પૈપ્પલાદ-સંહિતા · અધ્યાય 5.26

અરાત્યા દ્યાવાપૃથિવી
છિન્તં મૂલમ્ અથો શિરઃ ।
વિચ્છિદ્ય મધ્યતઃ પૃષ્ટીસ્
તાં કૃણ્વાથામ્ અધસ્પદમ્ ॥

ઇદં શૃણુ જાતવેદો
યદ્ અમુષ્યા વચો મમ ।
અરાત્યાઃ સર્વમ્ ઇચ્ છિરઃ
પ્રશ્નં વૃહતમ્ અશ્વિના ॥

યા સ્વપ્નયા ચરતિ
ગૌર્ ભૂત્વા જનાઁ અનુ ।
અરાતિમ્ ઇન્દ્ર ત્વં જહિ
તામ્ અગ્નિર્ ઇવસા દહાત્ ॥

શ્રેષ્ઠો મે રાજા વરુણો
હવં સત્યેન ગચ્છતુ ।
અરાતિં હત્વા સન્તોકામ્
ઉગ્રો દેવો ઽભિ દાસતુ ॥

દેષ્ટ્રી ચ યા સિનીવાલી
સપ્ત ચ શ્રોત્યા યાઃ ।
અરાતિં વિશ્વા ભૂતાનિ
ઘ્નન્તુ દાસીમ્ ઇવાગસિ ॥

સોમો રાજૌષધીભિઃ
સૂર્યાચન્દ્રમસા ઉભા ।
અરાતિં સર્વે ગન્ધર્વા
ઘ્નન્ત્વ્ અપ્સરસશ્ ચ યાઃ ॥

ભવો રાજા ભવાશર્વાવ્
ઇન્દ્રો વાયુર્ બૃહસ્પતિઃ ।
ત્વષ્ટા મે અધ્યક્ષઃ પૂષા
તે ઽરાતિં ઘ્નન્તુ સર્વદા ॥

યે ચ દેવા ભૂમિચરા
યે ચામી દિવ્ય્ આસતે ।
યે અન્તરિક્ષસ્યેશતે
તે ઽરાતિં ઘ્નન્તુ સવ્રતાઃ ॥

યા ચેષિતાસુરૈર્
દેવેભિર્ ઇષિતા ચ યા ।
અથો યા મન્યોર્ જાયતે
ઽરાતિં હન્મિ બ્રહ્મણા ॥