Scripture Library

Paippalāda-Saṃhitā · Chapter 4.9

4.9.1

saṃvasava iti vo nāmadheyam
ugraṃpaśyā rāṣṭrabhṛto hy akṣāḥ |
tasmai ta indo haviṣā vidhema
vayaṃ syāma patayo rayīṇām ||

4.9.2

idam ugrāya babhrave
yo 'kṣeṣu tanūvaśī |
ghṛtena kaliṃ śikṣāṇi
sa no mṛḍātīdṛśe ||

4.9.3

ghṛtam agne apsarābhyo vaha tvaṃ
pāṃsūn akṣebhyaḥ sikatā apaś ca |
yathābhagaṃ havyadātiṃ juṣāṇā
madantu devā ubhayāni havyā ||

4.9.4

yo no devo dhanam idaṃ dideśa
yo akṣāṇāṃ grahaṇaṃ śeṣaṇaṃ ca |
sa no 'vatu havir idaṃ juṣāṇo
gandharvaiḥ sadhamādaṃ madema ||

4.9.5

yā apsarasaḥ sadhamādaṃ madanty
antarā havirdhānaṃ sūryaṃ ca |
tā no hastau kṛtena saṃ sṛjantu
sapatnaṃ naḥ kitavaṃ randhayantu ||

4.9.6

yad devān nāthito huve
brahmacaryaṃ yad ūṣima |
akṣān yad babhrūn ālabhe
te no mṛḍantv īdṛśe ||

4.9.7

ādinavam ity ekā ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0