પાણિનીયશિક્ષા · અધ્યાય p6

આત્મા બુદ્ધ્યા સમેત્યાર્થાન્મનો યુઙ્ક્તે વિવક્ષયા ।
મનઃ કાયાગ્નિમાહન્તિ સ પ્રેરયતિ મારુતમ્

મારુતસ્તૂરસિ ચરન્મન્દ્રં જનયતિ સ્વરમ્ ।
પ્રાતઃસવનયોગં તં છન્દો ગાયત્રમાશ્રિતમ્

કણ્ઠે માધ્યન્દિનયુગં મધ્યમં ત્રૈષ્ટુભાનુગમ્ ।
તારં તાર્તીયસવનં શીર્ષણ્યં જાગતાનુગમ્

સોદીર્ણો મૂર્ધ્ન્યભિહતો વક્ત્રમાપદ્ય મારુતઃ ।
વર્ણાઞ્જનયતે તેષાં વિભાગઃ પઞ્ચધા સ્મૃતઃ

સ્વરતઃ કાલતઃ સ્થાનાત્પ્રયત્નાનુપ્રદાનતઃ ।
ઇતિ વર્ણવિદઃ પ્રાહુર્નિપુણં તન્નિબોધત