પૈપ્પલાદ-સંહિતા · અધ્યાય 3.1

આ ત્વાગન્ રાષ્ટ્રં સહ વર્ચસોદ્ ઇહિ
પ્રાઙ્ વિશાં પતિર્ એકરાટ્ ત્વં વિ રાજ ।
સર્વાસ્ ત્વા રાજન્ પ્રદિશો હ્વયન્તુ-
-ઉપસદ્યો નમસ્યો ભવેહ ॥

ત્વાં વિશો વૃણતં રાજ્યાય
ત્વામ્ ઇમાઃ પ્રદિશઃ પઞ્ચ દેવીઃ ।
વર્ષ્મન્ રાષ્ટ્રસ્ય કકુદિ શ્રયસ્વ-
-અતો વસૂનિ વિ ભજાસ્ય્ ઉગ્રઃ ॥

અચ્છ ત્વા યન્તુ હવિનઃ સજાતા
અગ્નિર્ દૂતો અજિરઃ સન્તુરાતિઃ ।
જાયાઃ પુત્રાઃ સુમનસો ભવન્તુ
બહું બલિં પ્રતિ પશ્યાસા ઉગ્રઃ ॥

અશ્વિના ત્વાગ્રે મિત્રાવરુણોભા
વિશ્વે દેવા મરુતસ્ ત્વા હ્વયન્તુ ।
સજાતાનાં મધ્યમેષ્ઠા ઇહ સ્યાઃ
સ્વે ક્ષેત્રે સવિતેવ વિ રાજ ॥

આ પ્ર દ્રવ પરમસ્યાઃ પરાવતઃ
શિવે તે દ્યાવાપૃથિવી અભૂતામ્ ।
તદ્ અયં રાજા વરુણસ્ તથાહ
સ ત્વાયમ્ અહ્વત્ સ ઇહેદમ્ એહિ ॥

ઇન્દ્રેન્દ્રં મનુષ્યઃ પરેહિ
સં યજ્ઞિયાસ્ ત્વા વરુણેન સંવિદાનઃ ।
સ ત્વાયમ્ અહ્વત્ સ્વે સધસ્થે
સ દેવાન્ યક્ષત્ સ ઉ કલ્પયાદ્ વિશઃ ॥

પથ્યા રેવતીર્ બહુધા વિરૂપાઃ
સર્વાઃ સઙ્ગત્ય વરિવસ્ તે અક્રન્ ।
તાસ્ ત્વા સર્વાઃ સંવિદાના હ્વયન્તુ
દશમીમ્ ઉગ્રઃ સુમના વશેહ ॥

યદ્ અજિરેણ હવિષા-
-અવ ત્વા ગમયામસિ ।
અત્રાત ઇન્દ્રઃ કેવલીર્
વિશો બલિહૃતસ્ કરત્ ॥