પાણિનીયશિક્ષા · અધ્યાય p11

ગીતી શીઘ્રી શિરઃકમ્પી તથા લિખિતપાઠકઃ ।
અનર્થજ્ઞોઽલ્પકણ્ઠશ્ચ ષડેતે પાઠકાધમાઃ

માધુર્યમક્ષરવ્યક્તિઃ પદચ્છેદસ્તુ સુસ્વરઃ ।
ધૈર્યં લયસમર્થં ચ ષડેતે પાઠકાઃ ગુણાઃ

શઙ્કિતં ભીતિમુદ્ઘૃષ્ટમવ્યક્તમનુનાસિકમ્ ।
કાકસ્વરં શિરસિ ગતં તથા સ્થાનવિવજિર્તમ્

ઉપાંશુ દષ્ટં ત્વરિતં નિરસ્તં વિલમ્બિતં ગદ્ગદિતં પ્રગીતમ્ ।
નિષ્પીડિતં ગ્રસ્તપદાક્ષરં ચ વદેન્ન દીનં ન તુ સાનુનાસ્યમ્

પ્રાતઃ પઠેન્નિત્યમુરઃસ્થિતેન સ્વરેણ શાર્દૂલરુતોપમેન ।
મધ્યન્દિને કણ્ઠગતેન ચૈવ ચક્રાહ્વસઙ્કૂજિતસન્નિભેન

તારં તુ વિદ્યાત્સવનં તૃતીયં શિરોગતં તચ્ચ સદા પ્રયોજ્યમ્ ।
મયૂરહંસાન્યભૃતસ્વરાણાં તુલ્યેન નાદેન શિરઃસ્થિતેન