Paniniya Shiksha · Chapter p11

gītī śīghrī śiraḥkampī tathā likhitapāṭhakaḥ /
anarthajño'lpakaṇṭhaśca ṣaḍete pāṭhakādhamāḥ

mādhuryamakṣaravyaktiḥ padacchedastu susvaraḥ /
dhairyaṃ layasamarthaṃ ca ṣaḍete pāṭhakāḥ guṇāḥ

śaṅkitaṃ bhītimudghṛṣṭamavyaktamanunāsikam /
kākasvaraṃ śirasi gataṃ tathā sthānavivajirtam

upāṃśu daṣṭaṃ tvaritaṃ nirastaṃ vilambitaṃ gadgaditaṃ pragītam /
niṣpīḍitaṃ grastapadākṣaraṃ ca vadenna dīnaṃ na tu sānunāsyam

prātaḥ paṭhennityamuraḥsthitena svareṇa śārdūlarutopamena /
madhyandine kaṇṭhagatena caiva cakrāhvasaṅkūjitasannibhena

tāraṃ tu vidyātsavanaṃ tṛtīyaṃ śirogataṃ tacca sadā prayojyam /
mayūrahaṃsānyabhṛtasvarāṇāṃ tulyena nādena śiraḥsthitena