Scripture Library

Paippalāda-Saṃhitā · Chapter 5.3

5.3.1

ud apaptad asau sūryaḥ
purudṛṣṭo adṛṣṭahā |
udāyan raśmibhir hantu -
-udāyann arasām̐ akaḥ ||

5.3.2

ny amrucad asau sūryo
viśvadṛṣṭo adṛṣṭahā |
nimrocan raśmibhir hantu
nimrocann arasām̐ akaḥ ||

5.3.3

ye ca dṛṣṭā ye cādṛṣṭā
ubhayehāviṣyavaḥ |
teṣāṃ vo agrabhaṃ nāma
sarve sākaṃ ni jasyata ||

5.3.4

adṛṣṭahananī vīrud
amitaujā viṣāsahi |
cukākaṇi tvaṃ jajñiṣe
sādṛṣṭāñ jātaśo jahi ||

5.3.5

jahi jyeṣṭham adṛṣṭānāṃ
sarpāṇāṃ moghacāriṇām |
krimīṇāṃ sarvā jātāni
?pauñjaṣṭa iva yavaṃ mṛṇa ||

5.3.6

yaś ca todo yaś ca sarpa
ekādaśaś ca yo vṛṣā |
cukākaṇi tvaṃ tān vṛśca
vṛkṣaṃ paraśumān iva ||

5.3.7

saṃ vṛścaināṃś cukākaṇi
vṛkṣaṃ paraśumān iva |
krimīṇāṃ sarvā jātāni
saṃ dahāgnir ivolapam ||

5.3.8

methiṣṭhā agnir aghalas tviṣīmān
krimīṇāṃ jātāni pra dunotu sarvā |
bṛhaspater medine jātavedā
adṛṣṭān hantu dṛṣadeva māṣān ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0