Scripture Library

Paippalāda-Saṃhitā · Chapter 4.11

4.11.1

yenācarad uśanā kāvyo 'gre
vidvān kratūnām uta devatānām |
sahṛdayena haviṣā juhomi
sadhrīcīnaṃ vo mano 'stūgram ||

4.11.2

mahat satyaṃ mahad dhavir
uśanā kāvyo mahān |
devānām ugrāṇāṃ satāṃ
hṛdayāni sahākaram ||

4.11.3

ahaṃ satyena sayujā carāmy
ahaṃ devīm anumatiṃ pra veda |
indro devānāṃ hṛdayaṃ vo astu
sadhrīcīnaṃ vo mano 'stūgram ||

4.11.4

tvaṣṭā vāyuḥ kaśyapa indram agnir
manasānv āyan haviṣas padena |
avindañ chakraṃ rajasi praviṣṭaṃ
sadhrīcīnaṃ vo mano 'stūgram ||

4.11.5

yeneme dyāvāpṛthivī vicaṣkabhur
yenābhavad antarikṣaṃ svar yat |
manasā vidvān haviṣā juhomi
sadhrīcīnaṃ vo mano 'stūgram ||

4.11.6

dyāvāpṛthivī hṛdayaṃ sasūvatur
yenedaṃ tvaṣṭā vikṛṇoti dhīraḥ |
tasyośanā kratubhiḥ saṃvidānaś
cittaṃ viveda manasi praviṣṭam ||

4.11.7

cittaṃ caitad ākūtiś ca
yena devā viṣehire |
etat satyasya śraddhayā-
-arṣayaḥ sapta juhvati ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0