Paniniya Shiksha · Chapter p6

ātmā buddhyā sametyārthānmano yuṅkte vivakṣayā /
manaḥ kāyāgnimāhanti sa prerayati mārutam

mārutastūrasi caranmandraṃ janayati svaram /
prātaḥsavanayogaṃ taṃ chando gāyatramāśritam

kaṇṭhe mādhyandinayugaṃ madhyamaṃ traiṣṭubhānugam /
tāraṃ tārtīyasavanaṃ śīrṣaṇyaṃ jāgatānugam

sodīrṇo mūrdhnyabhihato vaktramāpadya mārutaḥ /
varṇāñjanayate teṣāṃ vibhāgaḥ pañcadhā smṛtaḥ

svarataḥ kālataḥ sthānātprayatnānupradānataḥ /
iti varṇavidaḥ prāhurnipuṇaṃ tannibodhata