Scripture Library

Paippalāda-Saṃhitā · Chapter 5.6

5.6.1

sapta sūryā divam anupraviṣṭās
tān pathā vā anv eti dakṣiṇāvān |
te 'smai sarve ghṛtam ā tapanty
ūrjaṃ duhānā anapasphurantaḥ ||

5.6.2

ātapan kṣayati nīcā
dāsavyādhī niṣṭapan |
adhāyatpatraḥ sūrya
ud eti bṛhatīr anu ||

5.6.3

ātaptā pitṝn vidma
dasyūn niṣṭaptā vayam |
guhā ye 'nye sūryāḥ
svadhām anu caranti te ||

5.6.4

dyauḥ sacate 'parāñ janāsaḥ
pañcānye paro diva ā kṣiyanti |
tāṃ brahma divaṃ bṛhad ā viveśa
yas tān praveda prataram atīryata ||

5.6.5

yo dadāti yo dadate
yo vā nidhīn śraddadhāno nidhatte |
yamo vaivasvatān rājā
sarvān rakṣatu śevadhīn ||

5.6.6

mā vidan paryāyiṇo
ye dakṣiṇāḥ parimuṣṇanti dattam |
sugena tān pathā sarvān
yamo rājāti neṣati ||

5.6.7

yena pathā vaivasvato
yamo rājeto yayau |
agnir nas tena nayatu prajānan
vaiśvānaraḥ pathikṛd viśvagṛṣṭiḥ ||

5.6.8

mahi jyotir nihitaṃ martyeṣu
yena devāso atarann arātīn |
tenemaṃ setum ati geṣma sarve
vaiśvānaraṃ jyotir amīva devāḥ ||

5.6.9

ud vayaṃ tamasas pari
jyotiṣ paśyanta uttaram |
devaṃ devatrā sūryam
aganma jyotir uttamam ||

5.6.10

āroko bhrājaḥ paṭaraḥ pataṅgaḥ
svarṇaro jyotiṣīmān vibhāsaḥ |
te 'smai sarve ghṛtam ā tapanty
ūrjaṃ duhānā anapasphurantaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0