Paippalāda-Saṃhitā · Chapter 6.4

rātrī mātā nabhaḥ pitā-
-aryamā te pitāmahaḥ |
śilācī nāma vā asi
sā devānām asi svasā ||

yas tvā pibati jīvati
trāyase puruṣaṃ tvam |
dhartrī ca śaśvatām asi
śaśvatāṃ ca nyañcanī ||

yad daṇḍena yad iṣvā
yad arur harasā kṛtam |
tasya tvam asi bheṣajī
niṣkṛtir nāma vā asi ||

bhadrā plakṣe ni tiṣṭhasy
aśvatthe khadire dhave |
bhadrā nyagrodhe parṇe
sā na ehy arundhati ||

vṛkṣaṃvṛkṣam ā rohasi
vṛṣaṇyantīva kanyalā |
jayantī pratyātiṣṭhantī
saṃjayā nāma vā asi ||

hiraṇyavarṇe yuvate
śuṣme lomaśavakṣaṇe |
apām asi svasā lākṣe
vāto hātmā babhūva te ||

hiraṇyabāho subhage
sūryavarṇe vapuṣṭame |
rutaṃ gacchati niṣkṛtiḥ
semaṃ niṣkṛdhi pūruṣam ||

ghṛtācī nāma kānīno
'jababhru pitā tava |
aśvo yamasya yaḥ śyāvas
tasya hāsnāsy ukṣitā ||

aśvasyāsnaḥ saṃpatitā
sā parṇam abhi ṣiṣyadaḥ |
sarā patatriṇy asi
sā na ehy arundhati ||

ghṛtācike vātarathe
vidyutparṇe arundhati |
āturaṃ gamiṣṭhāsi
tvam aṅga niṣkarīyasī ||

yat te jagdhaṃ piśācais
tat ta ā pyāyatāṃ punaḥ |
lākṣā tvā viśvabheṣajī
devebhis trāyatāṃ saha ||