પૈપ્પલાદ-સંહિતા · અધ્યાય 5.6

સપ્ત સૂર્યા દિવમ્ અનુપ્રવિષ્ટાસ્
તાન્ પથા વા અન્વ્ એતિ દક્ષિણાવાન્ ।
તે ઽસ્મૈ સર્વે ઘૃતમ્ આ તપન્ત્ય્
ઊર્જં દુહાના અનપસ્ફુરન્તઃ ॥

આતપન્ ક્ષયતિ નીચા
દાસવ્યાધી નિષ્ટપન્ ।
અધાયત્પત્રઃ સૂર્ય
ઉદ્ એતિ બૃહતીર્ અનુ ॥

આતપ્તા પિતૄન્ વિદ્મ
દસ્યૂન્ નિષ્ટપ્તા વયમ્ ।
ગુહા યે ઽન્યે સૂર્યાઃ
સ્વધામ્ અનુ ચરન્તિ તે ॥

દ્યૌઃ સચતે ઽપરાઞ્ જનાસઃ
પઞ્ચાન્યે પરો દિવ આ ક્ષિયન્તિ ।
તાં બ્રહ્મ દિવં બૃહદ્ આ વિવેશ
યસ્ તાન્ પ્રવેદ પ્રતરમ્ અતીર્યત ॥

યો દદાતિ યો દદતે
યો વા નિધીન્ શ્રદ્દધાનો નિધત્તે ।
યમો વૈવસ્વતાન્ રાજા
સર્વાન્ રક્ષતુ શેવધીન્ ॥

મા વિદન્ પર્યાયિણો
યે દક્ષિણાઃ પરિમુષ્ણન્તિ દત્તમ્ ।
સુગેન તાન્ પથા સર્વાન્
યમો રાજાતિ નેષતિ ॥

યેન પથા વૈવસ્વતો
યમો રાજેતો યયૌ ।
અગ્નિર્ નસ્ તેન નયતુ પ્રજાનન્
વૈશ્વાનરઃ પથિકૃદ્ વિશ્વગૃષ્ટિઃ ॥

મહિ જ્યોતિર્ નિહિતં મર્ત્યેષુ
યેન દેવાસો અતરન્ન્ અરાતીન્ ।
તેનેમં સેતુમ્ અતિ ગેષ્મ સર્વે
વૈશ્વાનરં જ્યોતિર્ અમીવ દેવાઃ ॥

ઉદ્ વયં તમસસ્ પરિ
જ્યોતિષ્ પશ્યન્ત ઉત્તરમ્ ।
દેવં દેવત્રા સૂર્યમ્
અગન્મ જ્યોતિર્ ઉત્તમમ્ ॥

આરોકો ભ્રાજઃ પટરઃ પતઙ્ગઃ
સ્વર્ણરો જ્યોતિષીમાન્ વિભાસઃ ।
તે ઽસ્મૈ સર્વે ઘૃતમ્ આ તપન્ત્ય્
ઊર્જં દુહાના અનપસ્ફુરન્તઃ ॥