Paippalāda-Saṃhitā · Chapter 3.1
ā tvāgan rāṣṭraṃ saha varcasod ihi
prāṅ viśāṃ patir ekarāṭ tvaṃ vi rāja |
sarvās tvā rājan pradiśo hvayantu-
-upasadyo namasyo bhaveha ||
tvāṃ viśo vṛṇataṃ rājyāya
tvām imāḥ pradiśaḥ pañca devīḥ |
varṣman rāṣṭrasya kakudi śrayasva-
-ato vasūni vi bhajāsy ugraḥ ||
accha tvā yantu havinaḥ sajātā
agnir dūto ajiraḥ santurātiḥ |
jāyāḥ putrāḥ sumanaso bhavantu
bahuṃ baliṃ prati paśyāsā ugraḥ ||
aśvinā tvāgre mitrāvaruṇobhā
viśve devā marutas tvā hvayantu |
sajātānāṃ madhyameṣṭhā iha syāḥ
sve kṣetre saviteva vi rāja ||
ā pra drava paramasyāḥ parāvataḥ
śive te dyāvāpṛthivī abhūtām |
tad ayaṃ rājā varuṇas tathāha
sa tvāyam ahvat sa ihedam ehi ||
indrendraṃ manuṣyaḥ parehi
saṃ yajñiyās tvā varuṇena saṃvidānaḥ |
sa tvāyam ahvat sve sadhasthe
sa devān yakṣat sa u kalpayād viśaḥ ||
pathyā revatīr bahudhā virūpāḥ
sarvāḥ saṅgatya varivas te akran |
tās tvā sarvāḥ saṃvidānā hvayantu
daśamīm ugraḥ sumanā vaśeha ||
yad ajireṇa haviṣā-
-ava tvā gamayāmasi |
atrāta indraḥ kevalīr
viśo balihṛtas karat ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0