પૈપ્પલાદ-સંહિતા · અધ્યાય 4.11

યેનાચરદ્ ઉશના કાવ્યો ઽગ્રે
વિદ્વાન્ ક્રતૂનામ્ ઉત દેવતાનામ્ ।
સહૃદયેન હવિષા જુહોમિ
સધ્રીચીનં વો મનો ઽસ્તૂગ્રમ્ ॥

મહત્ સત્યં મહદ્ ધવિર્
ઉશના કાવ્યો મહાન્ ।
દેવાનામ્ ઉગ્રાણાં સતાં
હૃદયાનિ સહાકરમ્ ॥

અહં સત્યેન સયુજા ચરામ્ય્
અહં દેવીમ્ અનુમતિં પ્ર વેદ ।
ઇન્દ્રો દેવાનાં હૃદયં વો અસ્તુ
સધ્રીચીનં વો મનો ઽસ્તૂગ્રમ્ ॥

ત્વષ્ટા વાયુઃ કશ્યપ ઇન્દ્રમ્ અગ્નિર્
મનસાન્વ્ આયન્ હવિષસ્ પદેન ।
અવિન્દઞ્ છક્રં રજસિ પ્રવિષ્ટં
સધ્રીચીનં વો મનો ઽસ્તૂગ્રમ્ ॥

યેનેમે દ્યાવાપૃથિવી વિચષ્કભુર્
યેનાભવદ્ અન્તરિક્ષં સ્વર્ યત્ ।
મનસા વિદ્વાન્ હવિષા જુહોમિ
સધ્રીચીનં વો મનો ઽસ્તૂગ્રમ્ ॥

દ્યાવાપૃથિવી હૃદયં સસૂવતુર્
યેનેદં ત્વષ્ટા વિકૃણોતિ ધીરઃ ।
તસ્યોશના ક્રતુભિઃ સંવિદાનશ્
ચિત્તં વિવેદ મનસિ પ્રવિષ્ટમ્ ॥

ચિત્તં ચૈતદ્ આકૂતિશ્ ચ
યેન દેવા વિષેહિરે ।
એતત્ સત્યસ્ય શ્રદ્ધયા-
-અર્ષયઃ સપ્ત જુહ્વતિ ॥