Scripture Library

Paippalāda-Saṃhitā · Chapter 4.7

4.7.1

akṣībhyāṃ te nāsikābhyāṃ
karṇābhyām āsyād uta |
yakṣmaṃ śīrṣaṇyaṃ mastiṣkāl
lalāṭād vi vṛhāmasi ||

4.7.2

grīvābhyas ta uṣṇihābhyaḥ
kīkasābhyo anūkyāt |
yakṣmaṃ doṣaṇyam aṃsābhyām
urasto vi vṛhāmasi ||

4.7.3

klomnas te hṛdayyābhyo
halīkṣṇāt pārśvābhyām |
yakṣmaṃ matasnābhyāṃ plīhno
yaknas te vi vṛhāmasi ||

4.7.4

āntrebhyas te gudābhyo
vaniṣṭhor udarād uta |
yakṣmaṃ pāṇyor aṅgulibhyo
nakhebhyo vi vṛhāmasi ||

4.7.5

asthibhyas te māṃsebhyaḥ
snāvabhyo dhamanibhyaḥ |
yakṣmaṃ pṛṣṭibhyo majjabhyo
nābhyā vi vṛhāmasi ||

4.7.6

ūrubhyāṃ te aṣṭhīvadbhyāṃ
pārṣṇibhyāṃ prapadābhyām |
yakṣmaṃ bhasadyaṃ śroṇibhyāṃ
bhaṃsaso vi vṛhāmasi ||

4.7.7

aṅgādaṅgāl lomnolomno
baddhaṃ parvaṇiparvaṇi |
yakṣmaṃ tvacasyaṃ te vayaṃ
viṣvañcaṃ vi vṛhāmasi ||

4.7.8

aṅgādāṅgād ahaṃ tava
paruṣaḥparuṣas pari |
kaśyapasya vivṛheṇa
yakṣmaṃ te vi vṛhāmasi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0