarvarakṣākaraṃ param /
sarvakāmapradaṃ cakraṃ sarvasiddhipradāyakam

sarvānandamayaṃ cakraṃ navamaṃ cakranāyikām /
sarvatadvaindave līnāṃ tacchrīcakramudāritam

tripurā tripureśī ca sundarī puravāsinī /
śrīrmālinī ca siddhāmbā mahātripurasundarī [mahātripurabhairavī]

anekadevatāvṛndalīnā cakreṣu saṃsthitā /
vaindavo ca trikoṇe ca antarāle'ṣṭakoṇake

dvidaśāre ca manvasre nāgapatreṣu sarvataḥ /
patraṣoḍaśasaṃkhyāte caturasre guṇaspṛham

rekhāyuktacaturdvāre trailokyaṃ tatra pārvati /
hiraṇyarajate tāmre maṇau patretha bhūrjake

kauśeyasthaṇḍile vāpi dṛṣṭvā tu praṇamanpriye /
sarvatīrtheṣu susnāta sarvayajñeṣu dīkṣitaḥ

sarvadaḥ sarvavitsākṣānmaheśvarasamo bhavet /
śrīcakraṃ kārayitvā tu yo dadyātsādhakāya ca

bhūcakraṃ tena dattaṃ hi saśailavanakānanam /
sa vai mahāpaśupataḥ sa vai vaiṣṇavasattamaḥ

sarvadaḥ sarvadarśī ca brahmajñānī sa vai sudhīḥ /
mahādānāni ye proktāḥ munibhiḥ brahmavādibhiḥ

p. २२) tatphalaṃ labhate nūnaṃ śrīcakrasya prabhāvataḥ /
koṭiliṅgapratiṣṭhasya yatphalaṃ samudāhṛtam

tatphalaṃ labhate nūnaṃ śrīcakrasya ca pūjanaṃ /
viṣṇoḥ koṭipratiṣṭhāyāḥ phalaṃ prāpnoti niścitaṃ

hiraṇye rajate tāmre maṇau bhūrje ca paṭṭake /
aṅkayitvā dhārayedyastu kaṃce kaṇṭhe bhujepi vā

yāni kāni ca pāpāni brahmahatyāsamāni ca /
mucyate sarvapāpebhyaḥ śrīcakrasya ca dhāraṇāt

pāpāni vilayaṃ yānti jñānājñānakṛtāni ca /
sarvaṃ saṃdahyate śīghraṃ cakrarājasya dhāraṇāt

bhūtapretapiśācairvā śvāpadairbrahmarākṣasaiḥ /
ḍākinīśākinībhirvā vīkṣituṃ naiva śakyate

mahākrūragrahairvāpi janmasthānasthitopi vā /
gocare lagnage vāpi sarvaṃ śubhagrahaṃ bhavet

akālamṛtyuṃ harati sadā sannihitā parā /
parā sannihitā yatra kiṃ kurvantyanyadevatā

śrīcakraṃ dhārayitvā tu yastu prāṇānparityajet /
kāṃkaṭenānurīkṣe vā niṣiddhe kaśmalepi vā

kṛtvā cāndrīyalaulyena pāpāni subahūnyapi /
sa kaivalyaṃ labhennūnaṃ na punarjanmabhāgbhavet

p. २३) yamadūtāḥ palāyante kṛtvā śrīcakradhāriṇam /
brahmajñānena vā mokṣaḥ kāśyāṃ vā yastanuṃ tyajet

śrīcakradhāraṇādvāpi trayo mokṣasya kāraṇam /
sarvadevagaṇāstatra sarvadharmaśca tatra vai

gaṅgādyāḥ saritaḥ sarve puṣkarādyā jalāśritāḥ /
puruṣārthamanuṣyāśca kṣetrānandavanādayaḥ

vājimedhādiyajñasya phalaṃ tvavikalaṃ bhavet /
vāmadakṣiṇayāgena sundarī dvividhā smṛtā

sundarī dvividhā proktā vāmadakṣiṇa sānalā /
acireṇa bhavedvāmaḥ sarvakāmānasaṃśayaḥ

dakṣiṇācārayāgena bhikṣūnāṃ paramā smṛtā /
tadanyācārayogena āśu siddhiphalaṃ labhet

vedoktairdakṣiṇācāraiḥ kaivalyaṃ kevalaṃ phalam /
ata eva mahādevi sākṣādbrahmasvarūpiṇī

ṣoḍaśārṇā mahādevī vācyarūpeṇa saṃsthitā /
turīyā sā mahāvidyā sākṣājjāgratsvarūpiṇī

vaktrakoṭisahasraistu jihvākoṭiśatairapi /
vaṇituṃ naiva śaknomi śrīvidyā ṣoḍaśākṣarīm

brahmavidyāsvarūpā sā bhuktimuktiphalapradā /
ekoccāraṇaṃ deveśi rājasūyasya koṭayaḥ

p. २४) ṣoḍaśārṇā mahāvidyā na prakāśyā kadācana /
vinā guruprasādena śrīvidyā ṣoḍaśākṣarī

dṛṣṭvā prajapate yastu sa bhakṣo yoginīgaṇaiḥ /
śrīguroḥ kṛpayā labdho na prakāśyā kadācana

vinā guruprasādena japennaiva kadācana /
śrīguroḥ kṛpayā labdhā sarvasaubhāgyadāyinī

sudhāsuraṅginī vegaśabdacāturyadāyinī /
saubhāgyabhāgasaṃpannā kalākuśaladāyinī

bhuvanatrayasaubhāyaṃ trailokyākarṣaṇaṃ tathā /
paraṃbrahmaṇi līnatvaṃ dadāti yaśa uttamam

ṣoḍaśārṇā mahāvidyā bhuktimuktiphalapradā /
niḥsaranti mahāvidyā visphuliṅgā yathā priye

sākṣātsaccinmayī nityā jñānamokṣapradāyinī /
mahāsaṃpatpradā vidyā sākṣādakṣararūpiṇī

ṣoḍaśārṇā mahāvidyā śrīvidyā kathitā purā /
nidhīnāṃ rakṣaṇaṃ kāryaṃ caurebhyastu yathā priye

prāṇenāpi rakṣaṇīyā śrīvidyā ṣoḍaśākṣarī /
na deyā yasya kasyāpi deyā prāṇapradāyinī

rājñarājyapradeyāni prāṇebhyo'pyadhikāya ca /
sauvarṇaṃ rājataṃ tāmraṃ śreṣṭhamadhyamathādhamaṃ

p. २५) tāmraṃ lakṣaguṇaṃ proktaṃ raupyaṃ koṭiguṇaṃ bhavet /
sauvarṇānantaphaladaṃ athāsau kiṃ bravīmi te

bālā sā prathamā vidyā tato vāgbhairavī smṛtā /
saṃpatpradā śrīpadāśca tatastripurabhairavī

bindumālinī cillekhā hṛllekhā śrīparākalā /
ṣaṭkūṭā navakūṭā ca lopāmudrā trikūṭikā

pañcamī pañcakāminyavidyā śrīkāmarājakaṃ /
ṣoḍaśārṇā mahāvidyā sā vai śrī paramā parā

parāyuktā ca prāsādaḥ śāmbhavaṃ samudāhṛtaḥ /
aṇimādyā mahāsiddhi antarāyaprakīrtitāḥ

pañcasiṃhāsanadevyāḥ mahātripurasundarī /
sākṣājjāgratsvarūpā ca vaiṣṇavī paradevatā

sarvasvarūpiṇī nityā prakṛti parameśvarī /
sarvajīvasvarūpā ca vyāpya sarvatra saṃsthitā

sivaśaktiḥ vayo nāsti pumānnastrī napuṃsakaḥ /
sarvajīvasvarūpā ca ādātmaliṅgasvarūpiṇī

sarvotpattihetubhūtā yonirityabhidhīyate /
siṃhāsanasvarūpāyā ūrdhvāmnāya mayoditam

leśamātraṃ mahādevi sākṣājjāgratsvarūpiṇī

// iti śrī parātantre śrīvidyā ūrdhvāmnāyakramaḥ paṭalaḥ pañcamaḥ

ṣaṣthaḥ paṭalaḥ
adhāmnāyaṃ śṛṇuṣva tvaṃ sāvalijinamātṛkā /
aśeṣakarmanirmāṇā kalau śīghraphalapradā

bauddhamārge nirātaṅkā nirargala nalaprabhā /
ātmāyāntarasārāṇi khyātā sā vajrayoginī

trivaktrā raktavarṇā ca nṛtyapādā śavāsanā /
trinetrā maṇḍalaṃ vrītehādābharaṇabhūṣitā

muṇḍamālāvibhūṣāṅgī vyālayajñopavītini /
vyāghracarmāmbarā devī siṃhacarmottarīyakā

/
vairocanī vajrapūrvā vajraghaṇṭā varapivā /
caturbhujā pretasaṃsthā barbarārddhaśiroruhā

kartṝkapālakhaṭvāṅgaḍamaruṃ ca dhṛtā karaiḥ /
saugatānugamā sākṣātkalau śīghraphalapradā

ihaiva phaladā nityā nāpavargaphalapradā /
saugatānugamā sarvā nānābhedasamāśritā

kālacakraṃ samvaraṃ ca hayagrīvākhya bhairavam /
yogāmbaraṃ ca kāleśaṃ sā balisaugamāśritāḥ

// iti śrīparātantre ṣaḍāmnāyabhede adhāmnāyakramaḥ paṭalaḥ
ṣaṣṭhaḥ

saptamaḥ paṭalaḥ
śrī devyuvāca
devadeva mahādeva sarvajña parameśvara /
atyadbhutamahaṃ manye kālīkramakulodbhavam

manaḥ saṃkaṃpatetīvalomaharṣaśca jāyate /
kathaṃ sā kālikā devī śatakoṭiprabhedataḥ

etadbhedatrayaṃ kvāpi na śrutaṃ parameśvara /
sarvaṃ kālikramāśritya sthite ca bhāsate manaḥ

cakreśvarī cakrabhedaṃ kā ca sarvādhikāśritā /
kramabhedakulodbhedaṃ kathaṃ pūjākramaṃ prabho

tasyārcanena deveśa labhedvā ki mahāphalam /
iha cāmutra kiṃ bhuṃkte sādhakaḥ parameśvara

kathaṃ kālī hyanālaṃbā kālaṃ vā kālaghasmarā /
nirguṇā niṣkalā nityā niraṃśeti tvayoditā

koṭibhedalakṣabhedavaktraṃ yadi na śakyate /
mukhyamārgānugā devī nāyikāṃ vada śaṅkara

yasyārcane na sakalaṃ kālikāpūjitaṃ bhavet /
eka eva parā nityā yā devī citirūpiṇī

p. २८) sarvasvarūpā sarveśī citirūpā śritā parā /
yasyāmutpadyate viśvaṃ līyate sthīyate punaḥ // ९ /
vada deva maheśāna namaste śaśiśekhara /
tāsāṃ cakreśvarī nityā kā rūpā keti saṃkhyakā

amṛtasyaiva pānena yathā tṛpyantu devatā /
nāyikāṃ kramabhedañca śrutvā tṛpyāmi puṣkalaḥ

vada khedo na te deva sarvajña sarva sarvadā

śrīsadāśiva uvāca
brahmāṇḍakoṭilakṣāṇi bhasma sā kurute yasā /
tāṃ kālagrāsarasanāṃ kālasaṃkarṣiṇīṃ namaḥ

yasyā krīḍārthamakhilaṃ brahmāṇḍaṃ kandukāyate /
tāṃ kālagrāsanaratāṃ kālasaṃkarṣiṇīṃ namaḥ

śṛṇu devi pravakṣyāmi yattvayā manupṛcchate /
ekā eva parāśaktiḥ bahubhedaprakāśinī

nityā niraṃśā sā devī brahmasatyaprakāśinī /
vaktrakoṭisahasraistu jihvā koṭiśatairapi

varṇituṃ naiva śaknoti śatābdenāpi sundari /
pañcavaktreṇa jihvābhiḥ pañcabhiḥ parameśvari

lakṣakoṭiprabhedeṣu daśamātraṃ vadāmi te /
kālikā kramabhedeṣu yā śreṣṭhā mokṣadāyinī

p. २९) tāni te kathayiṣyāmi kramapañcavinirṇayam /
paraṃbrahmamayī nityā sākṣājjāgratsvarūpiṇī

nirlepā nirguṇā nityā guṇaiḥ saṃkrīḍate jagat /
na pumānna striyaḥ sākṣānna ṣaṇḍhaḥ prākṛto na ca

avyaktarūpā paramā jāgradguṇaguṇālakā /
pṛthivī vāyurāpogni khaṃ pañcabhūtasanmatā

tasyā rūpamidaṃ sṛṣṭyarthaṃ sṛjate guṇaiḥ /
dhāraṇī paramā devī dharaṇyādiśivāntayā

pṛthutvātpṛthivītyutkātataḥ sarvaṃ mahāhyabhūt /
sarvajīvaṃ prāṇayantī sarvatra caraṇakṣamaḥ

sama sarvatra pratyāyurguṇairvāyoḥ samārpitaḥ /
caturvidhaṃ jīvanācca jagatsthāvarajaṅgamam

jalaiḥ samuddhayatsarvaṃ tadguṇaṃ sā jalotthitam /
dahatyagni jagatsarvaṃ sa madhyaṃ madhyameva vā

tejasā prajvalanneva tejā sāsyā samāśritā /
vyāpakatvānmahatvācca niraṃśatvādguṇāśrayāt

ākāśa hyarpitā devyāḥ sarva saṃdhāryate guṇāḥ /
mahāsaubhāgyajananī mahāsārasvatapradā

mahāsaundarya śubhagā mahāmṛtyuvināśinī /
brahmaviṣṇusurendrādivanditāyaughahāriṇī

p. ३०) sarvatīrthamayī devī sarvadharmamayī śivā /
sarvakṣetramayī puṇyā sarvakāryārthasādhinī

mahābhogapradā śāntā mahāmokṣaphalapradā /
yasyā prabhāvato devī sarvaśuddhyati nānyathā

vāmācāraratā vāpi dakṣiṇācārakṛdbhavet /
nirācārāpi sācārā pāpo dharma na vidyate

kimācāravicāreṇa yadi kālyārcane rataḥ /
vinācāravicāreṇa yadi kālyā na dīkṣitā

nirācārā kriyā sarvā sācārā kriyate ya sā /
svecchātra bhakṣaniyamo nirāhārasamasmṛtam

kālīnāmākṣarapadaṃ japanyāvāni naśyate /
mahāpātakakoṭīni līlayaiva vinaśyate

dahyate sarvapāpāni tūlarāśimivānalaḥ /
cakroddhāraṃ pravakṣyāmi śṛṇuṣvaikamanā śive

bindu trikoṇa pañcāranavakoṇa punarlikhet /
aṣṭāraṃ cāṣṭadalakaṃ daśadvādaśakaṃ tathā

ṣoḍaśaṃ dala saṃlikhya muṇḍaprākāra saṃlikhet /
catuḥpañcāśakaṃ devī kavadha samudāhṛtam

triśūlāgra muṇḍamālā catuḥpañcāśakaṃ priye /
aṣṭadikṣu śmaśānāṣṭa vilikhetkāmadāyakam

p. ३१) jvalitāgnodak ca śavaṃ śṛgālolūkabhairavam /
kākavetāla caityañca liṅgaṃ cāṣṭaśmaśānake

citāṣṭadikṣu pralikhya mahāpātakanāśanam /
hiraṇyaṃ rajate tāmre maṇau vāpi ca ṭaṅkite

candanāgaru karpūranābhikāśmīra sinduraiḥ /
raktacandanayuktena hetunā ghṛṣṭayetsudhīḥ

bhājane lepayettena likheddhemaśalākayā /
ṛjurekhā surekhena ramyadṛṣṭimanoharam

pratimāyāṃ paṭe vāpi sthaṇḍile pustake hṛdi /
khaḍge vāpi triśūle vā mahāpātre'thavā striyām

ete navasu vai pūjyā navayoniparā priyā /
divāyāṃ brahmacarye vai maṅgalāyāḥ prapūjayet

rātrau yathecchayā pūjyā kālikā kulaśāsinī /
kūṭastha prakṛti svāmbā līlā bhuvanapāvanī

vṛhadvṛhadvatiproktā reṇvādapi mahāmanu /
arūpāyāṃ tu vakṣyāmi rūpamavyaktarūpiṇīm

vinā dhyānena vai pūjā sakalāpyakalā smṛtā /
tasmātsādhaka siddhyarthaṃ dhyānayogaṃ vadāmi te

pitāmahena devena māṃ samārādhya prārthitaḥ /
tuṣṭena vai mayā prādādbrahmaṇe lokasarjane

p. ३२) brahmaṇāpi pulastyāya dattaṃ kālikulakramam /
tena viśvavase prādādviśravā dhanadāya ca

tato laṅkādhipāḥ sarve vaṃśāḥ kālikramānugāḥ /
daśāsyaṃ kumbhakarṇaṃ ca vibhīṣaṇamahendrajīt

hiraṇyakaśipurvāṇo valirjālandharastathā /
ambarīṣorddhamāndhātā nahuṣo haihayādayaḥ

nāradādyā munigaṇo durvāsā gādhinandanaḥ /
virūpākṣādayaḥ siddhā remire svecchayā mudā

tasyā prasādaleśena trailokyavijayo bhavet /
brahmaṇā preritaḥ paścāllaṃkeśvaravadhāya ca

viśvāmitravasiṣṭhābhyāṃ rāghavāya pradattavān /
sūrayūtīratīrthe vai daśonāhṛcchatākṣarī

triśatākṣari mantre vai trilokyaiśvaryadāyinī /
daśavarṇā mayā devī gopitāḥ yatnataḥ purā

yadi pūrṇā bhave devi mantraṃ vai triśatākṣarīm /
yo jānāti sa puṇyātmā bhairavohaṃ na saṃśayaḥ

mantramāteti vikhyātā trailokyaiśvaryadāyakaṃ /
samastamantrajananī sarvamantrapravṛṃhiṇī

bahudhā varṇitaṃ mantramātā sarvapradāyinī /
tyaṅgirā mahākālī mokṣasaukhyapradāyinī

p. ३३) nānayā sadṛśī vidyā vidyate bhuvanodare /
rājyadā dhanadā mokṣadātṛ kaivalyadāyinī

tenāstave ca rāmeṇa rāvaṇo vinipātitaḥ /
ādyā kālī kramaṃ pañca ekā sā pañcadhā gatā

kālī kulasamudbhava purastanāvatāritā /
kumārī trimukhā kālī navakākṣarā sthitā

ādyā yā sṛṣṭikālī ca dvitīyā sthitikālikā /
saṃhārakālikā ugrā tṛtīyā divyarūpiṇī

anākhyā kālikā devī caturthayemāśritā /
bhāṣākālī pañcamī tu advaitabhāvamāsthitā

abhinnarūpāstā sarvā guhyakālītanau śritā /
tathā tanau tathā pādā śarīrāvayavāṅgeṣu

śarīrāvayavā vakrā bāhvādīnāśanaṃ dikām /
pañcakālī mahāgrāsā ekā sā bhinnarūpiṇī

ātmā vaiśvarabhūtā yā guhyakālī prakīrtitā /
tāsāṃ dhyānaṃ pravakṣyāmi śṛṇu pāpatayāpaham

atha vakṣye mahādevyā dhyānayogamanuttamam /
yogavijñānamātreṇa sādhakaḥ siddhibhāgbhavet

nīlotpaladalaśyāmā nīlaratnā vinirmitā /
jñānalakṣmīcchaṭāṭopajyotirmaṇḍalasaṃbhavā

p. ३४) daśavaktrā mahākālī saptaviṃśatilācanā /
aṣṭottaraśatārddhaṃ ca bhujādaṇḍai narānanā

dīpakaṃ ūrddhakaṃ vaktraṃ caṇḍayogeśvarī matam /
jyotirmayamahāvaktraṃ nirvāṇapadadāyinī

tadadhaḥ siṃhavadanaṃ śvetavarṇaṃ subhāsvaram /
pheruvaktraṃ ca tadadhaḥ kṛṣṇaṃ trailokyaḍāmaram

kapīndrasya mukhaṃ vāme raktavarṇaṃ maholvaṇam /
kolavaktraṃ bhaveddakṣaṃ dhūmravarṇaṃ bhayānakam

tārkṣyavaktraṃ ca vāmañca piṃgavarṇasacuñcukam /
dakṣiṇe makarāsyaṃ ca haritābhaṃ prakīrtitam

gajāsyaṃ vāmake proktaṃ gauravarṇaṃ maholvaṇam /
hayāsyaṃ dakṣiṇe kālyā śyāmavarṇaṃ vicintayet

sarvadaṃṣṭrā karālā ca trinetrā bhīmanādinī /
bhrabhaṅgakuṭilā bhīmā kālāsya śrīmukhottamā

piṅgalordhvajaṭāṭopacandrārddhakṛtaśekharā /
nānāratnaiśca ghaṭikā śvetakādyālimālinī

saptaviṃśatimuṇḍaiśca raktavipluṣasaṃyutā /
vajrāṇi puṣpasaṃyuktaṃ śiromālā prakīrtitāḥ

cidratnavaṭikā kādyaṃ khaḍgapāśaṃ ca śaktikam /
khaṭvāṅgamuṇḍadhanuṣaṃ cakraṃ ghaṇṭā ca susvanaḥ

p. ३५) vālapretañca śailañca kaṅkālanakulaṃ tathā /
sarpaṃ ca kuṭṭanīvaṃśaṣaḍamraṃ ovikā punaḥ

vahnipātrañca daṇḍañca sruvamaṣṭādakeśarī /
vastramudgaraḍamaruṃ vibhratī vāṇabāhubhiḥ

cidratnavaṭikākartṛtarjanyaṃ kuśadaṇḍakam /
ratnapūrṇaṃ ca kalaśaṃ triśūlaṃ duṣṭanāśanam

pañcapaśupatā vāṇaṃ padmadvīpamanāgatam /
kuntañca pāṇijātañca phaṇikā tomaraṃ tathā

puṣpamālā ḍiṇḍimaṃ ca gṛddhaṃ svastikavarddhanī /
kamaṇḍaluśruvāñcaiva paśupuṣṭibhayāpaham

nandyāvartaṃ kuṇḍalaṃ ca māṃsakhaṇḍasuśobhanam /
vījapūraphalaṃ śūcī vibhratī dakṣabāhubhiḥ

vyāghracarmaparīdhānāṃ kālacarmottarīyakām /
kiṃkiṇījālaśobhāḍhyāṃ vīraghaṇṭāninādinīm

naupurārāvanirghoṣā ghargharārāvabhīṣaṇā /
kanakāṅgadakeyūrā mahāsthikṛtaśobhanā

muṇḍamālā gale devyā āpādāntavilambinī /
raktapadmamayīmālāṃ śuṣkakādyalikāstathā

kāñcīkaṭṭārakopetāṃ kaṭi devyā virājitāṃ /
brahmasūtrojvalatkaṇṭhādyogapaṭṭottarīyakā

p. ३६) saumyāgrabhūṣaṇairyuktā nāgarājādyalaṃkṛtā /
raktakuṇḍalakarṇa/śrī pañcakālāsanasthitā

śivāsanaṃ tadūrdhvaṃ ca nīlaṃ nādordhvalāṃchanam /
mahārgharatnamāṃsañca kṛṣṇavarṇaṃ caturbhujam

ekavaktraṃ trinayanaṃ bhairavābharaṇānvitam /
kartṛkapālahastaṃ ca ḍamarukhaṭvāṅgadhāriṇam

evaṃ bhairavapīṭhantu devyā āsanamuttamam /
pañcapretaṃ ca tadadhaḥ brahmādyāḥ pañcakāraṇāḥ

brahmā viṣṇuśca rudraśca īśvaraśca sadāśivaḥ /
pītaśyāmaṃ raktadhūmraṃ śvetābhāvaṃ ca kāraṇāḥ

daṇḍacakraśaktiśūlakhaṭvāṅgāyudhadhārakāḥ /
tarjanīmukhaniḥkṣiptā śivadhasthā trilocanā

piṅgaraktatriguṇyābhihetutkāraṇabhīṣaṇā /
vajradaṃṣṭrā nakhasparśā padmapṛṣṭhe śivottamā

śacīpatyādirantaṃ ca digavarṇaṃ savarṇakam /
indraṃ pītābhavajraṃ ca vahniṃ raktaṃ saśaktikam

yamaṃ kṛṣṇaṃ ca daṃḍaṃ ca dhūmraṃ nairṛtyakhaḍgakam /
varuṇaṃ pāśaśubhrāsya vāyuḥ śyāmāṃkuśadhvajam

kuveraṃ kuṃkumagadāṃ śubhramīśānaśūlakam /
digaṣṭapataye jñeyamāsanaṃ parikīrtitam

p. ३७) śuklaṃ kṛtayugaṃ jñeyaṃ pītaṃ tretāyugaṃ smṛtam /
dvāparaṃ cāruṇaṃ varṇaṃ śyāmaṃ caiva kali smṛtam

ṛgvedaṃ śuklavarṇaṃ ca yajurvedaṃ suvarṇavat /
sāmaṃ raktamiti khyātaṃ kṛṣṇātharvaṇamucyate

upavedastathā varṇā navamāsanamucyate /
sahasrasūryajvālāgramāsanaṃ parikīrtitam

padmoparisthitā devī nṛtyamānā sadoditā /
athavā sukha cāsīnaṃ sarvadevādhiyantritā

sahasrasūryapratibhāṃ durnirākṣā durāsadām /
sarvadevāśrayī nityā mālinī jayamaṅgalā

muktahū/kārajihvāgralālayantaṃ viciṃtayet /
pratyālīḍhapadā vāpi nṛtyamānāpi ca smaret

sarvamantramayī dhīrā sarvalakṣmī jayesvirā /
evaṃ dhyāyā mahākālīmabhīnna navayauvanā

bhāsākramasya madhyasthā cakreśī parameśvarī /
paṃcakālī prabhedāstu viśeṣaṃ śṛṇu pārvati

navavaktrā mahākālī saptaviṃśatilocanā /
ūrdhvaṃ jyotirmayaṃ vaktraṃ caṇḍayogeśvarībhidhām

cidratnavaṭikā mudrā mūlyadevyāstu eva sā /
vaktraikaratnamudrāṃ ca vihīnā paṃcakālikā

p. ३८) vaktraṃ śastraṃ bhujaṃ mālāmāsanāni kramāṇi ca /
bhūṣaṇādīni varṇāni yathā śrīguhyakālikā

sṛṣṭisthitī ca saṃhāra anākhyāyāṃ maheśvari /
bhāṣākālyā tulyarūpā viśeṣaṃ sa ca tān śṛṇu

viśeṣikā viśeṣeṇa tadvakṣyāmi krameṇa tu /
nīlajīmūtasaṃkāśā navavaktrā maheśvarī

pūrvoktadhyānarāje tu tulyā cānyā maheśvarī /
baddhapadmāsanā devī pīnonnatapayodharā

jihvāgrena vāma daṃṣṭrāṃ darśayantīṃ tribhaṅgikām /
madaghūrṇitadīrghākṣī dhyānalocanatatparā

cidratnavatikāhyajyā varadābhayapāṇinī /
tarjanyagre sthitaṃ vajraṃ mūrtiṃ jvalanasaprabhām

raśmidvādaśasaṃyuktāmanākṣeśīṃ smaretsadā /
saṃhāracakramadhyasthaṃ nirmāṃsā koṭarāṃbikām

pratyālīḍhapadā devī dantoṣṭhapṛṣṭhapiḍiṃkā /
lelihānā lalajjihvā muktahūṃkārarāviṇī

varadānaṃ parītyakṣe vitrāṇāmajakeśarī /
daśaśaktisamāyuktāṃ viśvasaṃhārakāriṇī

sthitikramasya madhyasthā īṣatprahasitānanā /
kharvā lambodarī devī rājalīnāsanasthitām

p. ३९) ajakṛṣṇo parityajya brahmakaṃkālavallabhām /
vādayaṃtī mahākālī sthitisthāṃ ṣoḍaśātmikām

sṛṣṭikramasya madhyasthāṃ aṭṭahāsasamanvitām /
ūrdhvā samayada cārulalitā tanuvigrahā

vihāya brahmavīṇāñca vibhratī candrabhāskarau /
yonipaṃcakamadhyasthāṃ dhyāyetsṛṣṭyaikahetave

anākhyācakramadhyasthā bhāsādevī jaganmayī /
sarvā kālīsṛtā devī ṣoḍaśāre pratiṣṭhitā

candrasūryoparibhyujyā mañjīradvayadhāriṇī /
jagadbhāsayate bhāsākālī viṣṇusamudbhavā

bālā kumārī yā kālī sarvā saṃsṛtarūpiṇī /
trimukhāṣṭabhujā devī kapālamālasaṃyutā

pibantu rudhiraṃ divyaṃ kṛṣṇavarṇā trilocanam /
pāśāṃkuśavajraśūlaṃ khaṭvāṅgaṃ mudgaraṃ tathā

mṛtabālamuṃḍahastaṃ kapālaṃ raktapūritam /
evaṃ dhyātvā mahādevī nānābhogaphalapradā

etadeva hi bhedoyaṃ pañcakārasya kāraṇam /
tataḥ samastarūpāṇi kālikākramodbhavā

vidhivatpūjayennityaṃ vidhilopaṃ na kārayet /
yathā guropatiṣṭhantu tadeva vratamācaret

p. ४०) devatāmantrarūpāṇi gurureva na saṃśayaḥ /
śive ruṣṭe guru trātā guru ruṣṭe na kaścana

gurureva sadā pūjyo kālikātuṣṭihetave /
andhe tamasi saṃmagna gurureva parāṃ gatiḥ

bandhuputrasahasreṣu mātuḥ pitu śateṣvapi /
etebhyo gauravatvācca gururityabhidhīyate

brahmahatyādipāpānāṃ niṣkṛtiḥ samudāhṛtam /
gurudrohikṛtānāṃ tu niṣkṛtirnāsti pārvati

gurośca devatāyāśca dvaitabhāvaṃ na kārayet /
svātmavikriyato vāpi gurureva prapūjayet

guru tuṣṭe jagattuṣṭāvityājñā parameśvarī /
na mātā na pitā putra trātā bandhu suhṛnnṛpa

/
gurorgurutaraṃ devi na kuryāttribhi sarvathā /
yasya prasādājjānīyā trailokyaṃ sacarācaraṃ

na toṣito gururyena tasya syānniṣphalakriyā /
yasya vaktrādviniryātā devī śabdamayī parā

na guruṃ vaṃcayecchiṣyaiḥ prāṇaiḥ kaṇṭhagatairapi /
devatā mantrasakalaṃ laghinaṃ tena bhairavaḥ

gurudaivatamantrāṇi manāgbhedaṃ na kārayet /
bhedena nirayaṃ yāti samūlaṃ vinihanti vai

p. ४१) guruṃ saṃtoṣayedyatnaiḥ svaprāṇenāpi śraddhayā /
dvīpakasyaiva vetālaparigatimavāpnuyāt

guru saṃtoṣito yena rakṣitaṃ bhuvanatrayam /
nātaḥ parataraṃ kiñcidgururatyadhikaṃ priye

aśarīrā varṇarūpā brahmāṇḍavyāpinī śive /
piṇḍadānādisaṃskāraṃ yathā pitrostathā guroḥ

akṛtvā naraṃ yāti ṣaṣṭhivarṣaśatādhikam /
śarīradā pitā devi jñānadā gurureva ca

gurorgurutaraṃ nāsti saṃsāre duḥkhasāgare /
yasya vaktrādviniryātā varṇabrahmamayaṃ vapuḥ

tarayannātra sandeho narakāvarṇavato dhruvam /
ahohaṃ saṃpravakṣyāmi sāraṃ sarvārthakāmadam

ekākṣarī navākṣarīñca ṣoḍaśākṣari vāruṇi /
catuḥpaṃcāśavarṇaṃ ca śatākṣarī viśeṣataḥ

dviśatākṣarī mantrañca daśonā triśatākṣarī /
sahasrākṣari deveśi prāṇabhūtāstu kālikā

mantroddhāraṃ
ambaraṃ paramaṃ vahni āpaṃca dharaṇī tathā /
rāvaṇī nāma sā vidyā mokṣadā bhuktidā priye

ekākṣarī parā vidyā bhogamokṣapradā smṛtā /
śivaśaktīsamāyogo bhavedatra ca pārvati

p. ४२) mahākuṃḍalinīṃ devī mahārāvaṇipūjitā /
vahniṃ śivākṣaro nāṃ ca varuṇam

śikhī ca madhuhā yuktā kālī prāṇamudāhṛtam /
khphreṃmātmikā likhya mahācaṇḍamanālikhet

yogeśvarīpadaṃ datvā vidyeyaṃ sā navākṣarī /
ṣoḍaśākṣari yā vidyā prāṇabhūtāśca tāṃ śṛṇu

yasyopadeśamātreṇa brahmabhūyāya kalpate /
tripadaṃ tu samoddhṛtya mahārāvaṃ tato likhet

niśāmādhavasaṃyuktaṃ jñeyaṃ tridaśavandite /
satyārūḍhe sāsvataśca tuṣṭinā kavalīkṛtam

satyamatyā samārūḍhā sūkṣmeśakavalīkṛtā /
tataścakrī jāṭharaṃ ca nārāyaṇasamanvitam

mādhavena samāyukto valānuja punarlikhet /
māyā caṃḍī kūrcarakṣā mahārāva punarlikhet

natiṃ niyojayeddevi śiramantraṃ samuccaret /
varṇaṣoḍaśamākhyātaṃ mantraṃrājamudāhṛtam

paṃcapiṃḍāgrato datvā mahāśabdaśaśī bhavet /
anādi mahāmantraṃ varṇarājamudāhṛtam

śatākṣaraṃ mantrarājaṃ tathā paṃcaśatākṣaram /
paṃcākṣaramādimantraṃ tathāṣṭākṣaramantrakam

p. ४३) daśonā triśatā vidyā mahāmantra udāhṛtam /
dviśataṃ tu mahādevī navatyadhikasuprabhe

śiveṣṭaheto hi purā sahasrākṣaramālikā /
ekebhyarataraṃ devi kulācārakrame vidhiḥ

paraṃbrahmasvarūpaṃ tu nādabindukalātmikā /
sakalārṇavamadhyasthā sakalārṇavarūpiṇī

śrīguroḥ kṛpayā devī saṃpradāyakramāgatam /
labhyate yadi bhāgyena konya dhanyataro bhuvi

manuṣyavapurāchannā saśiro nātra saṃśayaḥ /
varṇituṃ naiva śaknomi kālikāyā kulakramam

varṇaṣoḍaśakaṃ vidyā rājyadā prāṇadā smṛtā /
mahāsaukhyapradā śāṃtā sā kālī prāṇadāyinī

vaikharī yānyabhādatvādaśaktā guṇavarṇane /
brahmavidyāsvarūpā sā bhuktimuktiphalapradā

ekoccāreṇa deveśi vājapeyasya koṭayaḥ /
aśvamedhasahasrāṇi prādanyabhuvanastathā

prayāge snānajaṃ puṇyaṃ makarasthe divākare /
tasya śataguṇaṃ proktaṃ kālikā vidhinācaret

p. ४४) caturāśramya yatpuṇyaṃ krameṇa parisevitam /
yat puṇyaṃ varṇadharmasya tat puṇyaṃ kālikārcanāt

kāśyāditīrthayātrāṃ ca sārddhakoṭitrayānvitam /
tulanāyāti deveśi satyaṃ satyaṃ na saṃśayaḥ

lakṣajāpena deveśi kiṃ punaḥ siddhibhāgbhavet /
yasyā sāmarthato devyā bhuvanāni caturdaśam

abhavatparameśāni teṣāṃ kāraṇarūpiṇī /
puraścaryā kṛtā yena teṣāṃ vidyā phalāṅgamam

akṛtvā tu puraścaryā na mantro phalado bhavet /
brahmāṇḍakoṭijananī mahāmokṣapradāyinī

niḥsaranti mahāmantro visphuliṅgā yathā priyā /
agre sakāśādbahavo bhedā vidyā prakāśitā

praṇavā sarvamutpannā parabrahmamayī tu sā /
māyāhartārakṣitā ca nānyā tu bhavaneśvari

nānāmnāyasvarūpeṇa nānārūpeṇa māyayā /
mohayantī jagatsarvaṃ putrapautrapravarddhinīm

strīpuṃbhāvena satataṃ granthitaṃ kāmasūtrake /
sarvaṃtra vyāpinī cāpi brahmasthānanivāsinī

p. ४५) saubhāgyavandhagrahaṇā viśvayonīritīritaḥ /
caturvāṅmayaniṣṭheyaṃ trailokyavaśakāriṇī

sākṣātsaṃvinmayī devīrūpiṇī bhogyadāyinī /
mahāsaṃpatpradā nityā sākṣādakṣararūpiṇī

ṣoḍaśākṣararūpeṇa viśvaṃ vyāpya vyavasthitā /
navākṣarī mahāvidyā paṃca cāṣṭākṣarī tathā

ekākṣarī daśārṇā ca śatārṇā ca sahasrakam /
eteṣu mantravargeṣu viśvaṃ vyāpya vyavasthitā

caturvedeṣu yatsāraṃ tadaṅgeṣu ca yatsmṛtam /
purāṇe smṛtisāreṣu yastu sāratamaṃ mahat

tatsarvebhyo'dhikaṃ sāraṃ sārātsārataraṃ param /
navanītaṃ yathā dadhrāsāroddhṛtaghṛtaṃ bhavet

tadevamamṛtaṃ nāma devānāṃ prāṇadhāraṇam /
tathā samastaśāstreṣu vede tantreṣu cājñayā

uddhṛtya sarvasārebhyo brahmaṇe pratipāditā /
brahmaṇopi vasiṣṭhāya vasiṣṭho rāghavāya ca

dattaṃ sarvātmane tena tato martyāvatāritā /
advaitādividhā kṛtvā muninā jñānadṛṣṭinā

darśenātri śatākṣaryā mantravīryā prakāśitā /
saumyasiddhikṛtānena devī pratyaṅgirābhidhā

p. ४६) nāradānumatenaiva saṃjñā devyā dvidhā kṛtā /
nidhānaniva caurebhyo rakṣaṇīyo prayatnataḥ

na deyā yasya kasyāpi deyā prāṇapradāyine /
nirmalāya praśāntāya prāṇebhyopi priyāya ca

jñānaniṣṭhāya dātavyaṃ sārametanmaheśvari

// iti śrīmahāśrotaśiraśchede karavīrayoge parātantre krame
dvādaśasāhasrikāyāṃ kālikramanirṇayasūtraṃ saptama paṭalaḥ

aṣṭamaḥ paṭalaḥ
śrī devyuvāca
namo devādhidevāya sarvajñāya mahātmane /
sṛṣṭisthityantakartre ca sarvavyāpi namostu te

jaya deva jagannātha kiṃcinpraṣṭuṃ mama prabho /
mano me taralaṃ jāto bhayā vaktuṃ na cātmahe

prasīda parameśāna saṃśayaṃ chettumarhasi

śrīsadāśiva uvāca
mā śaṃkāṃ kuru deveśi tvadanyo nāsti matpriyā /
niḥśaṅkaṃ svecchayā devi pṛccheyaṃ hṛdi vāñchitam

yaṃ yaṃ tvaṃ saṃśayo devi taṃ taṃ pṛccha yathecchayā

śrīdevyuvāca
namastubhyaṃ namastubhyaṃ namastubhyaṃ maheśvara /
cidrūpiṇī parādevī kālikātvaṃ gatā yadā

kasmāddvaidhagatā deva nāradānumatena ca /
sarvāgamavidaḥ śūraḥ sādhakānāṃ varo muniḥ

kiṃ bhedaṃ vai cakārātha śivaṣṭanārado purā

p. ४८) śrīsadāśiva uvāca
dhanyāsi kṛtakṛtyāsi śrotuṃ jānāsi tatvataḥ /
etatsūkṣmāni bhedena punaḥ śrotuṃ matistava

jātā paramikā buddhi namaste parameśvari /
saptādaśākṣarī vidyā vidyāyāḥ paramā kalā

khaṃḍasya khaṃḍinī khaṃḍakhaṃḍakhaṃḍāṇḍakhaṇḍinī /
khaṃḍacakragatā kālī vidyā saptadaśākṣarī

phaṇīrūpasya kārasya akulā bindubhakṣiṇī /
tṛdhārānuhatā lakṣmī vidyā saptadaśī smṛtā

akulākulamadhyasthā kalāsthā akalā kalā /
akalā paramānandā siddhi saptadaśākṣarī

rāvasthaṃ rāvamadhyasthaṃ rāvarāvaniyojitā /
rāvalīrāvalā jñeyā mahāsaptādaśākṣarī

kāntagādicchāntajātaṃ mahāhallola hūṃkṛtam /
rāvarālakalākrāntaṃ etāḥ saptadaśī kalā

akṣarākṣarayogena kāli śabdena yasthitā /
yogeśvarīpadaṃ nāsti vidyā saptadaśākṣarī

hahahāhahalalīnī vilīnī hahane hasā /
hānā dānāpadairlīnā vidyā saptadaśākṣarī

evaṃ saptadaśaṃ varṇaṃ varṇīyaṃ parameśvarī /
kramasarvāturaṃ tīvraṃ nirguṇaṃ parameśvarīm

p. ४९) śatadvayaṃ tu varṇena navatyadhikakīrtitam /
triguṇai rahitā vidyā trikhaṇḍā parikīrtitāḥ

navaṣoḍaśavarṇānāṃ bhedo nātra ca vidyate /
anayā vidyayā devī janmamṛtyu vihāya ca

nāradādyā muniśreṣṭhā yoginaḥ kapilādayaḥ /
trilokavijayī bhūtvā svecchayā vicaranti vai

avyāhatagatiḥ prāptatrikālajño bhavasvatā /
śoṇitākhye pure devi hariṇaṃ karavigraham

nāradena munīndreṇa kṛṣṇāya saṃpradattavān /
hariṇālaṃbhanāsteṣu prayojya haramohitaḥ

vāsudevopi pārthāya rakṣārthaṃ pradadau purā /
bhṛgopabhuktapuṣpendu śivayogyaṃ yathā bhavet

tadvannirakṣaraṃ vastu akṣarairapi saṃyutā /
noddhāraṃ lekhayeddevī sākṣādvarṇeśvarī parā

śāpo bhavati vai nūnaṃ mantrahāni prajāyate /
vimukhā bhavate kālī pāpānāmāśrayo bhavet

karṇe karṇe tu deveśi hṛdistha kuru sarvadā /
guruvaktrādiniṣkrāntā śrotamārge hṛdi sthitā

udake likhitaṃ yadvanmantroddhāraṃ tathā bhavet /
bhogamokṣapradāṃ vidyāṃ pustake naiva lekhayet

p. ५०) samvatsarakṛtāvāse jñātvā karma śubhāśubham /
tato mantropadeṣṭavyā yadyātmaśubhamicchati

aparīkṣitaśiṣyāya yastu mantraṃ prayacchati /
niraye nirataṃ vāso bhaviṣyati sudāruṇe

tasmātsarvaprayatnena na prakāśyaṃ kadācana /
āstikabuddhi yasyāsti tasmai devī prasīdati

śaṅkā yā jāyate tāni śaṅkāyā duḥkhabhājanam /
śaṅkāyā siddhihāniḥ syānnirvikalpaṃ samāśrayet

kartavyaṃ cāpyakartavyaṃ naiva tatra vicārayet /
mayāpi vuṣṇunā sārddhaṃ brahmaṇā munibhiḥ saha

ekapātraṃ gṛhītvā tu nirvikalpaṃ yathāśritā /
devagandharvadaityādīnrakṣapannagamānavāḥ

saptadhātubhiḥ saṃklinnairmalamūtrāśravāvahaiḥ /
teṣāṃ kiṃ tadvicāreṇa nirvikalpaṃ samācaret

sūryodaye kiṃ tamasi tiṣṭhantī bhuvanādayaḥ /
tathā devyāḥ prabhāveṇa kimācāra vicārayet

kiṃ bahūktena deveśi gopanīyaṃ prayatnataḥ /
sarvasiddhiṃ maheśāni gopanīyaṃ prayatnataḥ

prakaṭe mṛtyumāpnoti siddhihāniśca jāyate /
yasminmantre yadācāra tatra dharmastu tādṛśaḥ

p. ५१) kṛtārthastu na jāyet svargaṃ vā mokṣameva vā /
nādharmo naiva pāpādi jāyate tatmeva ca

kiṃ ca dharmoṃ mahānvāpi puṇyarāśi pravarddhate /
śaktau sarvasamutpannaṃ yatkiñcijjagatīgatam

tasmācchuddhamaśuddhaṃ vā śaktibrahmasvarūpakam /
sarvavedavido vipra sadācāreṇa suvrata

cāṇḍālatve pare pāpe hyātmā sarvatra vettate /
ātmā brahma vijānīhi bhrāntijñānaṃ parityajet

jñānameva paraṃ tatvaṃ tasmājjñānaṃ samāśraya /
jñānamārgeṇa sakalaṃ vikalpaṃ parivarjayet

savikalpo mahādoṣa pāpabhāk jāyate dhruvam /
śivaśaktīmayaṃ dehaṃ rajaḥ śukraṃ prajāyate

paraṃ brahmaṇi saṃlīno parā vācyā pareśvari /
nīrājyamadhumaireyai dravyabhedā bhavanti hi

sarvajñatva varārohe yajñadoṣo na vidyate /
aśvamedhamahāyajñe vājihatyā kathaṃ bhavet

jalaṃ kṣīraṃ ghṛtaṃ caiva madhumaireyamaikṣavam /
pauṣyaṃ tarubhavaṃ dhānyaṃ saṃbhavaṃ takranirmitam

saha---rabhavaṃ caiva vividhabahubhedataḥ /
ajñānaiḥ saṃskṛtaṃ sadyo mahāpātakakṛdbhavet

p. ५२) brahmahatyā surāpāna svarṇasteyādipātakāt /
pūjanādeva nirvartya nirvikalpa samantravit

jalaṃ jalacaraṃ sarvaṃ ghaṭapūrṇaṃ samānaya /
sthāpite dinasaptāhe jalaṃ jīvasamanvitam

anāmiṣaṃ nāsti kiṃcitsarvakṣīrādikaṃ priye /
samavṛkṣasamā vahnistathā sundari tiṣṭhati

sarvabhūteṣu vijñānaṃ jñātavyaṃ deśikottamaiḥ /
kāṣṭhādimathanāddevī prakaṭā brahmarucyate

tatkāṣṭhaṃ dahyate tena tena brahmamayaṃ jagat /
dharmādharmaparityāgātsakalopi paratra ca

vigatastrīrajaṃ vāpi ye cāsti sakalaṃ priye /
vicārayetsvamūtrādi bhrāntireva hi kāraṇam

annaṃ brahma vijānīyāttena yasya samudbhavam /
nānājīvāśrayaṃ tattu purīṣaṃ kena duṣyate

gomūtraṃ prāśanaṃ devi gomayasyāpi bhakṣaṇam /
prāyaścitteṣu kathitaṃ brahmahatyādimocane

malamūtreṣu ye bhrānti doṣa eva na saṃśayaḥ /
strīrajaḥ parameśāni dehastenaiva jāyate

kalpitaṃ dūṣitaṃ tena prāpyate paramaṃ padam /
puruṣasya tu bījaṃ tu vindurityabhidhīyate

p. ५३) bindustu parameśāni kāyoyaṃ śivarūpadhṛk /
śivatatvena śāsthādidūṣaṇaṃ nāsti vai tadā

sūtaḥ pavitraṃ dehasya kāraṇaṃ kena rāyudyate /
jñānamārgeṇa sakalaṃ nirvikalpasya sundari

vikalpasya maheśāni pāpabhāk jāyate naraḥ /
mātṛgarbhasya vīryantu śiśureva na saṃśayaḥ

nirvikāratayā yasparasya nākutsito bhavet /
tattu dūṣaṇasaṃyuktamanyatsarvaśubhaṃ bhavet

brahmānandamayaṃ jñānaṃ paraṃ brahmamayo bhavet /
taṃ jñātvā parameśāni kathayāmi varānane

na brahmaṇastu na brahmaṃ na kṣatraṃ kṣatriyastathā /
vaiśyo na vaiśya śūdro na śūdrastu parameśvari

vicāre parameśāni puṣkesau naiva puṣkalaḥ /
sarveṣāṃ tu vijānīhi paramātmā viniścayāt

ākāśātpatitaṃ toyaṃ nimnamārgena gacchati /
grāmamadhyagataṃ sarvaṃ viṣṭāmūtrādiṣūditam

mṛtagosvāhimārjārakharābhirudhirānvitam /
samastamapi deveśi gaṅgāyāṃ militaṃ yadā

gaṅgāmṛtaṃ tadevāsti kāluṣyaṃ naiva tiṣṭhati /
malamūtreṣu ye doṣā bhrama eva hi kāraṇam

pavitraṃ strīrajaḥ proktaṃ yato dehe viniḥsṛtam /
rudhirādipradhānena prāpyate paramaṃ padam

p. ५४) puruṣasya tu yadbījaṃ bindurityabhidhīyate /
sarvasya kāraṇaṃ reto taṃ deha kena nindyate

bhagaliṅgasya saṃsparśād garbhādiniḥsṛtaḥ pumān /
yadā tadā janmakāle ko na syād gurutalpagaḥ

puṇyapāpavinirmuktaṃ jñānametacchṛṇu priye /
brahmāṇḍakoṭijananī ekaivāhaisvarūpiṇī

bhuktvā nānāvidhairvāhaṃ krīḍārthaṃ sakalaṃ jagat /
kulālacakrabhedena ghaṭākāśaṃ yathā ghaṭe

dṛśyate parameśāni ākāśaṃ vyāpya tiṣṭhati /
ghaṭe bhavati bhinnatvenākāśe bhinna bhāvayet

yathā dehagato jīvo dhehanāśe varānane /
vyāpya tiṣṭhati sarvatra tasmādbrahmapadaṃ mahat

ata eva maheśāni nirvikalpa sadā bhavet /
evaṃ saṃvinmaye jñānaṃ samatā sarvajantuṣu

sarvavarṇeṣu cābhāvetsamatā nātra saṃśayaḥ /
yathā sūryaprakāśena samatvañca pravartate

dattamathāpi cānyasya tamaḥ saṃharate kṣaṇāt /
śoṣayetsarvamūtrādicandanaṃ naiva kardamam

ata eva maheśāni santi sarvamayo bhavet /
siddhistu devi vijñeya śrīguroḥ kṛpayā priye

// iti śrīparātantre paramārthanirṇayo'ṣṭamaḥ paṭalaḥ

navamaḥ paṭalaḥ
śrīdevyuvāca
yathā saṃsādhaye deva prayogādīñjagatpate /
sādhakaḥ saṃvibhāgena tathā kathaya śaṅkara

śrīsadāśiva uvāca
śṛṇu devi pravakṣyāmi yathā saṃsiddhisūcakam /
yena saṃsādhayedvīro vīrācārakulasantateḥ

akṛtvā tu puraścaryā prayogaṃ kartumicchati /
mahāpātakakoṭīnāṃ bhājanaṃ sa bhaviṣyati

nātaḥ parataraṃ devi kulamārgasya dūṣakāḥ /
tasmātsarvavyayenāpi prāṇāntenāpi sarvadā

karmaṇā manasā vācā puraścaraṇamācaret /
varṇalakṣajapenmantrī haviṣyāsī jitendriyaḥ

divā ca brahmacaryeṇa rātrau kuryādyathecchayā /
pūjayedvidhinā devī mapañcakapuraskṛtaḥ

sāṅgaṃ saparivāraṃ ca tatra nyūnaṃ na kārayet /
daśāṃśaṃ havanaṃ kuryāt vilvapatrairghṛtaplutaiḥ

chāgamāṃsaistrimadhvaktairdevīsantuṣṭihetave /
tarpayetsudhayā devī daśāṃśairhavanasya vai

p. ५६) tarpaṇasya daśāṃśena mārjanaṃ samudāhṛtam /
taddaśāṃśena vai kuryātkumārībhojanaṃ mahat

kalau caturguṇaṃ kuryātpuraścaryāṃ tu sādhakaḥ /
dīkṣāṃ prāpya na kuryādvai puraścaryāvilaṃbanam

āyuścañcalatāṃ jñātvā svātmaśreyastu cintayet /
dīkṣāṃ prāpya puraścaryāmakṛtvā mriyate yadi

brahmabhūtā bhavennūnaṃ śatavarṣamanāśraye /
tasmātsarvātmanā devi puraścaryāṃ samāśrayet

candrasūryoparāge vā puraścaraṇaṃ kārayet /
sparśānmuktiṃ tu saṃjapye puraścaraṇamucyate

daśāṃśaṃ sarvakarmāṇi kārayetpūrvayoditam /
tataḥ prayogakarmāṇi śṛṇu vakṣāmi sāṃpratam

vīradīkṣā na śakto ya saṃpūjya vidhivatpurā /
śmaśāne śivadakṣe vā gṛhe vā vāhane sthitā

dīpāditrividhairnityamabhāvatparvaṇī punaḥ /
satyavākdhairyasaṃpannaḥ kāmakrodhavivarjitaḥ

śaktīsahāyasaṃyukto vīraḥ sahāyakothavā /
sahāyadravyahīnātha bhikṣāśī ca niśāśame

sahasraikyaṃ japeccādau kāyaśuddhyarthahetave /
devī tuṣṭā huneccaiva yathāpūrva mayoditam

tato lakṣajapenmantrī divā cāhāravarjitam /
bhuktorddhabhāvanā'śakte sandhyāyāṃ bhuktamekakām

p. ५७) gāyatryā tu japedyugmaṃ nyasya caiva ṣaḍaṅgakam /
tato rātrau japaṃ kuryādyathāśaktyā krameṇa tu

daśāṃśena hunetpaścānmantrasaṃsiddhihetave /
homānte kanyakāpūjākṛtasiddhi bhaveddhruvam

athavā dviguṇaṃ jāpya yāvadvai saptavāsaram /
krūrādau cāṣṭame sekāddhomānte grahaśāntikam

trisaṃdhyaṃ madhyarātrau ca ekadvitricaturdinam /
vātādiśekato śāntihomādroga pramucyate

aṣṭamyāṃ vā caturdaśyāṃ samārabhya haraḥ śataṃ /
daśāṃśahomataḥ śekānmahāśānti bhavet sphuṭam

japetpañcaśataṃ mantrī yecchasyā triśataṃ hunet /
homānte śekataḥ paśye puṣṭiṃ caiva samāpnuyāt

triśataṃ triśataṃ hutvā japtvā caivāṣṭamehani /
homānte sekato japtvā puṣṭimāpnoti mānavaḥ

japtvā caiva tu sāhasraṃ hunetpañcaśatāni vai /
nāgāśvagāṣṭalokānāṃ puṣṭimāpnoti sekataḥ

nirgalādgalayatrāṇi ātmano vā parasyatha /
trisaṃdhyāṃ vartanādvaśyā trisaptāhānprajāyate

śmaśānaśarkarā gṛhya mantrairaṣṭaśataṃ japet /
yatra yatra kṣipedgaurī nigadāsphoṭanaṃ bhavet

bhūtāṃkuśasya daṇḍena tridhābhimaṃtritāndadhān /
nāvāśakaṭayantrāṇi saṃbhayenmocayeślathāt

p. ५८) dūrvātantuviṣakṣobhaṃ duḥkulaṃ duṣṭajantuṣu /
vālukā sapta japtvā tu mahāmeghāntu vārayet

rājikā sapta japtvā tu grastabhūtādibhirnaraḥ /
tāḍaye hṛdi mudrāyāṃ kṛtvā sa tyajyate dhruvam

kṛtvā cāturthakādyāśca sapta japtvā------- natu /
abhyakṣaṇo nivartante citrā gugguladhūpataḥ

lūrtāgardabhavisphoṭavyādhayo vividhāstathā /
sapta japto dakṣa sekātpānāle yadvināśayet

ekaviṃśativāraistu jalaṃ caivābhimaṃtritam /
sthāvaraṃ jaṅgamaṃ vāpi viṣapānādvināśayet

puṣpānna siddhi siddhārthaṃ śmaśānasya ca bhasmakam /
sapta mantrā hanecchatruṃ sa śatruṃ mohanāya ca

mahāpātre dhānyapuñje madyapūrṇaghaṭeṣu ca /
akṣaccaṃ tadbhavettasya nityaṃ pūjāratasya ca

arthakoṣe vilvagatāsau likhya patakaṃ japet /
dhanadena samaṃ dravyaṃ na kadācidvinaśyati

gajā śāle muktadāme pūjayenpaṃkajānpalaiḥ /
na kadācidvinaśyanti gajā vṛddhiṃ prajāyate

kṛtvā ca navakoṣṭāmaśvasthānakadambakaiḥ /
sa pūjyāśvā na naśyantī vṛddhimāyānti śobhanā

sitaguñjā ca sartpākhāṃ dhāmavyāghravarāṭikā /
sapta japtvā mukhe dhāryā astrabhayo na jāyate

p. ५९) vālāni sarpakhā mantrā śatakhemātasaṃkhyayā /
kaṇṭhe vaddhā vṛddhi yānti āyuṣā prajñayā dṛḍha

puṣyārke śrīphalaṃ pakvaṃ sahasrārddhena mantritam /
tajjalaiḥ saṃcitā nārī aputro sūyate sutaḥ

aṣṭottaraśatenaiva puṣpamālābhimantritā /
yasya saṃdīyate kaṇṭhe ye kayuddhe jayī bhavet

ahorātroṣito bhūtvā anudigyo japettu yaḥ /
svārthaṃ vātha parārthaṃ vā apamṛtyurvinaśyati

puṇḍarīkāṃśunāvatsyāko guhyaṃ dīptasaṃmukhe /
varṇajāpātsahasreṇa añjanīyapaśyanidhim

catuḥpathamṛdaṃ gṛhya gṛhārddhe pañcaviṃśati /
japtvā saṃkṣepayennidrāṃ baṃdho bhavati durbhagā

tilataṇḍulasiddhārthaṃ pratyekaṃ daśamantritam /
ekīkṛtya kṣipedyastu padaṃ nākramate ripuḥ

phalvāṇivaṃśikaṃ pañcaviṃśādhikaśatābhidham /
bhūtāyāṃ saṃkṣipedyatra tatra rogī bhavejjanaḥ

līrā cākṣatasiddhārthasabhasmaśatamantritam /
yatra yatra kṣipenmantrī tatrārogyaṃ pravartate

kaṇṭhamātrodake sthitvā japetpañcaśataṃ yadi /
varuṇena tathā homa mahāvṛṣṭi bhaveddhruvam

śatārddhantu japenmantrī śatārddhaṃ homayetpriye /
vaśī kuryānna sandeho saptāhena śacīpatim

p. ६०) japtvā pañcaśataṃ mantrī śatārddhaṃ homayetpunaḥ /
punaḥ pañcaśataṃ japtvā siddhārthaṃ cākṣataṃ tathā

mastake kaṇṭhavāhau vā dhṛtā dīvyasya staṃbhanam /
apāmārgaśataṃ hutvā tatkṣāraṃ yasya dīyate

durbhago jāyate satyaṃ prītināśamavāpnuyāt /
siddhārthaguggula caiva ekīkṛtya śatatrayam

homānte ca mahāprītiṃ viprīti saprajāyatam /
haimavījaśatāṣṭā ca homayetsaptavāsaram

unmatto jāyate śīghraṃ vabhrulaṃ vā ghṛtānvitam /
saptāhā ca niśārātrau japecchraddhāsamanvitaḥ

divā ca brahmacaryeṇa rātrau kuryādyathecchayā /
karpāsāstituṣātailaṃ yuktaṃ pañcaśataṃ hunet

ekaviṃśadine devi śakrasyāpi śriyaṃ haret /
guruśukratṛtīyāyāṃ pūjā kuṃbhe śataṃ japet

hutvā trimadhuraṃ sekādbhraṣṭaśrī labhate śriyam /
viṣṭanaprākṛtiṃ kṛtvā aṃguṣṭhā mastakāvadhi

chitvā pañcaśataṃ hutvā svakulaṃ parineṣyati /
sindūramakṣatā yuktaṃ śatāṣṭaparimantritam

kṛtvā kanyākare datvā āviṣṭāveṣṭakabruvet /
rājikādhūmajaṃ kṣāraṃ daśadhā cābhimantritam

p. ६१) mahārogapraśamanaṃ snānamātreṇa niścitam /
tailaṃ vātha ghṛtaṃ vātha aṣṭadhā vābhimantritam

pānātnābhipradānācca prasūte sukhanidrayā /
śirasthāne ghaṭaṃ pūjya aṣṭottaraśataṃ japet

hitāhiteṣu kāryeṣu svaparai vādayanbhavet /
hatāmbara samādāya kṛṣṇamāvartyalakṣakam

tathaivādṛśyakaḥ sabhyakrīḍate vasudhātale /
pañcaviṃśatisāhasraṃ kare kṛtvā yavā japet

japānte bhakṣayetprājño vāgīśvarasamo bhavet /
lākṣārddhahomayedvīraḥ kadambakusumairyadā

kuṇḍāduttiṣṭhata śīghraṃ vetālāḥ siddhyate tadā /
kākinī vīrahomena tuṣṭā bhūtapiśācakāḥ

lakṣārddhārddhena homena nityaṃ dadyānyalaikakām /
kanyāhastāntaraṃ gṛhṇa lakṣārddhantu śmaśānake

japtvā bhūtabhaviṣyañca vartamānabhavanpatim /
nṛgolocanakau gṛhya salākṣāśatamantritam

lalāṭe tilakaṃ kṛtvā yo dadhyetsa vaśo bhavet /
kuṃkumāgurukarpūrarocanānisumiśritaiḥ

śatābhirmaṃtritaṃ kṛtvā tilakaṃ yaḥ kariṣyati /
raṇe rājakule dyūte vivāde sa jayī bhavet

p. ६२) siddhārthakavarāśvetā pratyūṣe kalaśodare /
kṛtvā prātaścaturdaśyāṃ saṃpūjya madhu saṃyujyate

mukhe prakṣipya japtvā tu paravāde jayo bhavet /
śīvaśrapuṃkhikāmūlaṃ śatāṣṭaparijapitam

śiroveṣṭika ye vaddhā paravādairnivāraṇam /
ācārācārabhedena tatra devi na vidyate

nirācārāpi sācārā tasya devyāḥ prabhāvataḥ /
viśeṣa kiṃ bahūktena sārametadvadāmyaham

nṛcarmamāsanaṃ kṛtvā narapātre prapūjayet /
yathā gurumukhoddiṣṭanirvikalpena sādhayet

lākṣārasanibhenaiva hetunā paripūritam /
phalaṃ datvā tatra madhye pātre hetuprapūrite

aṣṭamyāṃ vā caturdaśyāṃ vā viśeṣataḥ /
śivarātryāṃ tathā pūjā niśāyāṃ paripūjayet

yathā śrīcakrapūjāṃ vai tathā sarvaṃ samācaret /
binducakre trikoṇe tu mahāpātraṃ tu thāpayet

pañcakālyāṃ tu pañcāre carukaṃ pañca vai kramāt /
nātaḥ parataraṃ bhadre kālikākramapūjane

bhogī svargasukhaṃ mokṣaṃ ājñāsiddhiṃ bhaveddhruvam /
satyaṃ satyaṃ mahādevi samametadbravīmyaham

p. ६३) anyathā kurute yastu hetuvādakutarkataḥ /
pariśramaṃ kevalaṃ tu na saṃsiddhimavāpnuyāt

ityetatte samākhyātaṃ kālikāyāḥ kulakramam /
vidhānaṃ paramaṃ divyaṃ śāstraiḥ kālikramāgataiḥ

gopanīyaṃ prayatnena na dadyādyasya kasyacit /
gurubhaktirato yo hi mahāśāstramayī tu sā

ramyaṃ puṣpaphalaṃ dṛṣṭvā vastrālaṅkārameva vā /
svātmapriyāni bhavyāni yatkiṃcidbhuvi durlabham

gurave prathamaṃ datvā nataḥ svātmani dhārayet /
gurvāgamakramārīṇā pūjakāya pradāpayet

guru saṃtuṣṭamāne tu santuṣṭā kālikākramam /
yenedaṃ likhyate śāstraṃ yasya hasteṣu tiṣṭhate

yatra sthitaṃ prapūjyante vidhivatparameśvarīm /
sa nirvighnaṃ tu saṇmāsaṃ yāvajjīvati caiva hi

pustakaṃ pūjitaṃ yena idaṃ kālikulakramam /
samagraṃ pūjitaṃ tena kālikā kālanāśinī

ābrahmastambasakalaṃ kālena kalayetsadā /
taṃ kālaṃ kālikādevī kalayetsā yuge yuge

na kālīsadṛśo yajño na kālīsadṛśī tapaḥ /
na kālīsadṛśī dharmo na kālīsadṛśī bhuvi

p. ६४) jīvamukta sa vijñeyo mahāpāśupataḥ sa vai /
mahāyogī vijānīhi kālikāpathasaṃśritā

ahaṃ mṛtyuñjayo devo maṅgalācara to bhavet /
kalau viśeṣataḥ kālī pūjitavyā prayatnataḥ

devatāsaṃyutaṃ vighnaṃ varjitasthānakaṃ priye /
yo jñātā bhairavo deva śroto rudrasamaḥ bhavet

sa ekadhā ca bahudhā sādhakānāṃ hitāya ca /
nānātantrapravāhāstu nānāmnāyatvamāgatāḥ

tatra bhede nāmabhedā ekā śaktī sahasradhā /
maṅgalā ca mahāmāyā caṇḍa kāpālinī śivā

cāmuṇḍā carcikā caṇḍā sṛṣṭisthityantakālinī /
anākhyā ca mahābhāṣā guhyakālī jayā parā

siddhilakṣmī viśvalakṣmī mahāpratyaṅgirā smṛtā /
sundarī tripurā cāru ugracaṇḍā prakāśinī

vibhinnā bahudhā jātā nānābhedamāśritā /
ekā sā bahurūpā ca jānīyāddivyacakṣuṣā

sa eva sādhakaḥ śreṣṭhaḥ siddhijñānasya bhājanam /
sa eva sādhakāḥ śreṣṭhaḥ siddhi jñānasya bhājanam /
anuṣṭhānarataḥ sarvaṃ siddhibhāgī bhaveddhruvam

// iti śrī śrotaśiraśchede mahākaravīrayoge parātantre navamo paṭalaḥ