પરાતન્ત્રમ્ · અધ્યાય 1

----
મુક્તબોધ ઇન્દોલોગિચલ્ રેસેઅર્છ્ ઇન્સ્તિતુતે
ઉસે ઓf થિસ્ મતેરિઅલ્ (એ-તેxત્સ્) ઇસ્ ચોવેરેદ્ બ્ય્ ચ્રેઅતિવે ચોમ્મોન્સ્ લિચેન્સે બ્ય્-ન્ચ્ 4.0
ચતલોગ્ નુમ્બેર્: મ્00062
ઉનિfઓર્મ્ તિત્લે: પરાતન્ત્ર
મૈન્ તિત્લે: પરાતન્ત્રમ્
દેસ્ચ્રિપ્તિઓન્:
નોતેસ્:
દત એન્તેરેદ્ બ્ય્ થે સ્તff ઓf મુક્તબોધ ઉન્દેર્ થે સુપેર્વિસિઓન્ ઓf મર્ક્ સ્. ગ્. દ્ય્ચ્zકોwસ્કિ.
પુબ્લિસ્હેર્ :
પુબ્લિચતિઓન્ યેઅર્ : પ્રે-1900
પુબ્લિચતિઓન્ ચિત્ય્ :
પુબ્લિચતિઓન્ ચોઉન્ત્ર્ય્ : ઇન્દિઅ
----
પરાતન્ત્રમ્
લેફ્ટિનેણ્ટ કર્નલ
શ્રી ધન શમ્શેર જઙ્ગ બહાદુર રાણા
પ્રકાશક
ચણ્ડી કાર્યાલય પ્રયાગ-૬
પ્રથમ સંસ્કરણ સંવત્ ૨૦૧૬
શ્રીલલિતાત્રિપુરસુન્દર્યૈ નમઃ
પ્રથમઃ પટલઃ
બહુસિદ્ધિસમાકીર્ણે શ્મશાને કરવીરકે ।
તત્ર વીરગણાઃ સર્વે મહાહલ્લાલહુ।કૃતે

નિવર્તિતમહાચક્રે યોગે ત્રિદશમણ્ડલે ।
મહાવૃન્દ મહાસ્ફાલ રણડાકિની યાચિતે

બ્રાહ્મ્યાદ્યા માતરશ્ચાષ્ટૌ ક્ષેત્રેશભૈરવાદયઃ ।
ગણેશ વટુકા સિદ્ધા માતૃચક્રે તુ મેલકે

શ્રીનાથાદિગણાઃ સર્વે વીરનાથાવતારિકે ।
સિદ્ધિનાથાવકાસેન સન્તોષિતકુલેશ્વરમ્

સર્વભૂષાં પરિત્યજ્ય સાનન્દોલ્લાસમાનસમ્ ।
સામરસ્યસ્થિતં દેવં પૃચ્છતે કુલસુન્દરી

શ્રી દેવ્યુવાચ
સર્વશાસ્ત્રોદિતં જ્ઞાનં ત્વત્પ્રસાદાત્ શ્રુતં મયા ।
યામલાષ્ટકપૂર્વં તુ તન્ત્રાનેકવિધાનિ ચ

શિરશ્છેદશ્ચ બહુધા મહામન્થાનષટ્કકમ્ ।
માલાતન્ત્રે ચ વીત્કારે સાગરામ્વા મહામતે

પ્. ૨) ચતુર્વિંશતિ વૈ લક્ષાઃ શ્રુતા સર્વે તથોદિતાઃ ।
ઇદાનીં સંશયો જાતસ્તવૈવ વચનાત્પ્રભો

એકા સા પરમા શક્તિરદ્વિતીયા પરેશ્વરિ ।
એકા શક્તિર્મહામાયા વિશ્વંવ્યાપ્યાવતિષ્ઠતા

નાદિમધ્યા ન વાન્તાસ્તુ યયા સર્વં પ્રવર્તતે ।
ત્વયોક્તા ન દ્વિતીયા સા તન્ત્રે કુલમહાર્ણવે

એષા સંધાર્યતે વિશ્વમેકા ત્રૈલોક્યપૂજિતા ।
એતદેવ વચો બ્રાહ્મી ષડામ્નાય કથં પ્રભો

ષટ્સિંહાસનગા પ્રોક્તા દેવ્યઃ ષણ્ણાયિકાઃ સ્મૃતાઃ ।
ષડામ્નાયવિભિન્નૈવ એકા સ પરમા કથમ્

અભિન્ના વાથ ભિન્ના વા વદ દેવ જગત્પતે ।
કથમેકા પરાશક્તિર્વિભિન્ના પરમેશ્વરી

ષટ્સિંહાસનગા દેવિ નાયિકા ષટ્પ્રકીર્તિતાઃ ।
ષડામ્નાયવિભિન્નાશ્ચેત્કિં સંજ્ઞાભેદનામતઃ

પૂર્વસિંહાસના દેવી યામ્યસિંહાસનાશ્રિતા ।
સિંહાસનં પશ્ચિમગા સૌમ્યસિંહાસના પરા

સિંહાસનમૂર્ધ્વગતા હ્યધઃ સિંહાસનસ્થિતા ।
ષટ્સિંહાસનસંસ્થા સા ષડામ્નાયેતિકીર્તિતા

કથં સિંહાસનં સંજ્ઞાસ્થિતા હ્યામ્નાયદેવતા ।
તન્ત્રે વા યામલે વાપિ ચતુર્વિંશતિલક્ષકે

પ્. ૩) ગ્રંથે ત્વયા સૂચિતા વૈ ષડામ્નાયવિશેષતઃ ।
એકા પરા વિભિન્ના કિં ષટ્સિંહાસનમાશ્રિતા

આદ્યાશક્તિઃ પરા હ્યેકા કથં ષટ્શક્તિતાં ગતા ।
યા આદ્યા પ્રકૃતિઃ સૂક્ષ્મા ભિન્નરૂપેણ સંસ્થિતા

બિન્દુમાલિનીરૂપા સા સર્વથાદ્યવ્યવસ્થિતા ।
એતન્મે મહતીં શંકાં નિર્ણીતું પરમેશ્વર

ઉદયે ગ્રન્થિસુદૃઢં સર્વજ્ઞપરમેશ્વર ।
યદ્યેકા પરમા શક્તિરાદ્યા પ્રકૃતીરીશ્વરી

કિમર્થં કસ્ય રક્ષાર્થં ષડામ્નાયપ્રકીર્તિતાઃ ।
ત્રૈલોક્યરક્ષણાર્થાય સમયા પાલનાય ચ

સાધકપ્રાર્થનાયૈવ વદસ્વ પરમેશ્વર ॥
શ્રીસદાશિવ ઉવાચ
અપિ પ્રિયતમે દેવિ નિશામય વદામિ તે ।
ગુહ્યાદ્ગુહ્યતમં દિવ્યમકથ્યં કથયામિ તે

તવ સ્નેહાત્પ્રવક્ષ્યામિ રહસ્યં કૌલિકાન્વયં ।
ઓં ઇતિ નમસ્કૃત્ય પ્રવક્ષ્યામિ વિષ્ણુમાયાં જગન્મયીં

નારાયણીં મહામાયાં પ્રકૃતિં વિશ્વરૂપિણીમ્ ।
એકા પરાપરા શક્તિઃ પ્રકૃતિર્વિશ્વમોહિની

વિશ્વસંમોહનાત્સા ચ વૈષ્ણવીતિ પ્રકીર્તિતા ।
ધારણાદ્ધાત્રિમિત્યાહઃ પાલનાત્પરમેશ્વરી

પ્. ૪) ત્રૈલોક્યમોહનાત્માયા ભાવનાત્પ્રકૃતિ સ્મૃતા ।
વિશ્વસંધારણાત્સા તુ વૈષ્ણવીતિ પ્રકીર્તિતા

કૈવલ્યમોક્ષદા ભૂતા માયા નારાયણી સ્મૃતા ।
ઈશ્વરોપિ વશે યસ્યા સૂત્રે બહુશકુન્તવત્

યાં વિના પરમેશોપિ શવ ઇત્યભિધીયતે ।
જીવિતું નૈવ શક્નોતિ વિના તાં પરમેશ્વરઃ

ઈશોપ્યનીશતાં યાતિ પ્રકૃત્યાલોકનં વિના ।
દારુષ્વેવ યથા વહ્નિર્મથનાત્સંપ્રકાશતે

માયાસંપ્રગૃહીતો વૈ સૃષ્ટિસ્થિત્યન્તકૃદ્ભવેત્ ।
જીવહીનો યથા દેહશ્ચલિતું નૈવ શક્યતે

શવવત્કર્મહીનત્વાત્સમાધિં સંસ્થિતઃ પ્રિયે ।
માયાવિરહિતો યાવન્નિશાકાલે તુ ગીયતે

શવૈવ નિશ્ચલો દેવો બિન્દુમાલિન્યસંગ્રહાત્ ।
માયયા કવલીકૃત્વા શિવ ઇત્યભિધીયતે

શિવશક્તિસમાયોગાત્સર્વં જગદિદં ભવેત્ ।
ચિતિરૂપેણ સા માયા વિશ્વં વ્યાપ્ય વ્યવસ્થિતા

અહં સદાશિવો દેવઃ પ્રકૃતિર્વિષ્ણુરુચ્યતે ।
ઉભયોર્મેલનાદ્દેવિ શિવશક્તીતિ ગીયતે

પ્રવર્તનાય સર્વેષાં સંસારચક્રવાન્ભવેત્ ।
ત્વં તુ દેવી વિષ્ણુમાયા નારાયણજગન્મયે

પ્. ૫) દેવસ્યાનન્દરૂપોહં જાને દેવ સદાશિવઃ ।
એવં પ્રવર્તયે દેવિ દેવૌ હરિહરાવુભૌ

સૃષ્ટિસ્થિતિશ્ચ સંહારકલ્પે કલ્પે કથં ભવેત્ ।
શિવશક્ત્યાત્મકં વિશ્વં પશ્ય દિવ્યેન ચક્ષુષા

ન પદ્માઙ્કી ન વજ્રાઙ્કી ન ચક્રાઙ્કી યતઃ પ્રજાઃ ।
લિઙ્ગાઙ્કી ચ ભગાઙ્કી ચ તેન માહેશ્વરી પ્રજાઃ

યયા સૃષ્ટં સૃજેદ્વેધા સાષ્ટધા પાલ્યતે હરિઃ ।
સંહર્તા હરતે રુદ્રઃ સર્વે તદનુગાઃ સુરાઃ

એકા સા પરમા દેવી વિશ્વં વ્યાપ્ય વ્યવસ્થિતા ।
ચતુર્વિંશતિતત્વેન બ્રહ્માણ્ડં ચેતયન્તિ ચ

પૃથિવી વાયુરાકાશજલવહ્નિમયં વપુઃ ।
ધૃત્વા સંસૃજ્યતે વિશ્વં કલ્પે કલ્પે યથેચ્છયા

બ્રહ્મા વિષ્ણુશ્ચ રુદ્રશ્ચ ઈશ્વરશ્ચ સદાશિવઃ ।
પઞ્ચભૂતાત્મકં ચૈવ શરીરં પઞ્ચસંકૃતમ્

એકીકૃત્ય તથા પઞ્ચભૂતરૂપેણ સંસ્થિતાઃ ।
નિર્જીવો જીવરૂપેણ પઞ્ચભૂતત્વમાગતઃ

સિંહાસનમહામ્નાયપઞ્ચભૂતાનિ સઙ્ગમઃ ।
આદ્યા સા પરમા શક્તિર્વ્યોમસ્થા કુલરક્ષિણી

બ્રહ્માણ્ડવ્યાપિની નિત્યા પરબ્રહ્મસ્વરૂપિણી ।
ચતુર્વિંશતિભિસ્તત્વૈઃ સર્વબીજસ્વરૂપિણી

પ્. ૬) બ્રહ્મસ્વરૂપિણી સાક્ષાત્સ્ત્રીપુંભેદેન ભિદ્યતે ।
લીલયા ક્રીડતે નિત્યા લલિતારૂપધારિણી

અરૂપા રૂપવાન્ભૂત્વા પુંરૂપં ધાર્યતે શિવે ।
કદાચિલ્લીલયા દેવી માયારૂપેણ ક્રીડતિ

કદાચિદ્ધરિરૂપેણ શિવરૂપેણ સ્વેચ્છયા ।
બ્રહ્મરૂપધરા માયા હ્યેચ્છારૂપધરા પરા

એષા પરાપરા દેવી પ્રકૃતિર્વિશ્વમોહિની ।
પ્રવર્તયતિ સંસારં સમયા પાલનાય ચ

શ્રીનાથક્રમસિધ્યર્થં ષડામ્નાયત્વમાગતા ।
ષટ્સિંહાસનગા દેવી સમાસ કથયામિ તે

પુરાનન્દવને દેવિ નિર્જને પશુવર્જિતે ।
સદાશિવોહં ષટ્ચક્રસમાધિધ્યાનમાશ્રિતઃ

ત્વં તુ કાપાલિની ભૂત્વા મામપૃચ્છત્ષડન્વયમ્ ।
પ્રથમં પૂર્વવક્ત્રેણ રૂપં તત્પુરુષેણ ચ

કથયામાસ પ્રાચી તુ સિંહાસનમહોદ્ગતમ્ ।
નાયિકા રુદ્રશક્તિર્યા શિવં તત્પુરુષં પરમ્

પૂર્ણેશ્વરી મહોગ્રાસા પૂર્વામ્નાઅયપ્રકીર્તિતા ।
ચક્રેશ્વર્યાં તુ વક્ષ્યામિ સાધકાનાં હિતાય વૈ

ધ્યાનં તુ ચિત્તેધિષ્ઠાય ધ્યાતવ્યા પરમેશ્વરી ।
ઇન્દ્રનીલસમપ્રખ્યં દશદોર્દણ્ડધારિણીમ્

પ્. ૭) વરાભયકરં રમ્યં સત્રિશૂલં કપાલકમ્ ।
ડમરું ચાક્ષમાલાં ચ શક્તીં ચૈવ કરામ્બુજે

ઇક્ષુચાપં શરં ચૈવ ખડ્ગહસ્તં સુશોભિનીમ્ ।
મહાપ્રેતોપરિ તત્ર ચન્દ્રસૂર્યાસનાસ્થિતાં

પ્રત્યાલીઢાં ત્રિનેત્રાં ચ મુંડમાલાવિભૂષિતાં ।
વાસુકીશઙ્ખપાલૌ તૌ કર્ણભૂષણતાં ગતૌ

અનન્તહારમાલા ચ હારાઽલંકારભૂષિતાં ।
વિશાલત્રયનેત્રાં ચ ચન્દ્રાર્દ્ધકૃતશેખરામ્

એષા પૂર્ણેશ્વરી દેવી હાહારાવ રવપ્રિયામ્ ।
પૂર્ણેશ્વરીતિ વિખ્યાતા સાહંકારા રજોયુતા

ગિરૌ પૂર્ણાલયે પીઠે લક્ષ્મીવનશ્મશાનકે ।
ઇન્દ્રેણારાધિતા નિત્યા બહુરૂપાવતારિણી

પૂર્વામ્નાયેતિ વિખ્યાતા પૂર્વદેવર્ષિપૂજિતા ।
ઈશ્વરી સર્વવિદ્યાનાં મહાભાગ્યભરાવહા

નાનારૂપધરા નિત્યા બહુરૂપાવતારિણી ।
જયા જયંતી વિજયા અજિતા નારસિંહિકા

વ્યાઘ્રેશ્વરી કરાલા ચ રાજેશી ભુવનેશ્વરી ।
રક્તદંતા વિશાલાક્ષી કામેશી ચણ્ડમાલિની

વિદ્યુજ્જિહ્વા ડામરેશી નાટેશી નૃત્યનાયિકા ।
નન્દી ચૈવ મહાકાલભૃંગિણી ચ કુલાલિકા

પ્. ૮) નવનાટેશ્વરી તત્ર ચતુઃપઞ્ચરસાન્વિતા ।
બહુભેદા દેવદેવી ભૈરવાષ્ટકમાતૃકાઃ

નાટેશ્વરીતિ વિખ્યાતા ભૈરવી ચક્રપાલિકા ।
ક્ષેત્રવિઘ્નેશવટુકયોગિનીમાતૃકાષ્ટકાઃ

બ્રહ્માણ્યાદ્યાઃ પ્રપૂજ્યન્તે કુમારી કામદા સદા ।
નૃત્યમાને પુરા દેવ ભૈરવા માતૃભિર્વૃતઃ

નૃત્યભૈરવનામા તુ પૂર્વચક્રે વ્યવસ્થિતા ।
ગણેશક્ષેત્રડાકિન્યો ગણાસ્તત્પુરુષાશ્રિતાઃ

વામમાર્ગે સમારાધ્ય ન તુ દક્ષિણતઃ ક્રિયા ।
પ્લક્ષદ્વીપે કુશદ્વીપે બહુધા ચ તદન્વગાઃ

વશ્યાકર્ષણસ્તંભં ચ સિદ્ધયસ્ત્વણિમાદયઃ ।
મરીચિના સમારાધ્ય શક્રાય ચ પ્રદત્તવાન્

ઇત્યેષ પૂર્વ ચામ્નાય પ્રાચિસિંહાસનસ્થિતા

॥ ઇતિ શ્રી પરાતન્ત્રે પૂર્ણેશી પૂર્વામ્નાયક્રમઃ પટલઃ પ્રથમઃ

દ્વિતીયઃ પટલઃ
દક્ષિણામ્નાય વક્ષ્યામિ મહાવીર્યા મહોલ્વણા ।
અઘોરભૈરવોદ્દિષ્ટા નિશ્યેશી ચ નિરઙ્ગલા

નિરાલમ્બેશ્વરી નિત્યા અઘોરં તચ્છિરં વિદુઃ ।
સિંહાસનગતા નિત્યા નિશેશી રક્તચર્ચિકા

ચૈતન્યભૈરવી કેચિદ્રક્તકાલીતિ કેચન ।
સુન્દરી કાલિકા કેચિદઘોરેશ્વરી કેચન

ધ્યાનરૂપં તુ વક્ષ્યામિ ભૈરવ્યા યામ્યદિક્સ્થિતા ।
નિત્યા નિરંશનિરતા નિશેશી નિર્ગુણાશ્રયા

ક્રતુનારાધિતા દેવિ ધર્મરાજાય વૈ પુરા ।
સમ્પ્રદાયકરેણૈવ દેવી ચૈતન્યભૈરવી

ચતુર્વેદાસના દેવી મહાફેત્કારસંસ્થિતા ।
પ્રજ્વલન્તી ચિતામધ્યે દક્ષિણ્યદક્ષદા પરા

અલાતચક્રવદ્યસ્યા ભ્રમન્તિ શિરમાલિકા ।
સ્નાયુરક્ષા કૃશાઙ્ગી ચ અસ્થિચર્માવશેષિતા

વ્યાઘ્રચર્મા કટિવૃતા નરચર્મોત્તરીયકા ।
સહસ્રાદિત્યસંકાશા તપ્તકાઞ્ચનસુપ્રભા

પ્. ૧૦) પઞ્ચવક્ત્રા ચાતિભીમા ત્રિપઞ્ચનયનૈર્યુતા ।
ઈષદ્ધાસ્યલલજ્જિહ્વા નિમ્નનાભિકૃશોદરી

વિકરાલાસનસ્થાતા ચક્રવક્ત્રાસનસ્થિતા ।
રૌદ્રી ભયાપહા ઘોરા ચન્દ્રાર્દ્ધકૃતકેતના

વર્બરાર્દ્ધમુક્તકેશી નાગરાજવિરાજિતા ।
કબન્ધ-ઉષ્ણીયયુતા બ્રહ્માશીર્ષશિખામણિઃ

સદ્યશ્છિન્નજગદ્રક્તઃ શિરોમાલાવિભૂષિતા ।
ભુજાષોડશસંયુક્તા ગજકઞ્ચુકકિઙ્કિણી

પાશાંકુશકપાલઞ્ચ ખટ્વાઙ્ગં મુણ્ડડિણ્ડિમં ।
ખડ્ગખેટવાણધનુશ્ચક્રદણ્ડકમણ્ડલુમ્

અભયં વરદં ચૈવ તર્જની વિધૃતા કરૈઃ ।
મુદિતા સિદ્ધિમધુના શક્તિભિઃ પરિવારિતા

હૂંહૂંહૂંકારનાદેન ત્રાસયન્દેવતાગણાન્ ।
ઋગ્યજુઃસામાથર્વાખ્યા વેદસ્યોપરિ પરિ

શવરૂપી મહાદેવ હૃદયોપરિસંસ્થિતા ।
નિશેશી ચ મહોગ્રા ચ દક્ષિણાચારવર્જિતા

જ્યેષ્ઠાનુજ્યેષ્ઠભેદાસ્તિ યામ્યસિંહાસનાશ્રિતાં ।
તસ્યાઙ્ગદેવતાઃ સર્વે બહુભેદા મહોલ્વણા

જંભિની સ્તંભિની નારામોહિની અંધિની શિવા ।
મૃત્યુઞ્જયા ચર્ચિકા ચ સિંહી દક્ષિણકાલિકા

પ્. ૧૧) પ્રચણ્ડા ઉગ્રચણ્ડા ચ ઉગ્રતારા કપાલિની ।
ત્વરિતા છિન્નશીર્ષા ચ વગલા વાક્પ્રદાયિની

નીલા સરસ્વતી ભીમા ત્રૈલોક્યડામરેશ્વરી ।
ત્રૈલોક્યવિજયા ચણ્ડી રક્તચામુણ્ડી ભૈરવી

દક્ષિણામ્નાયદેવેશી નાનાભેદવિસારિણી ।
બ્રહ્માદ્યાષ્ટભૈરવાષ્ટક્ષેત્રપાલાષ્ટમેવ ચ

સ્વક્ષેત્રનાથં વટુકં ગણેશં યોગિનીગણાઃ ।
એકા વિભિન્નરૂપા સા સમયી પાલનાય ચ

અઘોરસ્ય ગણાઃ સર્વે નાનાપારિષદાવૃતા ।
મહાચણ્ડાટ્ટસંરાવ પૂરયન્તી દિગન્તરાઃ

વેતાલા બહુલા તત્ર ડાકિનીગણસંવૃતાઃ ।
બાલલીલાસમાપન્ના નિશાચરગણાવૃતઃ

દણ્ડપાશોદ્યતકરાઃ સર્વસાધકસિદ્ધિદા ।
શાકપુષ્કરદ્વીપેષુ સાધકાભેદદર્શિની

ચૌહારે ગહ્વરે પીઠે યોનિમણ્ડલમાર્ગગા ।
વામાચારરતા પૂજ્યા હ્યણિમાદ્યષ્ટસિદ્ધિદા

સૂત્રીયતા મયા પ્રોક્તા દક્ષિણામ્નાયસઙ્ગતમ્

॥ ઇતિ શ્રીપરાતન્ત્રે નિશેશ્વરી દક્ષિણામ્નાયો દ્વિતીયઃ પટલઃ

તૃતીયઃ પટલઃ
સિંહાસનપ્રતીચ્યાં તુ સંક્ષેપં શૃણુ પાર્વતિ ।
અનેકશતસાહસ્રશ્રીનાથેનાવતારિતમ્

મન્ત્રનાનારહસ્યઞ્ચ યામલં લક્ષસંમિતમ્ ।
સ્વનાભિમથનાદ્દેવિ સ્વકીયરસના પુરા

બ્રહ્માણ્ડં ગર્ભતસ્તસ્યા જાતિદિવ્યેન યોનિના ।
તદારભ્ય મહેશાનિ કુજાદેવીતિ વિશ્રુતા

જ્યેષ્ઠબાલપ્રભેદેન કુબ્જિકા લોકપૂજિતા ।
સદ્યોજાતમુખોદ્ગીતા પશ્ચિમામ્નાયદેવતા

કુબ્જિકા જગતામાદ્યા મહાસંહારરૂપિણી ।
અનન્તદેશિકઃ સેવ્યા નિત્યા શિવસમાગતા

જ્યેષ્ઠબાલપ્રભેદેન બહુમાર્ગપ્રવાહિની ।
દ્વાત્રિંશતાભેદયુક્તા કુબ્જિકા ભૈરવાશ્રિતા

વૃષભે સંસ્થિતં દેવં ખવર્ણરૂપશોભિનમ્ ।
એકવક્ત્રી ત્રિનેત્રઞ્ચ મુજાષ્ટાદશધારિણમ્

પ્. ૧૩) ડમરું પરશું વાણં ખડ્ગમકુંશવજ્રકમ્ ।
શંખં ચ વેણુવાદ્યઞ્ચ વરદાભયદક્ષિણે

વામે ખટ્વાઙ્ગશૂલઞ્ચ ધનુઃ ફલકપાશકમ્ ।
ઘણ્ટાકપાલવેણુઞ્ચ અભયં ભયનાશનમ્

પટ્ટેન બન્ધિતં જાનુવામેરુત્થા ચ કુબ્જિકા ।
એકવક્ત્રા ત્રિનેત્રા ચ અરુણા વર્ણવર્ણિતા

દ્વિભુજા વરદા દેવી સિંહસ્થાભયદાયિની ।
નાગાભરણભૂષાઙ્ગી ખણ્ડેન્દુકૃતમસ્તકા

સર્વલોકેશપાશેન ચારુપીનઘનસ્તની ।
સર્વાભરણસંશોભા લક્ષણૈશ્ચ સુશોભિતા

એવં ધ્યાયે કુજામાતા પશ્ચિમામ્નાયભૈરવી ।
તત્રૈવ બહુભેદાસ્તિ કુબ્જિકા કુલમાર્ગગા

વિભિન્ના સિદ્ધિનાથેન શ્રીનાથેનાવતારિતા ।
કુજેશનાથવીરેણ કુજામ્નાયપ્રકાશિતા

નવાત્મા શ્રીશિખાનાથ સ્વચ્છન્દઃ શ્રીલલિતેશ્વરઃ ।
ક્રમેશી ચ ત્રિખણ્ડા ચ મહત્તારિ ત્રિખણ્ડિકા

ત્રિશુદ્ધિ ઉગ્રચણ્ડા ચ ચણ્ડા ચણ્ડકપાલિકા ।
અન્નપૂર્ણા કપાલી ચ જ્વાલામાલિની કામિની

પ્. ૧૪) બ્રાહ્મ્યાદ્યા માતરગણા અસિતાઙ્ગાદિભૈરવાઃ ।
બ્રાહ્મી માહેશ્વરી ચૈવ કૌમારી વૈષ્ણવી તથા

વારાહી ચૈવ માહેન્દ્રી ચામુણ્ડા સપ્તમી સ્મૃતાઃ ।
અષ્ટમી ચ મહાલક્ષ્મી એતાઃ સર્વત્ર પૂજિતાઃ

અસિતાઙ્ગો રુરુશ્ચણ્ડ ક્રોધીશોન્મત્તકસ્તથા ।
કપાલો ભીષણાખ્યશ્ચ સંહારો ચાષ્ટમસ્તથા

ષડામ્નાયપ્રપૂજ્યા વૈ માતૃકા સહ ભૈરવી ।
ગણેશો વટુકઃ ક્ષેત્રયોગિનીસઙ્ઘકા સ્મૃતા

ડાકિની ભૂતવેતાલચેટિકાગણસંવૃતા ।
ડાકિન્યાદિમહારાવા ષડ્યોગિન્યઃ પ્રકીર્તિતાઃ

ડાકિની રાકિની ઘોરા લાકિની કાકિની તથા ।
સાકિની હાકિની પ્રોક્તા યાકિણ્યઃ સપ્તધારવઃ

સંસ્થિતા દેવતાઃ પૂજ્યા ચ રુરૂપેણ ભૈરવઃ ।
સદ્યોજાતઃ સાધિતા સા કુબ્જિકા ચક્રનાયિકા

અઙ્ગિરા સાધિતા વિદ્યા દક્ષાય પ્રતિપાદિતા ।
નહુષાય તતો દત્વા તતો ચન્દ્રાન્વયાય ચ

પાર્થિવાનાઞ્ચ સૌમ્યાનાં કુલદેવીતિ કીર્તિતાઃ ।
અનેકસિદ્ધિદા સર્વક્રિયાસ્તુ બહવ સ્મૃતાઃ

પ્. ૧૫) દુર્વાસારાધિતા વિદ્યા નિરાચાલાકલાશ્રિતા ।
વામમાર્ગે રતા નિત્યા દક્ષિણા ફલવર્જિતા

મકારપઞ્ચકૈઃ પૂજ્યાનાં યથાફલદા ભવેત્ ।
શૌચાચારનિરાચારનિષ્કલઙ્કા નિરાશ્રયા

અણિમાદિમહાસિદ્ધિસાધનાચ્છીઘ્ર સિદ્ધિદા ।
મોક્ષદા ભોગદા દેવી કુબ્જિકા કુલમાતૃકા

બહુધા વર્ણિતા દેવી તવાગ્રે શ્રીમતાદિષુ ।
મન્થાનભૈરવશ્ચાસ્તિ ચતુર્વિંશમતેષુ ચ

॥ ઇતિ શ્રીપરાતન્ત્રે પશ્ચિમસિંહાસનકુબ્જિકા પટલસ્તૃતીયઃ

ચતુર્થઃ પટલઃ
વામદેવાશ્રિતામ્નાય કથયામિ તવાગ્રતઃ ।
ઉત્રામ્નાયમુત્તરં તુ કાલીકુલસમુદ્ભવા

કોટિકોટિપ્રભેદોસ્તિ કાલિકા તીવ્રનાયિકા ।
આજ્ઞાસિદ્ધિપ્રદા દેવી વિષ્ણુતેજોપવૃંહિતા

નારાયણી મહાકાલી જગદ્રક્ષણતત્પરા ।
કાલિ કાલી મહાકાલી ચણ્ડયોગેશ્વરીતિ ચ

તિષ્ઠન્ ગચ્છન્સ્મરન્નિત્યમુચ્યતે મહતો ભયાત્ ।
આબ્રહ્મસ્થા વરાન્તા ચ કાલેન કલયન્તિ ચ

તં કાલં કલયેત્કાલી તતઃ સા કાલિકા સ્મૃતા ।
અનેકચક્રચક્રેશી નાનાભેદા મહાગમા

શક્યતે કાલિકા દેવ્યા દેવા બ્રહ્માદયોપિ હિ ।
તથાપિ લેશમાત્રં તુ કુમારીક્રમતઃ શૃણુ

નીલવર્ણા મહાકાલી ત્રિમુખા નવલોચના ।
પીતં તુ દક્ષિણં વક્ત્રમુત્તરં પાવકોપમમ્

મણ્ડલાન્વિતનેત્રા ચ અષ્ટ ચાઙ્ગી તનૂધરા ।
પિઙ્ગલોર્ધ્વજટાટોપચન્દ્રાર્દ્ધકૃતશેખરા

પ્. ૧૭) સપ્તવિંશતિમુણ્ડૈશ્ચ રક્તવિપ્લુષસંયુતાઃ ।
અસ્થિકુંઠલગોડાઢ્યા મૌલીકાપાલમાલિની

કિઙ્કિણી નૌપુરા રાવ વીરઘણ્ટારવોત્તમા ।
શિવા પ્રેતસમારૂઢા મુખશોણિતનિર્ભરા

ઇન્દ્રાદ્યઃ બ્રહ્મવિષ્ણુશ્ચ રુદ્રેશ્વરસદાશિવઃ ।
પીતશ્યામરક્તધૂમ્રશ્વેતાભા પઞ્ચકારકાઃ

વજ્રદણ્ડશક્તિશૂલખષ્ટ્વાઙ્ગાયુધધારકાઃ ।
તર્જની મુખનિક્ષિપ્તા શિવાધસ્થા ત્રિલોચના

બદ્ધપદ્માસના દેવી પીનોન્નતપયોધરા ।
વામહસ્તે કપાલઞ્ચ રક્તપૂર્ણાનિ શોભને

ધારયન્તી ત્રિશૂલઞ્ચ સશવં દક્ષિણે કરે ।
ચક્રં ચ દક્ષિણે હસ્તે અંકુશમુદ્ગરં તથા

વામે પાશં ચ ખટ્વાઙ્ગમૃતવાલઞ્ચ ધારિણમ્ ।
ચિત્કલા કલનાતસ્થાં જ્યોતિરૂપાશ્ચ કેવલા

નિર્વાણપદાતીતાં ભાવાતીતામગોચરા ।
અસ્મિન્મૂર્તૌ મહાદેવ્યા નવવક્ત્રાણિ પૂજયેત્

બહૂનિ ભેદરૂપાણિ કાલિકાયા મહેશ્વરી ।
આજ્ઞાસિદ્ધિપ્રદા નિત્યા કૌલમાર્ગપ્રવર્તકા

મકાકુલાલિકાયાતા વિષ્ણુઃ કાલિત્વયા ગતા ।
યસ્યા પ્રભાવમતુલં વર્ણિતું નૈવ શક્યતે

પ્. ૧૮) દુર્વાસા નારદો વ્યાસવસિષ્ઠઃ કૌશિકસ્તથા ।
ત્રિશ્ચતુઃ પઞ્ચસપ્તાભાદેકાભાત્સિદ્ધિમાગતા

અણિમાદ્યા મહાસિદ્ધિસ્તસ્યાઙ્ગસિદ્ધયઃ સ્મૃતાઃ ।
મોક્ષદા સિદ્ધિદા કાલી નિર્વાણેશીશ્વરી શિવા

કૈવલ્યમેકા સિદ્ધિઃ સ્યાત્મહાજ્ઞાનપ્રકાશિની ।
સાધકા ભૈરવઃ સાક્ષાજ્જરામરણવર્જિતઃ

ધનદસ્ય ન સા ભૂતિ ન શક્રસ્ય પ્રજાયતે ।
યા ભૂતિ સાધકસ્યૈવ ભવેત્ત્રૈલોક્યદુર્લભા

પઞ્ચવક્ત્રક્રમં દેવિ પઞ્ચકાલ્યાનુશાસિતા ।
ગુહ્યકાલી મહાદેવી વૈષ્ણવી બ્રહ્મરૂપિણી

વામદેવાશ્રિતા સર્વમહાભૈરવકોટયઃ ।
ગણેશવટુયોગિન્યઃ શતકોટિસહસ્રકા

ભૂતવેતાલડાકિન્યો ચેટકા રાક્ષસાઃ ખગાઃ ।
ફેનવા કાકગૃધ્રાશ્ચ ઉલૂકા ગરુડાદકાઃ

શૃઙ્ગાલી કઙ્કતી યુગા નાનારૂપા મહાબલાઃ ।
આમ્નાયજ્ઞા વદન્તીહ ઉત્તરં તુ નિરુત્તરમ્

॥ ઇતિ શ્રીપરાતન્ત્રે ઉત્તરામ્નાય ગુહ્યકાલિ પટલશ્ચતુર્થઃ

પઞ્ચમઃ પટલઃ
ઊર્ધ્વસિંહાસનં વક્ષ્યે ત્રૈલોક્યૈશ્વર્યસૂચકમ્ ।
સર્વચક્રેશ્વરી નિત્યા સર્વામ્નાયપ્રપૂજિતા

સર્વસિંહાસનમયી ઈશાનાસનસંસ્થિતા ।
પરબ્રહ્મેશ્વરી માયા દેવી નારાયણી સ્મૃતા

નિદ્રા બુદ્ધિઃ ક્ષમા ક્ષાંતિઃ ક્ષુધા લજ્જા સ્મૃતિર્ધૃર્તિઃ ।
પ્રજ્ઞા શાંતિ પ્રભા જ્યોતિ તસ્યા પાદાંગુલીનખે

યસ્યા દૃગ્યાનમાત્રેણ સાક્ષાલ્લક્ષ્મીપતિર્ભવેત્ ।
યસ્થાર્ચાકર્મસુરતા યસ્યા માર્ગાનુસારિણી

રાજરાજસમો ભૂત્વા સુરરાજસમોપિ વા ।
ભુક્ત્વા તુ વિપુલાન્ભોગાન્નન્તે નિર્વાણમાપ્નુયાત્

કદાચિદ્યોષિતો ભૂત્વા કદાચિત્પુરુષો ભવેત્ ।
વિષ્ણુરૂપેણ સકલં દુષ્ટાન્સર્વાન્વિનાશયેત્

જગદ્વ્યાપ્તાવનીમાયા મોહયેત્સ સુરાઽસુરાન્ ।
અનૂપારૂપિણી ભૂત્વા સુન્દરી કથયામિ તે

પદ્મરાગપ્રતીકાશં કુંકુમોદકસન્નિભામ્ ।
સુભ્રુવાં ચ સુનેત્રા ચ સુન્દરી ચારુહાસિની

પ્. ૨૦) કૃશમધ્ય ચતુર્બાહ્વી ખણ્ડેન્દુકૃત શેખરામ્ ।
ત્રિનેત્રા સર્વભૂષાઙ્ગી ચારુવેશા મનોરમામ્

પાશાંકુશેક્ષુચાપઞ્ચ પઞ્ચવાણધનુર્ધરામ્ ।
બ્રહ્મવિષ્ણુરુદ્ર-ઈશા પઞ્ચમણ્ડપપાદુકામ્

સદાશિવાખ્ય પર્યંઙ્કસંસ્થિતા પરમેશ્વરી ।
પરાશક્તી સુન્દરીતિ ત્રિપુરેશીતિ ગીયતે

મહામોક્ષપ્રદા દેવી પરબ્રહ્મસ્વરૂપિણી ।
બહુભેદા વિશાલાક્ષા બહુરૂપા પ્રકાશિની

કામેશ્વરી રુદ્રશક્તી પૂર્ણપીઠાવતારિણી ।
વજ્રેશી વૈષ્ણવી નિત્યા કામરૂપનિવાસિતા

શક્તીશ્વરી ભગેશી ચ જાલન્ધરે પ્રતિષ્ઠિતા ।
બ્રહ્મશક્તી સમુલ્લાસપીઠમહ્વરવિગ્રહા

ઉડ્યાનપીઠનિલયા પરબ્રહ્માત્મિકા શિવા ।
સર્વચક્રેશ્વરી સર્વપીઠેશી મન્ત્રવિગ્રહા

સર્વમન્ત્રેશ્વરી સર્વદેવેશિ દિવ્યવિગ્રહા ।
ષડામ્નાયેશ્વરી નિત્યા નિરંસા નિઃપરિગ્રહા

નિત્યા ષોડશવિદ્યાયા નવચક્રે વ્યવસ્થિતા ।
નવચક્રેશ્વરી નિત્યા નવકોણાગ્રતસ્થિતાઃ

ત્રૈલોક્યમોહનં ચક્રં સર્વાશાપરિપૂરકમ્ ।
સર્વસંક્ષોભણં ચક્રં સર્વસૌભગ્યદાયકમ્

પ્. ૨૧) સર્વાર્થસાધકં ચક્રં સર્વરક્ષાકરં પરમ્ ।
સર્વકામપ્રદં ચક્રં સર્વસિદ્ધિપ્રદાયકમ્

સર્વાનન્દમયં ચક્રં નવમં ચક્રનાયિકામ્ ।
સર્વતદ્વૈન્દવે લીનાં તચ્છ્રીચક્રમુદારિતમ્

ત્રિપુરા ત્રિપુરેશી ચ સુન્દરી પુરવાસિની ।
શ્રીર્માલિની ચ સિદ્ધામ્બા મહાત્રિપુરસુન્દરી [મહાત્રિપુરભૈરવી]

અનેકદેવતાવૃન્દલીના ચક્રેષુ સંસ્થિતા ।
વૈન્દવો ચ ત્રિકોણે ચ અન્તરાલેઽષ્ટકોણકે

દ્વિદશારે ચ મન્વસ્રે નાગપત્રેષુ સર્વતઃ ।
પત્રષોડશસંખ્યાતે ચતુરસ્રે ગુણસ્પૃહમ્

રેખાયુક્તચતુર્દ્વારે ત્રૈલોક્યં તત્ર પાર્વતિ ।
હિરણ્યરજતે તામ્રે મણૌ પત્રેથ ભૂર્જકે

કૌશેયસ્થણ્ડિલે વાપિ દૃષ્ટ્વા તુ પ્રણમન્પ્રિયે ।
સર્વતીર્થેષુ સુસ્નાત સર્વયજ્ઞેષુ દીક્ષિતઃ

સર્વદઃ સર્વવિત્સાક્ષાન્મહેશ્વરસમો ભવેત્ ।
શ્રીચક્રં કારયિત્વા તુ યો દદ્યાત્સાધકાય ચ

ભૂચક્રં તેન દત્તં હિ સશૈલવનકાનનમ્ ।
સ વૈ મહાપશુપતઃ સ વૈ વૈષ્ણવસત્તમઃ

સર્વદઃ સર્વદર્શી ચ બ્રહ્મજ્ઞાની સ વૈ સુધીઃ ।
મહાદાનાનિ યે પ્રોક્તાઃ મુનિભિઃ બ્રહ્મવાદિભિઃ

પ્. ૨૨) તત્ફલં લભતે નૂનં શ્રીચક્રસ્ય પ્રભાવતઃ ।
કોટિલિઙ્ગપ્રતિષ્ઠસ્ય યત્ફલં સમુદાહૃતમ્

તત્ફલં લભતે નૂનં શ્રીચક્રસ્ય ચ પૂજનં ।
વિષ્ણોઃ કોટિપ્રતિષ્ઠાયાઃ ફલં પ્રાપ્નોતિ નિશ્ચિતં

હિરણ્યે રજતે તામ્રે મણૌ ભૂર્જે ચ પટ્ટકે ।
અઙ્કયિત્વા ધારયેદ્યસ્તુ કંચે કણ્ઠે ભુજેપિ વા

યાનિ કાનિ ચ પાપાનિ બ્રહ્મહત્યાસમાનિ ચ ।
મુચ્યતે સર્વપાપેભ્યઃ શ્રીચક્રસ્ય ચ ધારણાત્

પાપાનિ વિલયં યાન્તિ જ્ઞાનાજ્ઞાનકૃતાનિ ચ ।
સર્વં સંદહ્યતે શીઘ્રં ચક્રરાજસ્ય ધારણાત્

ભૂતપ્રેતપિશાચૈર્વા શ્વાપદૈર્બ્રહ્મરાક્ષસૈઃ ।
ડાકિનીશાકિનીભિર્વા વીક્ષિતું નૈવ શક્યતે

મહાક્રૂરગ્રહૈર્વાપિ જન્મસ્થાનસ્થિતોપિ વા ।
ગોચરે લગ્નગે વાપિ સર્વં શુભગ્રહં ભવેત્

અકાલમૃત્યું હરતિ સદા સન્નિહિતા પરા ।
પરા સન્નિહિતા યત્ર કિં કુર્વન્ત્યન્યદેવતા

શ્રીચક્રં ધારયિત્વા તુ યસ્તુ પ્રાણાન્પરિત્યજેત્ ।
કાંકટેનાનુરીક્ષે વા નિષિદ્ધે કશ્મલેપિ વા

કૃત્વા ચાન્દ્રીયલૌલ્યેન પાપાનિ સુબહૂન્યપિ ।
સ કૈવલ્યં લભેન્નૂનં ન પુનર્જન્મભાગ્ભવેત્

પ્. ૨૩) યમદૂતાઃ પલાયન્તે કૃત્વા શ્રીચક્રધારિણમ્ ।
બ્રહ્મજ્ઞાનેન વા મોક્ષઃ કાશ્યાં વા યસ્તનું ત્યજેત્

શ્રીચક્રધારણાદ્વાપિ ત્રયો મોક્ષસ્ય કારણમ્ ।
સર્વદેવગણાસ્તત્ર સર્વધર્મશ્ચ તત્ર વૈ

ગઙ્ગાદ્યાઃ સરિતઃ સર્વે પુષ્કરાદ્યા જલાશ્રિતાઃ ।
પુરુષાર્થમનુષ્યાશ્ચ ક્ષેત્રાનન્દવનાદયઃ

વાજિમેધાદિયજ્ઞસ્ય ફલં ત્વવિકલં ભવેત્ ।
વામદક્ષિણયાગેન સુન્દરી દ્વિવિધા સ્મૃતા

સુન્દરી દ્વિવિધા પ્રોક્તા વામદક્ષિણ સાનલા ।
અચિરેણ ભવેદ્વામઃ સર્વકામાનસંશયઃ

દક્ષિણાચારયાગેન ભિક્ષૂનાં પરમા સ્મૃતા ।
તદન્યાચારયોગેન આશુ સિદ્ધિફલં લભેત્

વેદોક્તૈર્દક્ષિણાચારૈઃ કૈવલ્યં કેવલં ફલમ્ ।
અત એવ મહાદેવિ સાક્ષાદ્બ્રહ્મસ્વરૂપિણી

ષોડશાર્ણા મહાદેવી વાચ્યરૂપેણ સંસ્થિતા ।
તુરીયા સા મહાવિદ્યા સાક્ષાજ્જાગ્રત્સ્વરૂપિણી

વક્ત્રકોટિસહસ્રૈસ્તુ જિહ્વાકોટિશતૈરપિ ।
વણિતું નૈવ શક્નોમિ શ્રીવિદ્યા ષોડશાક્ષરીમ્

બ્રહ્મવિદ્યાસ્વરૂપા સા ભુક્તિમુક્તિફલપ્રદા ।
એકોચ્ચારણં દેવેશિ રાજસૂયસ્ય કોટયઃ

પ્. ૨૪) ષોડશાર્ણા મહાવિદ્યા ન પ્રકાશ્યા કદાચન ।
વિના ગુરુપ્રસાદેન શ્રીવિદ્યા ષોડશાક્ષરી

દૃષ્ટ્વા પ્રજપતે યસ્તુ સ ભક્ષો યોગિનીગણૈઃ ।
શ્રીગુરોઃ કૃપયા લબ્ધો ન પ્રકાશ્યા કદાચન

વિના ગુરુપ્રસાદેન જપેન્નૈવ કદાચન ।
શ્રીગુરોઃ કૃપયા લબ્ધા સર્વસૌભાગ્યદાયિની

સુધાસુરઙ્ગિની વેગશબ્દચાતુર્યદાયિની ।
સૌભાગ્યભાગસંપન્ના કલાકુશલદાયિની

ભુવનત્રયસૌભાયં ત્રૈલોક્યાકર્ષણં તથા ।
પરંબ્રહ્મણિ લીનત્વં દદાતિ યશ ઉત્તમમ્

ષોડશાર્ણા મહાવિદ્યા ભુક્તિમુક્તિફલપ્રદા ।
નિઃસરન્તિ મહાવિદ્યા વિસ્ફુલિઙ્ગા યથા પ્રિયે

સાક્ષાત્સચ્ચિન્મયી નિત્યા જ્ઞાનમોક્ષપ્રદાયિની ।
મહાસંપત્પ્રદા વિદ્યા સાક્ષાદક્ષરરૂપિણી

ષોડશાર્ણા મહાવિદ્યા શ્રીવિદ્યા કથિતા પુરા ।
નિધીનાં રક્ષણં કાર્યં ચૌરેભ્યસ્તુ યથા પ્રિયે

પ્રાણેનાપિ રક્ષણીયા શ્રીવિદ્યા ષોડશાક્ષરી ।
ન દેયા યસ્ય કસ્યાપિ દેયા પ્રાણપ્રદાયિની

રાજ્ઞરાજ્યપ્રદેયાનિ પ્રાણેભ્યોઽપ્યધિકાય ચ ।
સૌવર્ણં રાજતં તામ્રં શ્રેષ્ઠમધ્યમથાધમં

પ્. ૨૫) તામ્રં લક્ષગુણં પ્રોક્તં રૌપ્યં કોટિગુણં ભવેત્ ।
સૌવર્ણાનન્તફલદં અથાસૌ કિં બ્રવીમિ તે

બાલા સા પ્રથમા વિદ્યા તતો વાગ્ભૈરવી સ્મૃતા ।
સંપત્પ્રદા શ્રીપદાશ્ચ તતસ્ત્રિપુરભૈરવી

બિન્દુમાલિની ચિલ્લેખા હૃલ્લેખા શ્રીપરાકલા ।
ષટ્કૂટા નવકૂટા ચ લોપામુદ્રા ત્રિકૂટિકા

પઞ્ચમી પઞ્ચકામિન્યવિદ્યા શ્રીકામરાજકં ।
ષોડશાર્ણા મહાવિદ્યા સા વૈ શ્રી પરમા પરા

પરાયુક્તા ચ પ્રાસાદઃ શામ્ભવં સમુદાહૃતઃ ।
અણિમાદ્યા મહાસિદ્ધિ અન્તરાયપ્રકીર્તિતાઃ

પઞ્ચસિંહાસનદેવ્યાઃ મહાત્રિપુરસુન્દરી ।
સાક્ષાજ્જાગ્રત્સ્વરૂપા ચ વૈષ્ણવી પરદેવતા

સર્વસ્વરૂપિણી નિત્યા પ્રકૃતિ પરમેશ્વરી ।
સર્વજીવસ્વરૂપા ચ વ્યાપ્ય સર્વત્ર સંસ્થિતા

સિવશક્તિઃ વયો નાસ્તિ પુમાન્નસ્ત્રી નપુંસકઃ ।
સર્વજીવસ્વરૂપા ચ આદાત્મલિઙ્ગસ્વરૂપિણી

સર્વોત્પત્તિહેતુભૂતા યોનિરિત્યભિધીયતે ।
સિંહાસનસ્વરૂપાયા ઊર્ધ્વામ્નાય મયોદિતમ્

લેશમાત્રં મહાદેવિ સાક્ષાજ્જાગ્રત્સ્વરૂપિણી

॥ ઇતિ શ્રી પરાતન્ત્રે શ્રીવિદ્યા ઊર્ધ્વામ્નાયક્રમઃ પટલઃ પઞ્ચમઃ

ષષ્થઃ પટલઃ
અધામ્નાયં શૃણુષ્વ ત્વં સાવલિજિનમાતૃકા ।
અશેષકર્મનિર્માણા કલૌ શીઘ્રફલપ્રદા

બૌદ્ધમાર્ગે નિરાતઙ્કા નિરર્ગલ નલપ્રભા ।
આત્માયાન્તરસારાણિ ખ્યાતા સા વજ્રયોગિની

ત્રિવક્ત્રા રક્તવર્ણા ચ નૃત્યપાદા શવાસના ।
ત્રિનેત્રા મણ્ડલં વ્રીતેહાદાભરણભૂષિતા

મુણ્ડમાલાવિભૂષાઙ્ગી વ્યાલયજ્ઞોપવીતિનિ ।
વ્યાઘ્રચર્મામ્બરા દેવી સિંહચર્મોત્તરીયકા

।
વૈરોચની વજ્રપૂર્વા વજ્રઘણ્ટા વરપિવા ।
ચતુર્ભુજા પ્રેતસંસ્થા બર્બરાર્દ્ધશિરોરુહા

કર્તૄકપાલખટ્વાઙ્ગડમરું ચ ધૃતા કરૈઃ ।
સૌગતાનુગમા સાક્ષાત્કલૌ શીઘ્રફલપ્રદા

ઇહૈવ ફલદા નિત્યા નાપવર્ગફલપ્રદા ।
સૌગતાનુગમા સર્વા નાનાભેદસમાશ્રિતા

કાલચક્રં સમ્વરં ચ હયગ્રીવાખ્ય ભૈરવમ્ ।
યોગામ્બરં ચ કાલેશં સા બલિસૌગમાશ્રિતાઃ

॥ ઇતિ શ્રીપરાતન્ત્રે ષડામ્નાયભેદે અધામ્નાયક્રમઃ પટલઃ
ષષ્ઠઃ

સપ્તમઃ પટલઃ
શ્રી દેવ્યુવાચ
દેવદેવ મહાદેવ સર્વજ્ઞ પરમેશ્વર ।
અત્યદ્ભુતમહં મન્યે કાલીક્રમકુલોદ્ભવમ્

મનઃ સંકંપતેતીવલોમહર્ષશ્ચ જાયતે ।
કથં સા કાલિકા દેવી શતકોટિપ્રભેદતઃ

એતદ્ભેદત્રયં ક્વાપિ ન શ્રુતં પરમેશ્વર ।
સર્વં કાલિક્રમાશ્રિત્ય સ્થિતે ચ ભાસતે મનઃ

ચક્રેશ્વરી ચક્રભેદં કા ચ સર્વાધિકાશ્રિતા ।
ક્રમભેદકુલોદ્ભેદં કથં પૂજાક્રમં પ્રભો

તસ્યાર્ચનેન દેવેશ લભેદ્વા કિ મહાફલમ્ ।
ઇહ ચામુત્ર કિં ભુંક્તે સાધકઃ પરમેશ્વર

કથં કાલી હ્યનાલંબા કાલં વા કાલઘસ્મરા ।
નિર્ગુણા નિષ્કલા નિત્યા નિરંશેતિ ત્વયોદિતા

કોટિભેદલક્ષભેદવક્ત્રં યદિ ન શક્યતે ।
મુખ્યમાર્ગાનુગા દેવી નાયિકાં વદ શઙ્કર

યસ્યાર્ચને ન સકલં કાલિકાપૂજિતં ભવેત્ ।
એક એવ પરા નિત્યા યા દેવી ચિતિરૂપિણી

પ્. ૨૮) સર્વસ્વરૂપા સર્વેશી ચિતિરૂપા શ્રિતા પરા ।
યસ્યામુત્પદ્યતે વિશ્વં લીયતે સ્થીયતે પુનઃ ॥ ૯ ।
વદ દેવ મહેશાન નમસ્તે શશિશેખર ।
તાસાં ચક્રેશ્વરી નિત્યા કા રૂપા કેતિ સંખ્યકા

અમૃતસ્યૈવ પાનેન યથા તૃપ્યન્તુ દેવતા ।
નાયિકાં ક્રમભેદઞ્ચ શ્રુત્વા તૃપ્યામિ પુષ્કલઃ

વદ ખેદો ન તે દેવ સર્વજ્ઞ સર્વ સર્વદા

શ્રીસદાશિવ ઉવાચ
બ્રહ્માણ્ડકોટિલક્ષાણિ ભસ્મ સા કુરુતે યસા ।
તાં કાલગ્રાસરસનાં કાલસંકર્ષિણીં નમઃ

યસ્યા ક્રીડાર્થમખિલં બ્રહ્માણ્ડં કન્દુકાયતે ।
તાં કાલગ્રાસનરતાં કાલસંકર્ષિણીં નમઃ

શૃણુ દેવિ પ્રવક્ષ્યામિ યત્ત્વયા મનુપૃચ્છતે ।
એકા એવ પરાશક્તિઃ બહુભેદપ્રકાશિની

નિત્યા નિરંશા સા દેવી બ્રહ્મસત્યપ્રકાશિની ।
વક્ત્રકોટિસહસ્રૈસ્તુ જિહ્વા કોટિશતૈરપિ

વર્ણિતું નૈવ શક્નોતિ શતાબ્દેનાપિ સુન્દરિ ।
પઞ્ચવક્ત્રેણ જિહ્વાભિઃ પઞ્ચભિઃ પરમેશ્વરિ

લક્ષકોટિપ્રભેદેષુ દશમાત્રં વદામિ તે ।
કાલિકા ક્રમભેદેષુ યા શ્રેષ્ઠા મોક્ષદાયિની

પ્. ૨૯) તાનિ તે કથયિષ્યામિ ક્રમપઞ્ચવિનિર્ણયમ્ ।
પરંબ્રહ્મમયી નિત્યા સાક્ષાજ્જાગ્રત્સ્વરૂપિણી

નિર્લેપા નિર્ગુણા નિત્યા ગુણૈઃ સંક્રીડતે જગત્ ।
ન પુમાન્ન સ્ત્રિયઃ સાક્ષાન્ન ષણ્ઢઃ પ્રાકૃતો ન ચ

અવ્યક્તરૂપા પરમા જાગ્રદ્ગુણગુણાલકા ।
પૃથિવી વાયુરાપોગ્નિ ખં પઞ્ચભૂતસન્મતા

તસ્યા રૂપમિદં સૃષ્ટ્યર્થં સૃજતે ગુણૈઃ ।
ધારણી પરમા દેવી ધરણ્યાદિશિવાન્તયા

પૃથુત્વાત્પૃથિવીત્યુત્કાતતઃ સર્વં મહાહ્યભૂત્ ।
સર્વજીવં પ્રાણયન્તી સર્વત્ર ચરણક્ષમઃ

સમ સર્વત્ર પ્રત્યાયુર્ગુણૈર્વાયોઃ સમાર્પિતઃ ।
ચતુર્વિધં જીવનાચ્ચ જગત્સ્થાવરજઙ્ગમમ્

જલૈઃ સમુદ્ધયત્સર્વં તદ્ગુણં સા જલોત્થિતમ્ ।
દહત્યગ્નિ જગત્સર્વં સ મધ્યં મધ્યમેવ વા

તેજસા પ્રજ્વલન્નેવ તેજા સાસ્યા સમાશ્રિતા ।
વ્યાપકત્વાન્મહત્વાચ્ચ નિરંશત્વાદ્ગુણાશ્રયાત્

આકાશ હ્યર્પિતા દેવ્યાઃ સર્વ સંધાર્યતે ગુણાઃ ।
મહાસૌભાગ્યજનની મહાસારસ્વતપ્રદા

મહાસૌન્દર્ય શુભગા મહામૃત્યુવિનાશિની ।
બ્રહ્મવિષ્ણુસુરેન્દ્રાદિવન્દિતાયૌઘહારિણી

પ્. ૩૦) સર્વતીર્થમયી દેવી સર્વધર્મમયી શિવા ।
સર્વક્ષેત્રમયી પુણ્યા સર્વકાર્યાર્થસાધિની

મહાભોગપ્રદા શાન્તા મહામોક્ષફલપ્રદા ।
યસ્યા પ્રભાવતો દેવી સર્વશુદ્ધ્યતિ નાન્યથા

વામાચારરતા વાપિ દક્ષિણાચારકૃદ્ભવેત્ ।
નિરાચારાપિ સાચારા પાપો ધર્મ ન વિદ્યતે

કિમાચારવિચારેણ યદિ કાલ્યાર્ચને રતઃ ।
વિનાચારવિચારેણ યદિ કાલ્યા ન દીક્ષિતા

નિરાચારા ક્રિયા સર્વા સાચારા ક્રિયતે ય સા ।
સ્વેચ્છાત્ર ભક્ષનિયમો નિરાહારસમસ્મૃતમ્

કાલીનામાક્ષરપદં જપન્યાવાનિ નશ્યતે ।
મહાપાતકકોટીનિ લીલયૈવ વિનશ્યતે

દહ્યતે સર્વપાપાનિ તૂલરાશિમિવાનલઃ ।
ચક્રોદ્ધારં પ્રવક્ષ્યામિ શૃણુષ્વૈકમના શિવે

બિન્દુ ત્રિકોણ પઞ્ચારનવકોણ પુનર્લિખેત્ ।
અષ્ટારં ચાષ્ટદલકં દશદ્વાદશકં તથા

ષોડશં દલ સંલિખ્ય મુણ્ડપ્રાકાર સંલિખેત્ ।
ચતુઃપઞ્ચાશકં દેવી કવધ સમુદાહૃતમ્

ત્રિશૂલાગ્ર મુણ્ડમાલા ચતુઃપઞ્ચાશકં પ્રિયે ।
અષ્ટદિક્ષુ શ્મશાનાષ્ટ વિલિખેત્કામદાયકમ્

પ્. ૩૧) જ્વલિતાગ્નોદક્ ચ શવં શૃગાલોલૂકભૈરવમ્ ।
કાકવેતાલ ચૈત્યઞ્ચ લિઙ્ગં ચાષ્ટશ્મશાનકે

ચિતાષ્ટદિક્ષુ પ્રલિખ્ય મહાપાતકનાશનમ્ ।
હિરણ્યં રજતે તામ્રે મણૌ વાપિ ચ ટઙ્કિતે

ચન્દનાગરુ કર્પૂરનાભિકાશ્મીર સિન્દુરૈઃ ।
રક્તચન્દનયુક્તેન હેતુના ઘૃષ્ટયેત્સુધીઃ

ભાજને લેપયેત્તેન લિખેદ્ધેમશલાકયા ।
ઋજુરેખા સુરેખેન રમ્યદૃષ્ટિમનોહરમ્

પ્રતિમાયાં પટે વાપિ સ્થણ્ડિલે પુસ્તકે હૃદિ ।
ખડ્ગે વાપિ ત્રિશૂલે વા મહાપાત્રેઽથવા સ્ત્રિયામ્

એતે નવસુ વૈ પૂજ્યા નવયોનિપરા પ્રિયા ।
દિવાયાં બ્રહ્મચર્યે વૈ મઙ્ગલાયાઃ પ્રપૂજયેત્

રાત્રૌ યથેચ્છયા પૂજ્યા કાલિકા કુલશાસિની ।
કૂટસ્થ પ્રકૃતિ સ્વામ્બા લીલા ભુવનપાવની

વૃહદ્વૃહદ્વતિપ્રોક્તા રેણ્વાદપિ મહામનુ ।
અરૂપાયાં તુ વક્ષ્યામિ રૂપમવ્યક્તરૂપિણીમ્

વિના ધ્યાનેન વૈ પૂજા સકલાપ્યકલા સ્મૃતા ।
તસ્માત્સાધક સિદ્ધ્યર્થં ધ્યાનયોગં વદામિ તે

પિતામહેન દેવેન માં સમારાધ્ય પ્રાર્થિતઃ ।
તુષ્ટેન વૈ મયા પ્રાદાદ્બ્રહ્મણે લોકસર્જને

પ્. ૩૨) બ્રહ્મણાપિ પુલસ્ત્યાય દત્તં કાલિકુલક્રમમ્ ।
તેન વિશ્વવસે પ્રાદાદ્વિશ્રવા ધનદાય ચ

તતો લઙ્કાધિપાઃ સર્વે વંશાઃ કાલિક્રમાનુગાઃ ।
દશાસ્યં કુમ્ભકર્ણં ચ વિભીષણમહેન્દ્રજીત્

હિરણ્યકશિપુર્વાણો વલિર્જાલન્ધરસ્તથા ।
અમ્બરીષોર્દ્ધમાન્ધાતા નહુષો હૈહયાદયઃ

નારદાદ્યા મુનિગણો દુર્વાસા ગાધિનન્દનઃ ।
વિરૂપાક્ષાદયઃ સિદ્ધા રેમિરે સ્વેચ્છયા મુદા

તસ્યા પ્રસાદલેશેન ત્રૈલોક્યવિજયો ભવેત્ ।
બ્રહ્મણા પ્રેરિતઃ પશ્ચાલ્લંકેશ્વરવધાય ચ

વિશ્વામિત્રવસિષ્ઠાભ્યાં રાઘવાય પ્રદત્તવાન્ ।
સૂરયૂતીરતીર્થે વૈ દશોનાહૃચ્છતાક્ષરી

ત્રિશતાક્ષરિ મન્ત્રે વૈ ત્રિલોક્યૈશ્વર્યદાયિની ।
દશવર્ણા મયા દેવી ગોપિતાઃ યત્નતઃ પુરા

યદિ પૂર્ણા ભવે દેવિ મન્ત્રં વૈ ત્રિશતાક્ષરીમ્ ।
યો જાનાતિ સ પુણ્યાત્મા ભૈરવોહં ન સંશયઃ

મન્ત્રમાતેતિ વિખ્યાતા ત્રૈલોક્યૈશ્વર્યદાયકં ।
સમસ્તમન્ત્રજનની સર્વમન્ત્રપ્રવૃંહિણી

બહુધા વર્ણિતં મન્ત્રમાતા સર્વપ્રદાયિની ।
ત્યઙ્ગિરા મહાકાલી મોક્ષસૌખ્યપ્રદાયિની

પ્. ૩૩) નાનયા સદૃશી વિદ્યા વિદ્યતે ભુવનોદરે ।
રાજ્યદા ધનદા મોક્ષદાતૃ કૈવલ્યદાયિની

તેનાસ્તવે ચ રામેણ રાવણો વિનિપાતિતઃ ।
આદ્યા કાલી ક્રમં પઞ્ચ એકા સા પઞ્ચધા ગતા

કાલી કુલસમુદ્ભવ પુરસ્તનાવતારિતા ।
કુમારી ત્રિમુખા કાલી નવકાક્ષરા સ્થિતા

આદ્યા યા સૃષ્ટિકાલી ચ દ્વિતીયા સ્થિતિકાલિકા ।
સંહારકાલિકા ઉગ્રા તૃતીયા દિવ્યરૂપિણી

અનાખ્યા કાલિકા દેવી ચતુર્થયેમાશ્રિતા ।
ભાષાકાલી પઞ્ચમી તુ અદ્વૈતભાવમાસ્થિતા

અભિન્નરૂપાસ્તા સર્વા ગુહ્યકાલીતનૌ શ્રિતા ।
તથા તનૌ તથા પાદા શરીરાવયવાઙ્ગેષુ

શરીરાવયવા વક્રા બાહ્વાદીનાશનં દિકામ્ ।
પઞ્ચકાલી મહાગ્રાસા એકા સા ભિન્નરૂપિણી

આત્મા વૈશ્વરભૂતા યા ગુહ્યકાલી પ્રકીર્તિતા ।
તાસાં ધ્યાનં પ્રવક્ષ્યામિ શૃણુ પાપતયાપહમ્

અથ વક્ષ્યે મહાદેવ્યા ધ્યાનયોગમનુત્તમમ્ ।
યોગવિજ્ઞાનમાત્રેણ સાધકઃ સિદ્ધિભાગ્ભવેત્

નીલોત્પલદલશ્યામા નીલરત્ના વિનિર્મિતા ।
જ્ઞાનલક્ષ્મીચ્છટાટોપજ્યોતિર્મણ્ડલસંભવા

પ્. ૩૪) દશવક્ત્રા મહાકાલી સપ્તવિંશતિલાચના ।
અષ્ટોત્તરશતાર્દ્ધં ચ ભુજાદણ્ડૈ નરાનના

દીપકં ઊર્દ્ધકં વક્ત્રં ચણ્ડયોગેશ્વરી મતમ્ ।
જ્યોતિર્મયમહાવક્ત્રં નિર્વાણપદદાયિની

તદધઃ સિંહવદનં શ્વેતવર્ણં સુભાસ્વરમ્ ।
ફેરુવક્ત્રં ચ તદધઃ કૃષ્ણં ત્રૈલોક્યડામરમ્

કપીન્દ્રસ્ય મુખં વામે રક્તવર્ણં મહોલ્વણમ્ ।
કોલવક્ત્રં ભવેદ્દક્ષં ધૂમ્રવર્ણં ભયાનકમ્

તાર્ક્ષ્યવક્ત્રં ચ વામઞ્ચ પિંગવર્ણસચુઞ્ચુકમ્ ।
દક્ષિણે મકરાસ્યં ચ હરિતાભં પ્રકીર્તિતમ્

ગજાસ્યં વામકે પ્રોક્તં ગૌરવર્ણં મહોલ્વણમ્ ।
હયાસ્યં દક્ષિણે કાલ્યા શ્યામવર્ણં વિચિન્તયેત્

સર્વદંષ્ટ્રા કરાલા ચ ત્રિનેત્રા ભીમનાદિની ।
ભ્રભઙ્ગકુટિલા ભીમા કાલાસ્ય શ્રીમુખોત્તમા

પિઙ્ગલોર્ધ્વજટાટોપચન્દ્રાર્દ્ધકૃતશેખરા ।
નાનારત્નૈશ્ચ ઘટિકા શ્વેતકાદ્યાલિમાલિની

સપ્તવિંશતિમુણ્ડૈશ્ચ રક્તવિપ્લુષસંયુતા ।
વજ્રાણિ પુષ્પસંયુક્તં શિરોમાલા પ્રકીર્તિતાઃ

ચિદ્રત્નવટિકા કાદ્યં ખડ્ગપાશં ચ શક્તિકમ્ ।
ખટ્વાઙ્ગમુણ્ડધનુષં ચક્રં ઘણ્ટા ચ સુસ્વનઃ

પ્. ૩૫) વાલપ્રેતઞ્ચ શૈલઞ્ચ કઙ્કાલનકુલં તથા ।
સર્પં ચ કુટ્ટનીવંશષડમ્રં ઓવિકા પુનઃ

વહ્નિપાત્રઞ્ચ દણ્ડઞ્ચ સ્રુવમષ્ટાદકેશરી ।
વસ્ત્રમુદ્ગરડમરું વિભ્રતી વાણબાહુભિઃ

ચિદ્રત્નવટિકાકર્તૃતર્જન્યં કુશદણ્ડકમ્ ।
રત્નપૂર્ણં ચ કલશં ત્રિશૂલં દુષ્ટનાશનમ્

પઞ્ચપશુપતા વાણં પદ્મદ્વીપમનાગતમ્ ।
કુન્તઞ્ચ પાણિજાતઞ્ચ ફણિકા તોમરં તથા

પુષ્પમાલા ડિણ્ડિમં ચ ગૃદ્ધં સ્વસ્તિકવર્દ્ધની ।
કમણ્ડલુશ્રુવાઞ્ચૈવ પશુપુષ્ટિભયાપહમ્

નન્દ્યાવર્તં કુણ્ડલં ચ માંસખણ્ડસુશોભનમ્ ।
વીજપૂરફલં શૂચી વિભ્રતી દક્ષબાહુભિઃ

વ્યાઘ્રચર્મપરીધાનાં કાલચર્મોત્તરીયકામ્ ।
કિંકિણીજાલશોભાઢ્યાં વીરઘણ્ટાનિનાદિનીમ્

નૌપુરારાવનિર્ઘોષા ઘર્ઘરારાવભીષણા ।
કનકાઙ્ગદકેયૂરા મહાસ્થિકૃતશોભના

મુણ્ડમાલા ગલે દેવ્યા આપાદાન્તવિલમ્બિની ।
રક્તપદ્મમયીમાલાં શુષ્કકાદ્યલિકાસ્તથા

કાઞ્ચીકટ્ટારકોપેતાં કટિ દેવ્યા વિરાજિતાં ।
બ્રહ્મસૂત્રોજ્વલત્કણ્ઠાદ્યોગપટ્ટોત્તરીયકા

પ્. ૩૬) સૌમ્યાગ્રભૂષણૈર્યુક્તા નાગરાજાદ્યલંકૃતા ।
રક્તકુણ્ડલકર્ણ।શ્રી પઞ્ચકાલાસનસ્થિતા

શિવાસનં તદૂર્ધ્વં ચ નીલં નાદોર્ધ્વલાંછનમ્ ।
મહાર્ઘરત્નમાંસઞ્ચ કૃષ્ણવર્ણં ચતુર્ભુજમ્

એકવક્ત્રં ત્રિનયનં ભૈરવાભરણાન્વિતમ્ ।
કર્તૃકપાલહસ્તં ચ ડમરુખટ્વાઙ્ગધારિણમ્

એવં ભૈરવપીઠન્તુ દેવ્યા આસનમુત્તમમ્ ।
પઞ્ચપ્રેતં ચ તદધઃ બ્રહ્માદ્યાઃ પઞ્ચકારણાઃ

બ્રહ્મા વિષ્ણુશ્ચ રુદ્રશ્ચ ઈશ્વરશ્ચ સદાશિવઃ ।
પીતશ્યામં રક્તધૂમ્રં શ્વેતાભાવં ચ કારણાઃ

દણ્ડચક્રશક્તિશૂલખટ્વાઙ્ગાયુધધારકાઃ ।
તર્જનીમુખનિઃક્ષિપ્તા શિવધસ્થા ત્રિલોચના

પિઙ્ગરક્તત્રિગુણ્યાભિહેતુત્કારણભીષણા ।
વજ્રદંષ્ટ્રા નખસ્પર્શા પદ્મપૃષ્ઠે શિવોત્તમા

શચીપત્યાદિરન્તં ચ દિગવર્ણં સવર્ણકમ્ ।
ઇન્દ્રં પીતાભવજ્રં ચ વહ્નિં રક્તં સશક્તિકમ્

યમં કૃષ્ણં ચ દંડં ચ ધૂમ્રં નૈરૃત્યખડ્ગકમ્ ।
વરુણં પાશશુભ્રાસ્ય વાયુઃ શ્યામાંકુશધ્વજમ્

કુવેરં કુંકુમગદાં શુભ્રમીશાનશૂલકમ્ ।
દિગષ્ટપતયે જ્ઞેયમાસનં પરિકીર્તિતમ્

પ્. ૩૭) શુક્લં કૃતયુગં જ્ઞેયં પીતં ત્રેતાયુગં સ્મૃતમ્ ।
દ્વાપરં ચારુણં વર્ણં શ્યામં ચૈવ કલિ સ્મૃતમ્

ઋગ્વેદં શુક્લવર્ણં ચ યજુર્વેદં સુવર્ણવત્ ।
સામં રક્તમિતિ ખ્યાતં કૃષ્ણાથર્વણમુચ્યતે

ઉપવેદસ્તથા વર્ણા નવમાસનમુચ્યતે ।
સહસ્રસૂર્યજ્વાલાગ્રમાસનં પરિકીર્તિતમ્

પદ્મોપરિસ્થિતા દેવી નૃત્યમાના સદોદિતા ।
અથવા સુખ ચાસીનં સર્વદેવાધિયન્ત્રિતા

સહસ્રસૂર્યપ્રતિભાં દુર્નિરાક્ષા દુરાસદામ્ ।
સર્વદેવાશ્રયી નિત્યા માલિની જયમઙ્ગલા

મુક્તહૂ।કારજિહ્વાગ્રલાલયન્તં વિચિંતયેત્ ।
પ્રત્યાલીઢપદા વાપિ નૃત્યમાનાપિ ચ સ્મરેત્

સર્વમન્ત્રમયી ધીરા સર્વલક્ષ્મી જયેસ્વિરા ।
એવં ધ્યાયા મહાકાલીમભીન્ન નવયૌવના

ભાસાક્રમસ્ય મધ્યસ્થા ચક્રેશી પરમેશ્વરી ।
પંચકાલી પ્રભેદાસ્તુ વિશેષં શૃણુ પાર્વતિ

નવવક્ત્રા મહાકાલી સપ્તવિંશતિલોચના ।
ઊર્ધ્વં જ્યોતિર્મયં વક્ત્રં ચણ્ડયોગેશ્વરીભિધામ્

ચિદ્રત્નવટિકા મુદ્રા મૂલ્યદેવ્યાસ્તુ એવ સા ।
વક્ત્રૈકરત્નમુદ્રાં ચ વિહીના પંચકાલિકા

પ્. ૩૮) વક્ત્રં શસ્ત્રં ભુજં માલામાસનાનિ ક્રમાણિ ચ ।
ભૂષણાદીનિ વર્ણાનિ યથા શ્રીગુહ્યકાલિકા

સૃષ્ટિસ્થિતી ચ સંહાર અનાખ્યાયાં મહેશ્વરિ ।
ભાષાકાલ્યા તુલ્યરૂપા વિશેષં સ ચ તાન્ શૃણુ

વિશેષિકા વિશેષેણ તદ્વક્ષ્યામિ ક્રમેણ તુ ।
નીલજીમૂતસંકાશા નવવક્ત્રા મહેશ્વરી

પૂર્વોક્તધ્યાનરાજે તુ તુલ્યા ચાન્યા મહેશ્વરી ।
બદ્ધપદ્માસના દેવી પીનોન્નતપયોધરા

જિહ્વાગ્રેન વામ દંષ્ટ્રાં દર્શયન્તીં ત્રિભઙ્ગિકામ્ ।
મદઘૂર્ણિતદીર્ઘાક્ષી ધ્યાનલોચનતત્પરા

ચિદ્રત્નવતિકાહ્યજ્યા વરદાભયપાણિની ।
તર્જન્યગ્રે સ્થિતં વજ્રં મૂર્તિં જ્વલનસપ્રભામ્

રશ્મિદ્વાદશસંયુક્તામનાક્ષેશીં સ્મરેત્સદા ।
સંહારચક્રમધ્યસ્થં નિર્માંસા કોટરાંબિકામ્

પ્રત્યાલીઢપદા દેવી દન્તોષ્ઠપૃષ્ઠપિડિંકા ।
લેલિહાના લલજ્જિહ્વા મુક્તહૂંકારરાવિણી

વરદાનં પરીત્યક્ષે વિત્રાણામજકેશરી ।
દશશક્તિસમાયુક્તાં વિશ્વસંહારકારિણી

સ્થિતિક્રમસ્ય મધ્યસ્થા ઈષત્પ્રહસિતાનના ।
ખર્વા લમ્બોદરી દેવી રાજલીનાસનસ્થિતામ્

પ્. ૩૯) અજકૃષ્ણો પરિત્યજ્ય બ્રહ્મકંકાલવલ્લભામ્ ।
વાદયંતી મહાકાલી સ્થિતિસ્થાં ષોડશાત્મિકામ્

સૃષ્ટિક્રમસ્ય મધ્યસ્થાં અટ્ટહાસસમન્વિતામ્ ।
ઊર્ધ્વા સમયદ ચારુલલિતા તનુવિગ્રહા

વિહાય બ્રહ્મવીણાઞ્ચ વિભ્રતી ચન્દ્રભાસ્કરૌ ।
યોનિપંચકમધ્યસ્થાં ધ્યાયેત્સૃષ્ટ્યૈકહેતવે

અનાખ્યાચક્રમધ્યસ્થા ભાસાદેવી જગન્મયી ।
સર્વા કાલીસૃતા દેવી ષોડશારે પ્રતિષ્ઠિતા

ચન્દ્રસૂર્યોપરિભ્યુજ્યા મઞ્જીરદ્વયધારિણી ।
જગદ્ભાસયતે ભાસાકાલી વિષ્ણુસમુદ્ભવા

બાલા કુમારી યા કાલી સર્વા સંસૃતરૂપિણી ।
ત્રિમુખાષ્ટભુજા દેવી કપાલમાલસંયુતા

પિબન્તુ રુધિરં દિવ્યં કૃષ્ણવર્ણા ત્રિલોચનમ્ ।
પાશાંકુશવજ્રશૂલં ખટ્વાઙ્ગં મુદ્ગરં તથા

મૃતબાલમુંડહસ્તં કપાલં રક્તપૂરિતમ્ ।
એવં ધ્યાત્વા મહાદેવી નાનાભોગફલપ્રદા

એતદેવ હિ ભેદોયં પઞ્ચકારસ્ય કારણમ્ ।
તતઃ સમસ્તરૂપાણિ કાલિકાક્રમોદ્ભવા

વિધિવત્પૂજયેન્નિત્યં વિધિલોપં ન કારયેત્ ।
યથા ગુરોપતિષ્ઠન્તુ તદેવ વ્રતમાચરેત્

પ્. ૪૦) દેવતામન્ત્રરૂપાણિ ગુરુરેવ ન સંશયઃ ।
શિવે રુષ્ટે ગુરુ ત્રાતા ગુરુ રુષ્ટે ન કશ્ચન

ગુરુરેવ સદા પૂજ્યો કાલિકાતુષ્ટિહેતવે ।
અન્ધે તમસિ સંમગ્ન ગુરુરેવ પરાં ગતિઃ

બન્ધુપુત્રસહસ્રેષુ માતુઃ પિતુ શતેષ્વપિ ।
એતેભ્યો ગૌરવત્વાચ્ચ ગુરુરિત્યભિધીયતે

બ્રહ્મહત્યાદિપાપાનાં નિષ્કૃતિઃ સમુદાહૃતમ્ ।
ગુરુદ્રોહિકૃતાનાં તુ નિષ્કૃતિર્નાસ્તિ પાર્વતિ

ગુરોશ્ચ દેવતાયાશ્ચ દ્વૈતભાવં ન કારયેત્ ।
સ્વાત્મવિક્રિયતો વાપિ ગુરુરેવ પ્રપૂજયેત્

ગુરુ તુષ્ટે જગત્તુષ્ટાવિત્યાજ્ઞા પરમેશ્વરી ।
ન માતા ન પિતા પુત્ર ત્રાતા બન્ધુ સુહૃન્નૃપ

।
ગુરોર્ગુરુતરં દેવિ ન કુર્યાત્ત્રિભિ સર્વથા ।
યસ્ય પ્રસાદાજ્જાનીયા ત્રૈલોક્યં સચરાચરં

ન તોષિતો ગુરુર્યેન તસ્ય સ્યાન્નિષ્ફલક્રિયા ।
યસ્ય વક્ત્રાદ્વિનિર્યાતા દેવી શબ્દમયી પરા

ન ગુરું વંચયેચ્છિષ્યૈઃ પ્રાણૈઃ કણ્ઠગતૈરપિ ।
દેવતા મન્ત્રસકલં લઘિનં તેન ભૈરવઃ

ગુરુદૈવતમન્ત્રાણિ મનાગ્ભેદં ન કારયેત્ ।
ભેદેન નિરયં યાતિ સમૂલં વિનિહન્તિ વૈ

પ્. ૪૧) ગુરું સંતોષયેદ્યત્નૈઃ સ્વપ્રાણેનાપિ શ્રદ્ધયા ।
દ્વીપકસ્યૈવ વેતાલપરિગતિમવાપ્નુયાત્

ગુરુ સંતોષિતો યેન રક્ષિતં ભુવનત્રયમ્ ।
નાતઃ પરતરં કિઞ્ચિદ્ગુરુરત્યધિકં પ્રિયે

અશરીરા વર્ણરૂપા બ્રહ્માણ્ડવ્યાપિની શિવે ।
પિણ્ડદાનાદિસંસ્કારં યથા પિત્રોસ્તથા ગુરોઃ

અકૃત્વા નરં યાતિ ષષ્ઠિવર્ષશતાધિકમ્ ।
શરીરદા પિતા દેવિ જ્ઞાનદા ગુરુરેવ ચ

ગુરોર્ગુરુતરં નાસ્તિ સંસારે દુઃખસાગરે ।
યસ્ય વક્ત્રાદ્વિનિર્યાતા વર્ણબ્રહ્મમયં વપુઃ

તરયન્નાત્ર સન્દેહો નરકાવર્ણવતો ધ્રુવમ્ ।
અહોહં સંપ્રવક્ષ્યામિ સારં સર્વાર્થકામદમ્

એકાક્ષરી નવાક્ષરીઞ્ચ ષોડશાક્ષરિ વારુણિ ।
ચતુઃપંચાશવર્ણં ચ શતાક્ષરી વિશેષતઃ

દ્વિશતાક્ષરી મન્ત્રઞ્ચ દશોના ત્રિશતાક્ષરી ।
સહસ્રાક્ષરિ દેવેશિ પ્રાણભૂતાસ્તુ કાલિકા

મન્ત્રોદ્ધારં
અમ્બરં પરમં વહ્નિ આપંચ ધરણી તથા ।
રાવણી નામ સા વિદ્યા મોક્ષદા ભુક્તિદા પ્રિયે

એકાક્ષરી પરા વિદ્યા ભોગમોક્ષપ્રદા સ્મૃતા ।
શિવશક્તીસમાયોગો ભવેદત્ર ચ પાર્વતિ

પ્. ૪૨) મહાકુંડલિનીં દેવી મહારાવણિપૂજિતા ।
વહ્નિં શિવાક્ષરો નાં ચ વરુણમ્

શિખી ચ મધુહા યુક્તા કાલી પ્રાણમુદાહૃતમ્ ।
ખ્ફ્રેંમાત્મિકા લિખ્ય મહાચણ્ડમનાલિખેત્

યોગેશ્વરીપદં દત્વા વિદ્યેયં સા નવાક્ષરી ।
ષોડશાક્ષરિ યા વિદ્યા પ્રાણભૂતાશ્ચ તાં શૃણુ

યસ્યોપદેશમાત્રેણ બ્રહ્મભૂયાય કલ્પતે ।
ત્રિપદં તુ સમોદ્ધૃત્ય મહારાવં તતો લિખેત્

નિશામાધવસંયુક્તં જ્ઞેયં ત્રિદશવન્દિતે ।
સત્યારૂઢે સાસ્વતશ્ચ તુષ્ટિના કવલીકૃતમ્

સત્યમત્યા સમારૂઢા સૂક્ષ્મેશકવલીકૃતા ।
તતશ્ચક્રી જાઠરં ચ નારાયણસમન્વિતમ્

માધવેન સમાયુક્તો વલાનુજ પુનર્લિખેત્ ।
માયા ચંડી કૂર્ચરક્ષા મહારાવ પુનર્લિખેત્

નતિં નિયોજયેદ્દેવિ શિરમન્ત્રં સમુચ્ચરેત્ ।
વર્ણષોડશમાખ્યાતં મન્ત્રંરાજમુદાહૃતમ્

પંચપિંડાગ્રતો દત્વા મહાશબ્દશશી ભવેત્ ।
અનાદિ મહામન્ત્રં વર્ણરાજમુદાહૃતમ્

શતાક્ષરં મન્ત્રરાજં તથા પંચશતાક્ષરમ્ ।
પંચાક્ષરમાદિમન્ત્રં તથાષ્ટાક્ષરમન્ત્રકમ્

પ્. ૪૩) દશોના ત્રિશતા વિદ્યા મહામન્ત્ર ઉદાહૃતમ્ ।
દ્વિશતં તુ મહાદેવી નવત્યધિકસુપ્રભે

શિવેષ્ટહેતો હિ પુરા સહસ્રાક્ષરમાલિકા ।
એકેભ્યરતરં દેવિ કુલાચારક્રમે વિધિઃ

પરંબ્રહ્મસ્વરૂપં તુ નાદબિન્દુકલાત્મિકા ।
સકલાર્ણવમધ્યસ્થા સકલાર્ણવરૂપિણી

શ્રીગુરોઃ કૃપયા દેવી સંપ્રદાયક્રમાગતમ્ ।
લભ્યતે યદિ ભાગ્યેન કોન્ય ધન્યતરો ભુવિ

મનુષ્યવપુરાછન્ના સશિરો નાત્ર સંશયઃ ।
વર્ણિતું નૈવ શક્નોમિ કાલિકાયા કુલક્રમમ્

વર્ણષોડશકં વિદ્યા રાજ્યદા પ્રાણદા સ્મૃતા ।
મહાસૌખ્યપ્રદા શાંતા સા કાલી પ્રાણદાયિની

વૈખરી યાન્યભાદત્વાદશક્તા ગુણવર્ણને ।
બ્રહ્મવિદ્યાસ્વરૂપા સા ભુક્તિમુક્તિફલપ્રદા

એકોચ્ચારેણ દેવેશિ વાજપેયસ્ય કોટયઃ ।
અશ્વમેધસહસ્રાણિ પ્રાદન્યભુવનસ્તથા

પ્રયાગે સ્નાનજં પુણ્યં મકરસ્થે દિવાકરે ।
તસ્ય શતગુણં પ્રોક્તં કાલિકા વિધિનાચરેત્

પ્. ૪૪) ચતુરાશ્રમ્ય યત્પુણ્યં ક્રમેણ પરિસેવિતમ્ ।
યત્ પુણ્યં વર્ણધર્મસ્ય તત્ પુણ્યં કાલિકાર્ચનાત્

કાશ્યાદિતીર્થયાત્રાં ચ સાર્દ્ધકોટિત્રયાન્વિતમ્ ।
તુલનાયાતિ દેવેશિ સત્યં સત્યં ન સંશયઃ

લક્ષજાપેન દેવેશિ કિં પુનઃ સિદ્ધિભાગ્ભવેત્ ।
યસ્યા સામર્થતો દેવ્યા ભુવનાનિ ચતુર્દશમ્

અભવત્પરમેશાનિ તેષાં કારણરૂપિણી ।
પુરશ્ચર્યા કૃતા યેન તેષાં વિદ્યા ફલાઙ્ગમમ્

અકૃત્વા તુ પુરશ્ચર્યા ન મન્ત્રો ફલદો ભવેત્ ।
બ્રહ્માણ્ડકોટિજનની મહામોક્ષપ્રદાયિની

નિઃસરન્તિ મહામન્ત્રો વિસ્ફુલિઙ્ગા યથા પ્રિયા ।
અગ્રે સકાશાદ્બહવો ભેદા વિદ્યા પ્રકાશિતા

પ્રણવા સર્વમુત્પન્ના પરબ્રહ્મમયી તુ સા ।
માયાહર્તારક્ષિતા ચ નાન્યા તુ ભવનેશ્વરિ

નાનામ્નાયસ્વરૂપેણ નાનારૂપેણ માયયા ।
મોહયન્તી જગત્સર્વં પુત્રપૌત્રપ્રવર્દ્ધિનીમ્

સ્ત્રીપુંભાવેન સતતં ગ્રન્થિતં કામસૂત્રકે ।
સર્વંત્ર વ્યાપિની ચાપિ બ્રહ્મસ્થાનનિવાસિની

પ્. ૪૫) સૌભાગ્યવન્ધગ્રહણા વિશ્વયોનીરિતીરિતઃ ।
ચતુર્વાઙ્મયનિષ્ઠેયં ત્રૈલોક્યવશકારિણી

સાક્ષાત્સંવિન્મયી દેવીરૂપિણી ભોગ્યદાયિની ।
મહાસંપત્પ્રદા નિત્યા સાક્ષાદક્ષરરૂપિણી

ષોડશાક્ષરરૂપેણ વિશ્વં વ્યાપ્ય વ્યવસ્થિતા ।
નવાક્ષરી મહાવિદ્યા પંચ ચાષ્ટાક્ષરી તથા

એકાક્ષરી દશાર્ણા ચ શતાર્ણા ચ સહસ્રકમ્ ।
એતેષુ મન્ત્રવર્ગેષુ વિશ્વં વ્યાપ્ય વ્યવસ્થિતા

ચતુર્વેદેષુ યત્સારં તદઙ્ગેષુ ચ યત્સ્મૃતમ્ ।
પુરાણે સ્મૃતિસારેષુ યસ્તુ સારતમં મહત્

તત્સર્વેભ્યોઽધિકં સારં સારાત્સારતરં પરમ્ ।
નવનીતં યથા દધ્રાસારોદ્ધૃતઘૃતં ભવેત્

તદેવમમૃતં નામ દેવાનાં પ્રાણધારણમ્ ।
તથા સમસ્તશાસ્ત્રેષુ વેદે તન્ત્રેષુ ચાજ્ઞયા

ઉદ્ધૃત્ય સર્વસારેભ્યો બ્રહ્મણે પ્રતિપાદિતા ।
બ્રહ્મણોપિ વસિષ્ઠાય વસિષ્ઠો રાઘવાય ચ

દત્તં સર્વાત્મને તેન તતો મર્ત્યાવતારિતા ।
અદ્વૈતાદિવિધા કૃત્વા મુનિના જ્ઞાનદૃષ્ટિના

દર્શેનાત્રિ શતાક્ષર્યા મન્ત્રવીર્યા પ્રકાશિતા ।
સૌમ્યસિદ્ધિકૃતાનેન દેવી પ્રત્યઙ્ગિરાભિધા

પ્. ૪૬) નારદાનુમતેનૈવ સંજ્ઞા દેવ્યા દ્વિધા કૃતા ।
નિધાનનિવ ચૌરેભ્યો રક્ષણીયો પ્રયત્નતઃ

ન દેયા યસ્ય કસ્યાપિ દેયા પ્રાણપ્રદાયિને ।
નિર્મલાય પ્રશાન્તાય પ્રાણેભ્યોપિ પ્રિયાય ચ

જ્ઞાનનિષ્ઠાય દાતવ્યં સારમેતન્મહેશ્વરિ

॥ ઇતિ શ્રીમહાશ્રોતશિરશ્છેદે કરવીરયોગે પરાતન્ત્રે ક્રમે
દ્વાદશસાહસ્રિકાયાં કાલિક્રમનિર્ણયસૂત્રં સપ્તમ પટલઃ

અષ્ટમઃ પટલઃ
શ્રી દેવ્યુવાચ
નમો દેવાધિદેવાય સર્વજ્ઞાય મહાત્મને ।
સૃષ્ટિસ્થિત્યન્તકર્ત્રે ચ સર્વવ્યાપિ નમોસ્તુ તે

જય દેવ જગન્નાથ કિંચિન્પ્રષ્ટું મમ પ્રભો ।
મનો મે તરલં જાતો ભયા વક્તું ન ચાત્મહે

પ્રસીદ પરમેશાન સંશયં છેત્તુમર્હસિ

શ્રીસદાશિવ ઉવાચ
મા શંકાં કુરુ દેવેશિ ત્વદન્યો નાસ્તિ મત્પ્રિયા ।
નિઃશઙ્કં સ્વેચ્છયા દેવિ પૃચ્છેયં હૃદિ વાઞ્છિતમ્

યં યં ત્વં સંશયો દેવિ તં તં પૃચ્છ યથેચ્છયા

શ્રીદેવ્યુવાચ
નમસ્તુભ્યં નમસ્તુભ્યં નમસ્તુભ્યં મહેશ્વર ।
ચિદ્રૂપિણી પરાદેવી કાલિકાત્વં ગતા યદા

કસ્માદ્દ્વૈધગતા દેવ નારદાનુમતેન ચ ।
સર્વાગમવિદઃ શૂરઃ સાધકાનાં વરો મુનિઃ

કિં ભેદં વૈ ચકારાથ શિવષ્ટનારદો પુરા

પ્. ૪૮) શ્રીસદાશિવ ઉવાચ
ધન્યાસિ કૃતકૃત્યાસિ શ્રોતું જાનાસિ તત્વતઃ ।
એતત્સૂક્ષ્માનિ ભેદેન પુનઃ શ્રોતું મતિસ્તવ

જાતા પરમિકા બુદ્ધિ નમસ્તે પરમેશ્વરિ ।
સપ્તાદશાક્ષરી વિદ્યા વિદ્યાયાઃ પરમા કલા

ખંડસ્ય ખંડિની ખંડખંડખંડાણ્ડખણ્ડિની ।
ખંડચક્રગતા કાલી વિદ્યા સપ્તદશાક્ષરી

ફણીરૂપસ્ય કારસ્ય અકુલા બિન્દુભક્ષિણી ।
તૃધારાનુહતા લક્ષ્મી વિદ્યા સપ્તદશી સ્મૃતા

અકુલાકુલમધ્યસ્થા કલાસ્થા અકલા કલા ।
અકલા પરમાનન્દા સિદ્ધિ સપ્તદશાક્ષરી

રાવસ્થં રાવમધ્યસ્થં રાવરાવનિયોજિતા ।
રાવલીરાવલા જ્ઞેયા મહાસપ્તાદશાક્ષરી

કાન્તગાદિચ્છાન્તજાતં મહાહલ્લોલ હૂંકૃતમ્ ।
રાવરાલકલાક્રાન્તં એતાઃ સપ્તદશી કલા

અક્ષરાક્ષરયોગેન કાલિ શબ્દેન યસ્થિતા ।
યોગેશ્વરીપદં નાસ્તિ વિદ્યા સપ્તદશાક્ષરી

હહહાહહલલીની વિલીની હહને હસા ।
હાના દાનાપદૈર્લીના વિદ્યા સપ્તદશાક્ષરી

એવં સપ્તદશં વર્ણં વર્ણીયં પરમેશ્વરી ।
ક્રમસર્વાતુરં તીવ્રં નિર્ગુણં પરમેશ્વરીમ્

પ્. ૪૯) શતદ્વયં તુ વર્ણેન નવત્યધિકકીર્તિતમ્ ।
ત્રિગુણૈ રહિતા વિદ્યા ત્રિખણ્ડા પરિકીર્તિતાઃ

નવષોડશવર્ણાનાં ભેદો નાત્ર ચ વિદ્યતે ।
અનયા વિદ્યયા દેવી જન્મમૃત્યુ વિહાય ચ

નારદાદ્યા મુનિશ્રેષ્ઠા યોગિનઃ કપિલાદયઃ ।
ત્રિલોકવિજયી ભૂત્વા સ્વેચ્છયા વિચરન્તિ વૈ

અવ્યાહતગતિઃ પ્રાપ્તત્રિકાલજ્ઞો ભવસ્વતા ।
શોણિતાખ્યે પુરે દેવિ હરિણં કરવિગ્રહમ્

નારદેન મુનીન્દ્રેણ કૃષ્ણાય સંપ્રદત્તવાન્ ।
હરિણાલંભનાસ્તેષુ પ્રયોજ્ય હરમોહિતઃ

વાસુદેવોપિ પાર્થાય રક્ષાર્થં પ્રદદૌ પુરા ।
ભૃગોપભુક્તપુષ્પેન્દુ શિવયોગ્યં યથા ભવેત્

તદ્વન્નિરક્ષરં વસ્તુ અક્ષરૈરપિ સંયુતા ।
નોદ્ધારં લેખયેદ્દેવી સાક્ષાદ્વર્ણેશ્વરી પરા

શાપો ભવતિ વૈ નૂનં મન્ત્રહાનિ પ્રજાયતે ।
વિમુખા ભવતે કાલી પાપાનામાશ્રયો ભવેત્

કર્ણે કર્ણે તુ દેવેશિ હૃદિસ્થ કુરુ સર્વદા ।
ગુરુવક્ત્રાદિનિષ્ક્રાન્તા શ્રોતમાર્ગે હૃદિ સ્થિતા

ઉદકે લિખિતં યદ્વન્મન્ત્રોદ્ધારં તથા ભવેત્ ।
ભોગમોક્ષપ્રદાં વિદ્યાં પુસ્તકે નૈવ લેખયેત્

પ્. ૫૦) સમ્વત્સરકૃતાવાસે જ્ઞાત્વા કર્મ શુભાશુભમ્ ।
તતો મન્ત્રોપદેષ્ટવ્યા યદ્યાત્મશુભમિચ્છતિ

અપરીક્ષિતશિષ્યાય યસ્તુ મન્ત્રં પ્રયચ્છતિ ।
નિરયે નિરતં વાસો ભવિષ્યતિ સુદારુણે

તસ્માત્સર્વપ્રયત્નેન ન પ્રકાશ્યં કદાચન ।
આસ્તિકબુદ્ધિ યસ્યાસ્તિ તસ્મૈ દેવી પ્રસીદતિ

શઙ્કા યા જાયતે તાનિ શઙ્કાયા દુઃખભાજનમ્ ।
શઙ્કાયા સિદ્ધિહાનિઃ સ્યાન્નિર્વિકલ્પં સમાશ્રયેત્

કર્તવ્યં ચાપ્યકર્તવ્યં નૈવ તત્ર વિચારયેત્ ।
મયાપિ વુષ્ણુના સાર્દ્ધં બ્રહ્મણા મુનિભિઃ સહ

એકપાત્રં ગૃહીત્વા તુ નિર્વિકલ્પં યથાશ્રિતા ।
દેવગન્ધર્વદૈત્યાદીન્રક્ષપન્નગમાનવાઃ

સપ્તધાતુભિઃ સંક્લિન્નૈર્મલમૂત્રાશ્રવાવહૈઃ ।
તેષાં કિં તદ્વિચારેણ નિર્વિકલ્પં સમાચરેત્

સૂર્યોદયે કિં તમસિ તિષ્ઠન્તી ભુવનાદયઃ ।
તથા દેવ્યાઃ પ્રભાવેણ કિમાચાર વિચારયેત્

કિં બહૂક્તેન દેવેશિ ગોપનીયં પ્રયત્નતઃ ।
સર્વસિદ્ધિં મહેશાનિ ગોપનીયં પ્રયત્નતઃ

પ્રકટે મૃત્યુમાપ્નોતિ સિદ્ધિહાનિશ્ચ જાયતે ।
યસ્મિન્મન્ત્રે યદાચાર તત્ર ધર્મસ્તુ તાદૃશઃ

પ્. ૫૧) કૃતાર્થસ્તુ ન જાયેત્ સ્વર્ગં વા મોક્ષમેવ વા ।
નાધર્મો નૈવ પાપાદિ જાયતે તત્મેવ ચ

કિં ચ ધર્મોં મહાન્વાપિ પુણ્યરાશિ પ્રવર્દ્ધતે ।
શક્તૌ સર્વસમુત્પન્નં યત્કિઞ્ચિજ્જગતીગતમ્

તસ્માચ્છુદ્ધમશુદ્ધં વા શક્તિબ્રહ્મસ્વરૂપકમ્ ।
સર્વવેદવિદો વિપ્ર સદાચારેણ સુવ્રત

ચાણ્ડાલત્વે પરે પાપે હ્યાત્મા સર્વત્ર વેત્તતે ।
આત્મા બ્રહ્મ વિજાનીહિ ભ્રાન્તિજ્ઞાનં પરિત્યજેત્

જ્ઞાનમેવ પરં તત્વં તસ્માજ્જ્ઞાનં સમાશ્રય ।
જ્ઞાનમાર્ગેણ સકલં વિકલ્પં પરિવર્જયેત્

સવિકલ્પો મહાદોષ પાપભાક્ જાયતે ધ્રુવમ્ ।
શિવશક્તીમયં દેહં રજઃ શુક્રં પ્રજાયતે

પરં બ્રહ્મણિ સંલીનો પરા વાચ્યા પરેશ્વરિ ।
નીરાજ્યમધુમૈરેયૈ દ્રવ્યભેદા ભવન્તિ હિ

સર્વજ્ઞત્વ વરારોહે યજ્ઞદોષો ન વિદ્યતે ।
અશ્વમેધમહાયજ્ઞે વાજિહત્યા કથં ભવેત્

જલં ક્ષીરં ઘૃતં ચૈવ મધુમૈરેયમૈક્ષવમ્ ।
પૌષ્યં તરુભવં ધાન્યં સંભવં તક્રનિર્મિતમ્

સહ---રભવં ચૈવ વિવિધબહુભેદતઃ ।
અજ્ઞાનૈઃ સંસ્કૃતં સદ્યો મહાપાતકકૃદ્ભવેત્

પ્. ૫૨) બ્રહ્મહત્યા સુરાપાન સ્વર્ણસ્તેયાદિપાતકાત્ ।
પૂજનાદેવ નિર્વર્ત્ય નિર્વિકલ્પ સમન્ત્રવિત્

જલં જલચરં સર્વં ઘટપૂર્ણં સમાનય ।
સ્થાપિતે દિનસપ્તાહે જલં જીવસમન્વિતમ્

અનામિષં નાસ્તિ કિંચિત્સર્વક્ષીરાદિકં પ્રિયે ।
સમવૃક્ષસમા વહ્નિસ્તથા સુન્દરિ તિષ્ઠતિ

સર્વભૂતેષુ વિજ્ઞાનં જ્ઞાતવ્યં દેશિકોત્તમૈઃ ।
કાષ્ઠાદિમથનાદ્દેવી પ્રકટા બ્રહ્મરુચ્યતે

તત્કાષ્ઠં દહ્યતે તેન તેન બ્રહ્મમયં જગત્ ।
ધર્માધર્મપરિત્યાગાત્સકલોપિ પરત્ર ચ

વિગતસ્ત્રીરજં વાપિ યે ચાસ્તિ સકલં પ્રિયે ।
વિચારયેત્સ્વમૂત્રાદિ ભ્રાન્તિરેવ હિ કારણમ્

અન્નં બ્રહ્મ વિજાનીયાત્તેન યસ્ય સમુદ્ભવમ્ ।
નાનાજીવાશ્રયં તત્તુ પુરીષં કેન દુષ્યતે

ગોમૂત્રં પ્રાશનં દેવિ ગોમયસ્યાપિ ભક્ષણમ્ ।
પ્રાયશ્ચિત્તેષુ કથિતં બ્રહ્મહત્યાદિમોચને

મલમૂત્રેષુ યે ભ્રાન્તિ દોષ એવ ન સંશયઃ ।
સ્ત્રીરજઃ પરમેશાનિ દેહસ્તેનૈવ જાયતે

કલ્પિતં દૂષિતં તેન પ્રાપ્યતે પરમં પદમ્ ।
પુરુષસ્ય તુ બીજં તુ વિન્દુરિત્યભિધીયતે

પ્. ૫૩) બિન્દુસ્તુ પરમેશાનિ કાયોયં શિવરૂપધૃક્ ।
શિવતત્વેન શાસ્થાદિદૂષણં નાસ્તિ વૈ તદા

સૂતઃ પવિત્રં દેહસ્ય કારણં કેન રાયુદ્યતે ।
જ્ઞાનમાર્ગેણ સકલં નિર્વિકલ્પસ્ય સુન્દરિ

વિકલ્પસ્ય મહેશાનિ પાપભાક્ જાયતે નરઃ ।
માતૃગર્ભસ્ય વીર્યન્તુ શિશુરેવ ન સંશયઃ

નિર્વિકારતયા યસ્પરસ્ય નાકુત્સિતો ભવેત્ ।
તત્તુ દૂષણસંયુક્તમન્યત્સર્વશુભં ભવેત્

બ્રહ્માનન્દમયં જ્ઞાનં પરં બ્રહ્મમયો ભવેત્ ।
તં જ્ઞાત્વા પરમેશાનિ કથયામિ વરાનને

ન બ્રહ્મણસ્તુ ન બ્રહ્મં ન ક્ષત્રં ક્ષત્રિયસ્તથા ।
વૈશ્યો ન વૈશ્ય શૂદ્રો ન શૂદ્રસ્તુ પરમેશ્વરિ

વિચારે પરમેશાનિ પુષ્કેસૌ નૈવ પુષ્કલઃ ।
સર્વેષાં તુ વિજાનીહિ પરમાત્મા વિનિશ્ચયાત્

આકાશાત્પતિતં તોયં નિમ્નમાર્ગેન ગચ્છતિ ।
ગ્રામમધ્યગતં સર્વં વિષ્ટામૂત્રાદિષૂદિતમ્

મૃતગોસ્વાહિમાર્જારખરાભિરુધિરાન્વિતમ્ ।
સમસ્તમપિ દેવેશિ ગઙ્ગાયાં મિલિતં યદા

ગઙ્ગામૃતં તદેવાસ્તિ કાલુષ્યં નૈવ તિષ્ઠતિ ।
મલમૂત્રેષુ યે દોષા ભ્રમ એવ હિ કારણમ્

પવિત્રં સ્ત્રીરજઃ પ્રોક્તં યતો દેહે વિનિઃસૃતમ્ ।
રુધિરાદિપ્રધાનેન પ્રાપ્યતે પરમં પદમ્

પ્. ૫૪) પુરુષસ્ય તુ યદ્બીજં બિન્દુરિત્યભિધીયતે ।
સર્વસ્ય કારણં રેતો તં દેહ કેન નિન્દ્યતે

ભગલિઙ્ગસ્ય સંસ્પર્શાદ્ ગર્ભાદિનિઃસૃતઃ પુમાન્ ।
યદા તદા જન્મકાલે કો ન સ્યાદ્ ગુરુતલ્પગઃ

પુણ્યપાપવિનિર્મુક્તં જ્ઞાનમેતચ્છૃણુ પ્રિયે ।
બ્રહ્માણ્ડકોટિજનની એકૈવાહૈસ્વરૂપિણી

ભુક્ત્વા નાનાવિધૈર્વાહં ક્રીડાર્થં સકલં જગત્ ।
કુલાલચક્રભેદેન ઘટાકાશં યથા ઘટે

દૃશ્યતે પરમેશાનિ આકાશં વ્યાપ્ય તિષ્ઠતિ ।
ઘટે ભવતિ ભિન્નત્વેનાકાશે ભિન્ન ભાવયેત્

યથા દેહગતો જીવો ધેહનાશે વરાનને ।
વ્યાપ્ય તિષ્ઠતિ સર્વત્ર તસ્માદ્બ્રહ્મપદં મહત્

અત એવ મહેશાનિ નિર્વિકલ્પ સદા ભવેત્ ।
એવં સંવિન્મયે જ્ઞાનં સમતા સર્વજન્તુષુ

સર્વવર્ણેષુ ચાભાવેત્સમતા નાત્ર સંશયઃ ।
યથા સૂર્યપ્રકાશેન સમત્વઞ્ચ પ્રવર્તતે

દત્તમથાપિ ચાન્યસ્ય તમઃ સંહરતે ક્ષણાત્ ।
શોષયેત્સર્વમૂત્રાદિચન્દનં નૈવ કર્દમમ્

અત એવ મહેશાનિ સન્તિ સર્વમયો ભવેત્ ।
સિદ્ધિસ્તુ દેવિ વિજ્ઞેય શ્રીગુરોઃ કૃપયા પ્રિયે

॥ ઇતિ શ્રીપરાતન્ત્રે પરમાર્થનિર્ણયોઽષ્ટમઃ પટલઃ

નવમઃ પટલઃ
શ્રીદેવ્યુવાચ
યથા સંસાધયે દેવ પ્રયોગાદીઞ્જગત્પતે ।
સાધકઃ સંવિભાગેન તથા કથય શઙ્કર

શ્રીસદાશિવ ઉવાચ
શૃણુ દેવિ પ્રવક્ષ્યામિ યથા સંસિદ્ધિસૂચકમ્ ।
યેન સંસાધયેદ્વીરો વીરાચારકુલસન્તતેઃ

અકૃત્વા તુ પુરશ્ચર્યા પ્રયોગં કર્તુમિચ્છતિ ।
મહાપાતકકોટીનાં ભાજનં સ ભવિષ્યતિ

નાતઃ પરતરં દેવિ કુલમાર્ગસ્ય દૂષકાઃ ।
તસ્માત્સર્વવ્યયેનાપિ પ્રાણાન્તેનાપિ સર્વદા

કર્મણા મનસા વાચા પુરશ્ચરણમાચરેત્ ।
વર્ણલક્ષજપેન્મન્ત્રી હવિષ્યાસી જિતેન્દ્રિયઃ

દિવા ચ બ્રહ્મચર્યેણ રાત્રૌ કુર્યાદ્યથેચ્છયા ।
પૂજયેદ્વિધિના દેવી મપઞ્ચકપુરસ્કૃતઃ

સાઙ્ગં સપરિવારં ચ તત્ર ન્યૂનં ન કારયેત્ ।
દશાંશં હવનં કુર્યાત્ વિલ્વપત્રૈર્ઘૃતપ્લુતૈઃ

છાગમાંસૈસ્ત્રિમધ્વક્તૈર્દેવીસન્તુષ્ટિહેતવે ।
તર્પયેત્સુધયા દેવી દશાંશૈર્હવનસ્ય વૈ

પ્. ૫૬) તર્પણસ્ય દશાંશેન માર્જનં સમુદાહૃતમ્ ।
તદ્દશાંશેન વૈ કુર્યાત્કુમારીભોજનં મહત્

કલૌ ચતુર્ગુણં કુર્યાત્પુરશ્ચર્યાં તુ સાધકઃ ।
દીક્ષાં પ્રાપ્ય ન કુર્યાદ્વૈ પુરશ્ચર્યાવિલંબનમ્

આયુશ્ચઞ્ચલતાં જ્ઞાત્વા સ્વાત્મશ્રેયસ્તુ ચિન્તયેત્ ।
દીક્ષાં પ્રાપ્ય પુરશ્ચર્યામકૃત્વા મ્રિયતે યદિ

બ્રહ્મભૂતા ભવેન્નૂનં શતવર્ષમનાશ્રયે ।
તસ્માત્સર્વાત્મના દેવિ પુરશ્ચર્યાં સમાશ્રયેત્

ચન્દ્રસૂર્યોપરાગે વા પુરશ્ચરણં કારયેત્ ।
સ્પર્શાન્મુક્તિં તુ સંજપ્યે પુરશ્ચરણમુચ્યતે

દશાંશં સર્વકર્માણિ કારયેત્પૂર્વયોદિતમ્ ।
તતઃ પ્રયોગકર્માણિ શૃણુ વક્ષામિ સાંપ્રતમ્

વીરદીક્ષા ન શક્તો ય સંપૂજ્ય વિધિવત્પુરા ।
શ્મશાને શિવદક્ષે વા ગૃહે વા વાહને સ્થિતા

દીપાદિત્રિવિધૈર્નિત્યમભાવત્પર્વણી પુનઃ ।
સત્યવાક્ધૈર્યસંપન્નઃ કામક્રોધવિવર્જિતઃ

શક્તીસહાયસંયુક્તો વીરઃ સહાયકોથવા ।
સહાયદ્રવ્યહીનાથ ભિક્ષાશી ચ નિશાશમે

સહસ્રૈક્યં જપેચ્ચાદૌ કાયશુદ્ધ્યર્થહેતવે ।
દેવી તુષ્ટા હુનેચ્ચૈવ યથાપૂર્વ મયોદિતમ્

તતો લક્ષજપેન્મન્ત્રી દિવા ચાહારવર્જિતમ્ ।
ભુક્તોર્દ્ધભાવનાઽશક્તે સન્ધ્યાયાં ભુક્તમેકકામ્

પ્. ૫૭) ગાયત્ર્યા તુ જપેદ્યુગ્મં ન્યસ્ય ચૈવ ષડઙ્ગકમ્ ।
તતો રાત્રૌ જપં કુર્યાદ્યથાશક્ત્યા ક્રમેણ તુ

દશાંશેન હુનેત્પશ્ચાન્મન્ત્રસંસિદ્ધિહેતવે ।
હોમાન્તે કન્યકાપૂજાકૃતસિદ્ધિ ભવેદ્ધ્રુવમ્

અથવા દ્વિગુણં જાપ્ય યાવદ્વૈ સપ્તવાસરમ્ ।
ક્રૂરાદૌ ચાષ્ટમે સેકાદ્ધોમાન્તે ગ્રહશાન્તિકમ્

ત્રિસંધ્યં મધ્યરાત્રૌ ચ એકદ્વિત્રિચતુર્દિનમ્ ।
વાતાદિશેકતો શાન્તિહોમાદ્રોગ પ્રમુચ્યતે

અષ્ટમ્યાં વા ચતુર્દશ્યાં સમારભ્ય હરઃ શતં ।
દશાંશહોમતઃ શેકાન્મહાશાન્તિ ભવેત્ સ્ફુટમ્

જપેત્પઞ્ચશતં મન્ત્રી યેચ્છસ્યા ત્રિશતં હુનેત્ ।
હોમાન્તે શેકતઃ પશ્યે પુષ્ટિં ચૈવ સમાપ્નુયાત્

ત્રિશતં ત્રિશતં હુત્વા જપ્ત્વા ચૈવાષ્ટમેહનિ ।
હોમાન્તે સેકતો જપ્ત્વા પુષ્ટિમાપ્નોતિ માનવઃ

જપ્ત્વા ચૈવ તુ સાહસ્રં હુનેત્પઞ્ચશતાનિ વૈ ।
નાગાશ્વગાષ્ટલોકાનાં પુષ્ટિમાપ્નોતિ સેકતઃ

નિર્ગલાદ્ગલયત્રાણિ આત્મનો વા પરસ્યથ ।
ત્રિસંધ્યાં વર્તનાદ્વશ્યા ત્રિસપ્તાહાન્પ્રજાયતે

શ્મશાનશર્કરા ગૃહ્ય મન્ત્રૈરષ્ટશતં જપેત્ ।
યત્ર યત્ર ક્ષિપેદ્ગૌરી નિગદાસ્ફોટનં ભવેત્

ભૂતાંકુશસ્ય દણ્ડેન ત્રિધાભિમંત્રિતાન્દધાન્ ।
નાવાશકટયન્ત્રાણિ સંભયેન્મોચયેશ્લથાત્

પ્. ૫૮) દૂર્વાતન્તુવિષક્ષોભં દુઃકુલં દુષ્ટજન્તુષુ ।
વાલુકા સપ્ત જપ્ત્વા તુ મહામેઘાન્તુ વારયેત્

રાજિકા સપ્ત જપ્ત્વા તુ ગ્રસ્તભૂતાદિભિર્નરઃ ।
તાડયે હૃદિ મુદ્રાયાં કૃત્વા સ ત્યજ્યતે ધ્રુવમ્

કૃત્વા ચાતુર્થકાદ્યાશ્ચ સપ્ત જપ્ત્વા------- નતુ ।
અભ્યક્ષણો નિવર્તન્તે ચિત્રા ગુગ્ગુલધૂપતઃ

લૂર્તાગર્દભવિસ્ફોટવ્યાધયો વિવિધાસ્તથા ।
સપ્ત જપ્તો દક્ષ સેકાત્પાનાલે યદ્વિનાશયેત્

એકવિંશતિવારૈસ્તુ જલં ચૈવાભિમંત્રિતમ્ ।
સ્થાવરં જઙ્ગમં વાપિ વિષપાનાદ્વિનાશયેત્

પુષ્પાન્ન સિદ્ધિ સિદ્ધાર્થં શ્મશાનસ્ય ચ ભસ્મકમ્ ।
સપ્ત મન્ત્રા હનેચ્છત્રું સ શત્રું મોહનાય ચ

મહાપાત્રે ધાન્યપુઞ્જે મદ્યપૂર્ણઘટેષુ ચ ।
અક્ષચ્ચં તદ્ભવેત્તસ્ય નિત્યં પૂજારતસ્ય ચ

અર્થકોષે વિલ્વગતાસૌ લિખ્ય પતકં જપેત્ ।
ધનદેન સમં દ્રવ્યં ન કદાચિદ્વિનશ્યતિ

ગજા શાલે મુક્તદામે પૂજયેન્પંકજાન્પલૈઃ ।
ન કદાચિદ્વિનશ્યન્તિ ગજા વૃદ્ધિં પ્રજાયતે

કૃત્વા ચ નવકોષ્ટામશ્વસ્થાનકદમ્બકૈઃ ।
સ પૂજ્યાશ્વા ન નશ્યન્તી વૃદ્ધિમાયાન્તિ શોભના

સિતગુઞ્જા ચ સર્ત્પાખાં ધામવ્યાઘ્રવરાટિકા ।
સપ્ત જપ્ત્વા મુખે ધાર્યા અસ્ત્રભયો ન જાયતે

પ્. ૫૯) વાલાનિ સર્પખા મન્ત્રા શતખેમાતસંખ્યયા ।
કણ્ઠે વદ્ધા વૃદ્ધિ યાન્તિ આયુષા પ્રજ્ઞયા દૃઢ

પુષ્યાર્કે શ્રીફલં પક્વં સહસ્રાર્દ્ધેન મન્ત્રિતમ્ ।
તજ્જલૈઃ સંચિતા નારી અપુત્રો સૂયતે સુતઃ

અષ્ટોત્તરશતેનૈવ પુષ્પમાલાભિમન્ત્રિતા ।
યસ્ય સંદીયતે કણ્ઠે યે કયુદ્ધે જયી ભવેત્

અહોરાત્રોષિતો ભૂત્વા અનુદિગ્યો જપેત્તુ યઃ ।
સ્વાર્થં વાથ પરાર્થં વા અપમૃત્યુર્વિનશ્યતિ

પુણ્ડરીકાંશુનાવત્સ્યાકો ગુહ્યં દીપ્તસંમુખે ।
વર્ણજાપાત્સહસ્રેણ અઞ્જનીયપશ્યનિધિમ્

ચતુઃપથમૃદં ગૃહ્ય ગૃહાર્દ્ધે પઞ્ચવિંશતિ ।
જપ્ત્વા સંક્ષેપયેન્નિદ્રાં બંધો ભવતિ દુર્ભગા

તિલતણ્ડુલસિદ્ધાર્થં પ્રત્યેકં દશમન્ત્રિતમ્ ।
એકીકૃત્ય ક્ષિપેદ્યસ્તુ પદં નાક્રમતે રિપુઃ

ફલ્વાણિવંશિકં પઞ્ચવિંશાધિકશતાભિધમ્ ।
ભૂતાયાં સંક્ષિપેદ્યત્ર તત્ર રોગી ભવેજ્જનઃ

લીરા ચાક્ષતસિદ્ધાર્થસભસ્મશતમન્ત્રિતમ્ ।
યત્ર યત્ર ક્ષિપેન્મન્ત્રી તત્રારોગ્યં પ્રવર્તતે

કણ્ઠમાત્રોદકે સ્થિત્વા જપેત્પઞ્ચશતં યદિ ।
વરુણેન તથા હોમ મહાવૃષ્ટિ ભવેદ્ધ્રુવમ્

શતાર્દ્ધન્તુ જપેન્મન્ત્રી શતાર્દ્ધં હોમયેત્પ્રિયે ।
વશી કુર્યાન્ન સન્દેહો સપ્તાહેન શચીપતિમ્

પ્. ૬૦) જપ્ત્વા પઞ્ચશતં મન્ત્રી શતાર્દ્ધં હોમયેત્પુનઃ ।
પુનઃ પઞ્ચશતં જપ્ત્વા સિદ્ધાર્થં ચાક્ષતં તથા

મસ્તકે કણ્ઠવાહૌ વા ધૃતા દીવ્યસ્ય સ્તંભનમ્ ।
અપામાર્ગશતં હુત્વા તત્ક્ષારં યસ્ય દીયતે

દુર્ભગો જાયતે સત્યં પ્રીતિનાશમવાપ્નુયાત્ ।
સિદ્ધાર્થગુગ્ગુલ ચૈવ એકીકૃત્ય શતત્રયમ્

હોમાન્તે ચ મહાપ્રીતિં વિપ્રીતિ સપ્રજાયતમ્ ।
હૈમવીજશતાષ્ટા ચ હોમયેત્સપ્તવાસરમ્

ઉન્મત્તો જાયતે શીઘ્રં વભ્રુલં વા ઘૃતાન્વિતમ્ ।
સપ્તાહા ચ નિશારાત્રૌ જપેચ્છ્રદ્ધાસમન્વિતઃ

દિવા ચ બ્રહ્મચર્યેણ રાત્રૌ કુર્યાદ્યથેચ્છયા ।
કર્પાસાસ્તિતુષાતૈલં યુક્તં પઞ્ચશતં હુનેત્

એકવિંશદિને દેવિ શક્રસ્યાપિ શ્રિયં હરેત્ ।
ગુરુશુક્રતૃતીયાયાં પૂજા કુંભે શતં જપેત્

હુત્વા ત્રિમધુરં સેકાદ્ભ્રષ્ટશ્રી લભતે શ્રિયમ્ ।
વિષ્ટનપ્રાકૃતિં કૃત્વા અંગુષ્ઠા મસ્તકાવધિ

છિત્વા પઞ્ચશતં હુત્વા સ્વકુલં પરિનેષ્યતિ ।
સિન્દૂરમક્ષતા યુક્તં શતાષ્ટપરિમન્ત્રિતમ્

કૃત્વા કન્યાકરે દત્વા આવિષ્ટાવેષ્ટકબ્રુવેત્ ।
રાજિકાધૂમજં ક્ષારં દશધા ચાભિમન્ત્રિતમ્

પ્. ૬૧) મહારોગપ્રશમનં સ્નાનમાત્રેણ નિશ્ચિતમ્ ।
તૈલં વાથ ઘૃતં વાથ અષ્ટધા વાભિમન્ત્રિતમ્

પાનાત્નાભિપ્રદાનાચ્ચ પ્રસૂતે સુખનિદ્રયા ।
શિરસ્થાને ઘટં પૂજ્ય અષ્ટોત્તરશતં જપેત્

હિતાહિતેષુ કાર્યેષુ સ્વપરૈ વાદયન્ભવેત્ ।
હતામ્બર સમાદાય કૃષ્ણમાવર્ત્યલક્ષકમ્

તથૈવાદૃશ્યકઃ સભ્યક્રીડતે વસુધાતલે ।
પઞ્ચવિંશતિસાહસ્રં કરે કૃત્વા યવા જપેત્

જપાન્તે ભક્ષયેત્પ્રાજ્ઞો વાગીશ્વરસમો ભવેત્ ।
લાક્ષાર્દ્ધહોમયેદ્વીરઃ કદમ્બકુસુમૈર્યદા

કુણ્ડાદુત્તિષ્ઠત શીઘ્રં વેતાલાઃ સિદ્ધ્યતે તદા ।
કાકિની વીરહોમેન તુષ્ટા ભૂતપિશાચકાઃ

લક્ષાર્દ્ધાર્દ્ધેન હોમેન નિત્યં દદ્યાન્યલૈકકામ્ ।
કન્યાહસ્તાન્તરં ગૃહ્ણ લક્ષાર્દ્ધન્તુ શ્મશાનકે

જપ્ત્વા ભૂતભવિષ્યઞ્ચ વર્તમાનભવન્પતિમ્ ।
નૃગોલોચનકૌ ગૃહ્ય સલાક્ષાશતમન્ત્રિતમ્

લલાટે તિલકં કૃત્વા યો દધ્યેત્સ વશો ભવેત્ ।
કુંકુમાગુરુકર્પૂરરોચનાનિસુમિશ્રિતૈઃ

શતાભિર્મંત્રિતં કૃત્વા તિલકં યઃ કરિષ્યતિ ।
રણે રાજકુલે દ્યૂતે વિવાદે સ જયી ભવેત્

પ્. ૬૨) સિદ્ધાર્થકવરાશ્વેતા પ્રત્યૂષે કલશોદરે ।
કૃત્વા પ્રાતશ્ચતુર્દશ્યાં સંપૂજ્ય મધુ સંયુજ્યતે

મુખે પ્રક્ષિપ્ય જપ્ત્વા તુ પરવાદે જયો ભવેત્ ।
શીવશ્રપુંખિકામૂલં શતાષ્ટપરિજપિતમ્

શિરોવેષ્ટિક યે વદ્ધા પરવાદૈર્નિવારણમ્ ।
આચારાચારભેદેન તત્ર દેવિ ન વિદ્યતે

નિરાચારાપિ સાચારા તસ્ય દેવ્યાઃ પ્રભાવતઃ ।
વિશેષ કિં બહૂક્તેન સારમેતદ્વદામ્યહમ્

નૃચર્મમાસનં કૃત્વા નરપાત્રે પ્રપૂજયેત્ ।
યથા ગુરુમુખોદ્દિષ્ટનિર્વિકલ્પેન સાધયેત્

લાક્ષારસનિભેનૈવ હેતુના પરિપૂરિતમ્ ।
ફલં દત્વા તત્ર મધ્યે પાત્રે હેતુપ્રપૂરિતે

અષ્ટમ્યાં વા ચતુર્દશ્યાં વા વિશેષતઃ ।
શિવરાત્ર્યાં તથા પૂજા નિશાયાં પરિપૂજયેત્

યથા શ્રીચક્રપૂજાં વૈ તથા સર્વં સમાચરેત્ ।
બિન્દુચક્રે ત્રિકોણે તુ મહાપાત્રં તુ થાપયેત્

પઞ્ચકાલ્યાં તુ પઞ્ચારે ચરુકં પઞ્ચ વૈ ક્રમાત્ ।
નાતઃ પરતરં ભદ્રે કાલિકાક્રમપૂજને

ભોગી સ્વર્ગસુખં મોક્ષં આજ્ઞાસિદ્ધિં ભવેદ્ધ્રુવમ્ ।
સત્યં સત્યં મહાદેવિ સમમેતદ્બ્રવીમ્યહમ્

પ્. ૬૩) અન્યથા કુરુતે યસ્તુ હેતુવાદકુતર્કતઃ ।
પરિશ્રમં કેવલં તુ ન સંસિદ્ધિમવાપ્નુયાત્

ઇત્યેતત્તે સમાખ્યાતં કાલિકાયાઃ કુલક્રમમ્ ।
વિધાનં પરમં દિવ્યં શાસ્ત્રૈઃ કાલિક્રમાગતૈઃ

ગોપનીયં પ્રયત્નેન ન દદ્યાદ્યસ્ય કસ્યચિત્ ।
ગુરુભક્તિરતો યો હિ મહાશાસ્ત્રમયી તુ સા

રમ્યં પુષ્પફલં દૃષ્ટ્વા વસ્ત્રાલઙ્કારમેવ વા ।
સ્વાત્મપ્રિયાનિ ભવ્યાનિ યત્કિંચિદ્ભુવિ દુર્લભમ્

ગુરવે પ્રથમં દત્વા નતઃ સ્વાત્મનિ ધારયેત્ ।
ગુર્વાગમક્રમારીણા પૂજકાય પ્રદાપયેત્

ગુરુ સંતુષ્ટમાને તુ સન્તુષ્ટા કાલિકાક્રમમ્ ।
યેનેદં લિખ્યતે શાસ્ત્રં યસ્ય હસ્તેષુ તિષ્ઠતે

યત્ર સ્થિતં પ્રપૂજ્યન્તે વિધિવત્પરમેશ્વરીમ્ ।
સ નિર્વિઘ્નં તુ સણ્માસં યાવજ્જીવતિ ચૈવ હિ

પુસ્તકં પૂજિતં યેન ઇદં કાલિકુલક્રમમ્ ।
સમગ્રં પૂજિતં તેન કાલિકા કાલનાશિની

આબ્રહ્મસ્તમ્બસકલં કાલેન કલયેત્સદા ।
તં કાલં કાલિકાદેવી કલયેત્સા યુગે યુગે

ન કાલીસદૃશો યજ્ઞો ન કાલીસદૃશી તપઃ ।
ન કાલીસદૃશી ધર્મો ન કાલીસદૃશી ભુવિ

પ્. ૬૪) જીવમુક્ત સ વિજ્ઞેયો મહાપાશુપતઃ સ વૈ ।
મહાયોગી વિજાનીહિ કાલિકાપથસંશ્રિતા

અહં મૃત્યુઞ્જયો દેવો મઙ્ગલાચર તો ભવેત્ ।
કલૌ વિશેષતઃ કાલી પૂજિતવ્યા પ્રયત્નતઃ

દેવતાસંયુતં વિઘ્નં વર્જિતસ્થાનકં પ્રિયે ।
યો જ્ઞાતા ભૈરવો દેવ શ્રોતો રુદ્રસમઃ ભવેત્

સ એકધા ચ બહુધા સાધકાનાં હિતાય ચ ।
નાનાતન્ત્રપ્રવાહાસ્તુ નાનામ્નાયત્વમાગતાઃ

તત્ર ભેદે નામભેદા એકા શક્તી સહસ્રધા ।
મઙ્ગલા ચ મહામાયા ચણ્ડ કાપાલિની શિવા

ચામુણ્ડા ચર્ચિકા ચણ્ડા સૃષ્ટિસ્થિત્યન્તકાલિની ।
અનાખ્યા ચ મહાભાષા ગુહ્યકાલી જયા પરા

સિદ્ધિલક્ષ્મી વિશ્વલક્ષ્મી મહાપ્રત્યઙ્ગિરા સ્મૃતા ।
સુન્દરી ત્રિપુરા ચારુ ઉગ્રચણ્ડા પ્રકાશિની

વિભિન્ના બહુધા જાતા નાનાભેદમાશ્રિતા ।
એકા સા બહુરૂપા ચ જાનીયાદ્દિવ્યચક્ષુષા

સ એવ સાધકઃ શ્રેષ્ઠઃ સિદ્ધિજ્ઞાનસ્ય ભાજનમ્ ।
સ એવ સાધકાઃ શ્રેષ્ઠઃ સિદ્ધિ જ્ઞાનસ્ય ભાજનમ્ ।
અનુષ્ઠાનરતઃ સર્વં સિદ્ધિભાગી ભવેદ્ધ્રુવમ્

॥ ઇતિ શ્રી શ્રોતશિરશ્છેદે મહાકરવીરયોગે પરાતન્ત્રે નવમો પટલઃ